Gujarati News

Gujarati News

News of Saturday, 26th September 2020

લોકડાઉનમાં બીડી ન મળતાં વ્યસન છોડી દીધુ'તું પણ ત્યારથી સતત બિમાર રહેતાં કમલેશભાઇનું મોત

કેવડાવાડીના કુંભાર આધેડની તબિયત બગડ્યા બાદ હોસ્પિટલમાં દમ તોડ્યો : જંકશનની ફૂટપાથ રહેતાં સુનિલભાઇનું નશો કરવાની આદતને કારણે મોત

રાજકોટ તા. ૨૬: કોરોનાને કારણે આવેલા લોકડાઉનમાં અનેક વ્યસનીઓ હેરાન પરેશાન થઇ ગયા હતાં. કેટલાકના વ્યસન છુટી ગયા હતાં તો કેટલાકે કાળાબજારમાં પૈસા ચુકવી વ્યસન ચાલુ રાખ્યા હતાં. કેવડાવાડી-૨૨માં રહેતાં કમલેશભાઇ રવજીભાઇ દેવગણીયા (કુંભાર) (ઉ.વ.૪૫)એ લોકડાઉનમાં વર્ષો જુનુ બીડી પીવાનું વ્યસન ત્યજી દીધું હતું. પરંતુ ત્યારથી સતત બિમાર રહેતાં હોઇ ગઇકાલે તબિયત બગડી જતાં મોત નિપજ્યું હતું.

કમલેશભાઇ સાંજે ઘરે બેભાન થઇ જતાં સિવિલ હોસ્પિટલમાં ખસેડાયા હતાં. પરંતુ અહિ સારવાર દરમિયાન મોત નિપજતાં હોસ્પિટલ ચોકીના હેડકોન્સ. દેવરાજભાઇ નાટડાએ ભકિતનગર પોલીસને જાણ કરી હતી. મૃત્યુ પામનાર બે ભાઇમાં નાના અને કુંવારા હતાં. તેઓ મોટા ભાઇ લક્ષમણભાઇની સાથે ઉપરના રૂમમાં રહેતાં હતાં. લક્ષમણભાઇએ જણાવ્યું હતું કે કમલેશભાઇને વર્ષોથી બીડીનું બંધાણ હતું. પણ લોકડાઉનમાં બીડી મળતી બંધ થતાં અને કાળાબજારમાં મોંઘી પડતી હોઇ તેણે બીડી પીવાનું છોડી દીધું હતું.

ત્યારથી તે અવાર-નવાર બિમાર પડી જતાં હતાં. અમે તેને હવે બીડી મળવા માંડી હોઇ પીવાનું કહેતાં હતાં પણ તેણે  ફરી બીડી પીધી નહોતી. ગઇકાલે અચાનક ઝાડા થઇ ગયા હતાં અને બાદમાં બેભાન જેવા થઇ જતાં હોસ્પિટલે ખસેડ્યા હતાં. પરંતુ સારવાર કારગત નિવડી નહોતી. ભકિતનગર પોલીસે એ.ડી. નોંધી જરૂરી કાર્યવાહી કરી હતી.

બીજા બનાવમાં જંકશન મેઇન રોડ ગુરૂદ્વારા નજીક ફૂટપાથ પર રહેતાં સુનિલભાઇ કાળુભાઇ કામલે (ઉ.વ.૪૫) બેભાન થઇ જતાં સિવિલમાં ખસેડાયા હતાં. પરંતુ અહિ દમ તોડી દીધો હતો. મૃતકને સંતાનમાં એક પુત્ર અને એક પુત્રી છે. તે લાંબા સમયથી દારૂનો નશો કરવાની આદત ધરાવતાં હોઇ કેટલાક સમયથી બિમાર હતાં. તે કારણે મૃત્યુ થયાનું પરિવારજનોએ પોલીસને કહ્યું હતું. પ્ર.નગર પોલીસે એ.ડી. નોંધી હતી.

(1:10 pm IST)
  • આતંકવાદ ,હથિયારોની ગેરકાયદે હેરાફેરી ,ડ્રગ્સ ,તથા મની લોન્ડરીંગ સહિતના મુદ્દે ભારત કાયમ અવાજ ઉઠાવશે : માનવતા, માનવ જાતિનું કલ્યાણ ,તથા માનવીય મૂલ્યોની હંમેશા રક્ષા કરીશું : વિશ્વના સૌથી મોટા વેક્સીન ઉત્પાદક દેશના પ્રાઈમ મિનિસ્ટરના નાતે હું જગતને આશ્વાસન આપવા માંગુ છું કે તમામ લોકોને આ વૈશ્વિક સંકટમાંથી બહાર કાઢવા માટે અમે સદાય તતપર રહીશું : ભારતની ફાર્મા ઇન્ડસ્ટ્રીઝે 150 થી વધુ દેશોમાં જીવન જરૂરી દવાઓ મોકલી છે : અમે" વસુધૈવ કુટુંબક્મ " ની ભાવનામાં માનીએ છીએ : સંયુક્ત રાષ્ટ્ર સંઘમાં ભારતના વડાપ્રધાન શ્રી નરેન્દ્ર મોદીનું ઉધબોધન access_time 7:11 pm IST

  • " સપનોકા સૌદાગર " : કોંગ્રેસ આગેવાન દિગ્વિજય સિંહે શ્રી નરેન્દ્ર મોદીને આપી ઉપમા : લોકોનું ધ્યાન ડાઇવર્ટ કરવા બધું અગાઉથી નક્કી જ હોય છે : કોરોનાનો કહેર વધ્યો તો સુશાંત સુશાંત : ચીને જવાનોને માર્યા તો રિયા રિયા : જીડીપી 23 ટકા તો કંગના કંગના : કિસાનો સડક ઉપર તો દીપિકા દીપિકા : એટલે જ તો " સપનોકા સૌદાગર " access_time 12:20 pm IST

  • દેશમાં કોરોનાના કહેર વચ્ચે નવા કેસ કરતા સ્વસ્થ થનારની સંખ્યા વધુ :એક્ટીવ કેસમાં સતત ઘટાડો : રાત્રે 12-30 વાગ્યા સુધીમાં દેશમાં 88,691 નવા કેસ નોંધાયા : કુલ કેસની સંખ્યા 59,90,513 થઇ : 9,56,491 એક્ટીવ કેસ : વધુ 92,312 દર્દીઓ સ્વસ્થ થતા કુલ 49,38,641 રિકવર થયા : વધુ 1123 લોકોના મોત સાથે મૃત્યુઆંક 94,533 થયો access_time 1:03 am IST