Gujarati News

Gujarati News

News of Saturday, 26th September 2020

રાજકોટની અર્ધો ડઝન કોવિડ-ખાનગી હોસ્પિટલ ઉપર ફુડ એન્ડ ડ્રગના દરોડા

રેમેડેસીવીયર ઇન્જેકશનનો સ્ટોક - નકલી છે કે કેમ - લેવાતા ભાવો સહિતની બાબતે તપાસ હાથ ધરાઇ : ફુડ એન્ડ ડ્રગના અધિકારી વ્યાસ અને તેમની ટીમ ૬ હોસ્પિટલમાં ત્રાટકી : મોડી રાત સુધી તપાસ : હાલ બધુ બરોબર નીકળ્યું : બપોર બાદ આજે પણ દરોડા પડાશે

રાજકોટ તા. ૨૫ : રાજકોટ કલેકટરની સૂચના બાદ ફૂડ એન્ડ ડ્રગ ખાતાની ટીમોએ ગઇકાલ સાંજથી મોડી રાત સુધી રેમેડેસીવીયર ઇન્જેકશનના જથ્થા, ઇન્જેકશન નકલી છે કે કેમ, દર્દીઓ પાસેથી લેવાતા ભાવો, સ્ટોક સહિતની બાબતો અંગે શહેરની ૬ જેટલી ખાનગી કોવિડ હોસ્પિટલમાં દરોડા પાડી તપાસ હાથ ધરતા ખળભળાટ મચી ગયો છે.

કલેકટર અને ફુડ ખાતા બંને પાસે નકલી ઇન્જેકશન અને વધુ ભાવો લેવાતા હોવાની ફરિયાદો બાદ ફૂડ એન્ડ ડ્રગ ખાતાના ડે. કમિશ્નર શ્રી વ્યાસે ૬ ટીમો બનાવી ૬ હોસ્પિટલો ઉપર દરોડાનો દોર શરૂ કર્યો હતો.

જે હોસ્પિટલમાં દરોડા પડાયા - તપાસ થઇ તેમાં ગોકુલ હોસ્પિટલ, પરમ હોસ્પિટલ, સેલેસ હોસ્પિટલ, ઇન્જેકશનના મુખ્ય ડીસ્ટ્રીબ્યુટર સામોના ડીસ્ટ્રીબ્યુટર, દેવ હોસ્પિટલ, શ્રેયસ હોસ્પિટલનો સમાવેશ થાય છે. જો કે તમામ સ્થળે નીલ રીપોર્ટ થયો છે, કશું વાંધાજનક મળ્યું નથી, હાલ સ્ટોક પણ પૂરતો હોવાનું સૂત્રોએ ઉમેર્યું હતું. ફૂડ એન્ડ ડ્રગ ખાતાએ લાલ આંખ કરતા અનેક ખાનગી હોસ્પિટલો શાનમાં સમજી ગઇ છે, ટીમોએ સ્ટોક પૂરતો રાખવા અને દર્દીને કોઇ મુશ્કેલી ન પડે તે જોવા પણ તાકિદ કરી હતી.

(3:17 pm IST)
  • દિલ્હીના 2 કરોડ નાગરિકોને કેજરીવાલ સરકારની મોટી ભેટ : હવેથી 24 કલાક પાણી મળશે : પાણી વિતરણ માટે બાબા આદમના વખતની ટેક્નોલોજીના સ્થાને અદ્યતન ટેક્નોલોજી અમલી બનાવાશે : પાણીની પાઈપ લાઈન ખોલવા માટે હેન્ડલ ઘુમાવવાને બદલે સેન્ટ્રલાઈઝડ સિસ્ટમ લાગુ કરાશે : કર્મચારી ઓફિસમાં બેઠા બેઠા રિમોટ કંટ્રોલથી કામગીરી સંભાળશે access_time 12:35 pm IST

  • આતંકવાદ ,હથિયારોની ગેરકાયદે હેરાફેરી ,ડ્રગ્સ ,તથા મની લોન્ડરીંગ સહિતના મુદ્દે ભારત કાયમ અવાજ ઉઠાવશે : માનવતા, માનવ જાતિનું કલ્યાણ ,તથા માનવીય મૂલ્યોની હંમેશા રક્ષા કરીશું : વિશ્વના સૌથી મોટા વેક્સીન ઉત્પાદક દેશના પ્રાઈમ મિનિસ્ટરના નાતે હું જગતને આશ્વાસન આપવા માંગુ છું કે તમામ લોકોને આ વૈશ્વિક સંકટમાંથી બહાર કાઢવા માટે અમે સદાય તતપર રહીશું : ભારતની ફાર્મા ઇન્ડસ્ટ્રીઝે 150 થી વધુ દેશોમાં જીવન જરૂરી દવાઓ મોકલી છે : અમે" વસુધૈવ કુટુંબક્મ " ની ભાવનામાં માનીએ છીએ : સંયુક્ત રાષ્ટ્ર સંઘમાં ભારતના વડાપ્રધાન શ્રી નરેન્દ્ર મોદીનું ઉધબોધન access_time 7:11 pm IST

  • ખાનગી શાળાઓનો ફીનો મુદ્દો હજુ અદ્ધરતાલ : વાલી મંડળે ૫૦%ની માંગણી કરી : શિક્ષણમંત્રીએ ૨૫%ની ફી માફીની દરખાસ્ત કરી : ફરી ૨૯મીએ શિક્ષણમંત્રી સાથે વાલીમંડળની બેઠક મળશે access_time 4:06 pm IST