Gujarati News

Gujarati News

News of Wednesday, 26th June 2019

વયોવૃધ્ધ પિતા દ્વારા પુત્રી સામે મનાઇ હુકમ મેળવવા દાવો

રાજકોટ તા ૨૬  : ૯૫ વર્ષના વયોવૃધ્ધ પિતાએ તેની પુત્રી સામે કોર્ટમાં કાયમી મનાઇ હુકમ મેળવતા દાવો દાખલ કરેલ છે.

આ કેસની વિગત એવી છે કે, આ કામમાં વિનોદરાય ન્યાલચંદ મહેતા, રહે. રાજકોટ, હાલ  મુંબઇ વાળાની પુત્રી પ્રજ્ઞાબેન રાજેન્દ્રભાઇ ઉદાણીએ તેઓના પીતાશ્રીની માલીકી, કબજા, ભોગવટામાં આવેલ જલીયાણ કોમ્પલેક્ષ, ફલેટ નં.૫, બીજો માળ, ચુડાસમા પ્લોટ મેઇન રોડ, રાજકોટનુ ગીફટ ડીડ, રજીસ્ટર્ડ વીલ થી વિનોદરાય ન્યાલચંદ મહેતાની વયોવૃધ્ધ અવસ્થા/બીમારી અને તેઓને અંધારામાં રાખી કોઇપણ જાતની માહીતી કે સમજાવટ કર્યા વગર બનાવડાવી લીધેલ, તે ગીફટડીડના અનુસંધાને પ્રજ્ઞાબેન રાજેન્દ્રભાઇ ઉદાણીએ સદરહુ ફલેટ નં.પ, બીજો માળ, જલીયાણ કોમ્પલેેક્ષ, ચુડાસમા પ્લોટ મેઇન રોડ રાજકોટ વાળો વેચાણ કે ટ્રાન્સફર કરવાની કાર્યવાહી કરતા, જેનો ખ્યાલ વિનોેદરાય ન્યાલચંદ મહેતાને આવતા, તેઓએ  રાજકોટની સીવીલ કોર્ટમાં દાવો દાખલ કરેલ છે તથા કોર્ટે પ્રતિવાદી એવા પ્રજ્ઞાબેેન રાજેન્દ્રભાઇ ઉદાણીને મુદત તા. ૧૯/૦૭/૧૯ ના રોજ ના. દિવાની અદાલતમાં હાજર રહેવા માટે સમન્સ/નોટીસ પાઠવેલ છે.

આ કામે વાદી એવા વિનોદરાય ન્યાલચંદ મહેતા તરફે રાજકોટના એડવોકેટ શ્રી સંજીવ આઇ. શાહ, અમિત એન. લોકવાણી તથા હિરેન એમ. શેઠ રોકાયેલા છે.

(3:48 pm IST)
  • રાજયમાં જાહેર થયેલી સ્થાનીક સ્વરાજયની ચુંટણી અંગે મુખ્યમંત્રીના નિવાસ સ્થાને સાંજે ૬ વાગે પાર્લામેન્ટ્રી બેઠક : ગાંધીનગરમાં ભાજપની પ્રદેશ પાલામેન્ટ્રી બોર્ડની બેઠકઃ જુનાગઢ, ગાંધીનગર મનપાની ચૂંટણી અંગે કરાશે ચર્ચાઃ જીલ્લા પંચાયતની પાંચ બેઠક, તા.પં.ની ૫ાંચ બેઠક અંગે ચર્ચા : સીએમ રૂપાણી, જીતુભાઇ વાઘાણી સહિતના હાજર રહેશેઃ સીએમ રૂપાણીના અધ્યક્ષ સ્થાને કેબીનેટની બેઠક access_time 1:08 pm IST

  • બેંકોને ચુનો ચોપડનાર સંદેસરા બંધુઓ સામે ઇડીનીકાર્યવાહીઃ૯૭૭૮કરોડની પ્રોપર્ટી જપ્ત : નવી દિલ્હીઃ બેંકોના ૮૧૦૦ રૂપીયા ચાંઉ કરી જનાર વડોદરાના ઉદ્યોગપતિ સંદેસર બ્રધર્સ વિરૂધ્ધ ઇડીએ ધોકો પછાડયોઃ ૯૭૭૮ કરોડની સંપતિ જપ્ત કરીઃજેમાં લંડનમાં મોજુદ પ્રોપર્ટી અને પ્ેલેન પણ સામેલ છેઃ બંને ભાઇ ચેતન-નીતીન ફરાર છેઃ રેડકોર્નર નોટીસ જારી થઇ છે access_time 4:22 pm IST

  • પાકિસ્તાનમાં ભારતીય રાજદૂતો સાથે ગેરવર્તણુક : ભારતે નોંધાવ્યો વિરોધ : ગેરવર્તણુકના ૬ મામલામાં નોંધાવ્યો વિરોધ : ૧૩મીએ ભારતીય રાજદૂતોનો પીછો કરાયો હતો તેમજ ઈફતાર પાર્ટીમાં પણ ગેરવર્તણુક કરાઈ હતી access_time 3:40 pm IST