Gujarati News

Gujarati News

News of Wednesday, 26th June 2019

કવિ 'આપ' સ્મૃતિ વિશેષ સંભારણા : કલાકારો ખીલ્યા : મોડે સુધી મેદની જામી

રાજકોટ : સૌરાષ્ટ્રના જાણીતા કવિ, લેખક, ગાયક, વકતા, સ્વરકાર, સંગીતકાર સ્વ. આપાભાઇ ગઢવી (કવિ આપ) ની ૨૫ મી પૂણ્યતીથી નિમિતે કવિ આપ પરિવાર દ્વારા સ્વામિનારાયણ ગુરૂકુળ અનુગ્રહે 'સંભારણા' કાર્યક્રમ યોજવામાં આવ્યો હતો. ગુરૂકુળ પરિસરના શ્રી હરિપ્રિય સ્વામિ, સંત સ્વામી સહિતના સંતગણ અને કલાકાર સમુહ દ્વારા પ્રારંભે દિપપ્રાગટય કરી ગણપતિ વંદના કરાઇ હતી. ગુરૂવંદના પદ જયદેવ ગોસાઇએ કરેલ. બાદમાં દેશ વિદેશમાં ખ્યાતિ જમાવનાર ભજનિક હેમંત ચૌહાણે કવિ આપની જ બાપલિયો, કોઇ માટેલ જઇ મનાવો, હે માનવ વિશ્વાસ કરી લે.. આદી રચનાઓ રજુ કરી શ્રોતાગણને ભાવવિભોર કરી દીધો હતો. કીર્તીદાન ગઢવીએ ઉગ્યું મંદિરીયામાં આભ, પ્રીતુ રે કરીને ઘણું પછતાણાં, ઉગમણે બારણે અને મોગલ છેડતા કાળો નાગ રજુ કરી સૌને ઘેલું લગાડયુ હતુ. હાસ્ય કલાકાર ધીરૂભાઇ સરવૈયા, અનુભા ગઢવી, રાજભા ગઢવીએ  પણ આભાભાઇને યાદ કરી તેમની રચનાઓની રસલ્હાણ કરી હતી. કવિપુત્ર નરહર આપાભાઇ ગઢવીના સંકલન અને શબ્બીર ઉસ્તાદ, ઇકબાલ હાજી, ભરતપુરી, બળવંત ગોસાઇ, વિશાલ વાઘેલા, દિનેશ ગઢવી, પ્રકાશ, શ્યામ, કાનજી, વિજયની સુરીલી સાઝ સંગતે જમાવટ કરી હતી. લોકોએ મોડી રાત્રી સુધી કાર્યક્રમ માણ્યો હતો. જે તસ્વીરમાં નજરે પડે છે.

(3:39 pm IST)
  • રાજયની સરકારી કોલેજો અને યુનિવર્સિટીને ફાયર સેફટીના સાધનો અપાશે સુરત અગ્નિકાંડ બાદ સરકાર સફાળી જાગી : બજેટમાં ખાસ જોગવાઈ કરાશે access_time 6:26 pm IST

  • બેંકોને ચુનો ચોપડનાર સંદેસરા બંધુઓ સામે ઇડીનીકાર્યવાહીઃ૯૭૭૮કરોડની પ્રોપર્ટી જપ્ત : નવી દિલ્હીઃ બેંકોના ૮૧૦૦ રૂપીયા ચાંઉ કરી જનાર વડોદરાના ઉદ્યોગપતિ સંદેસર બ્રધર્સ વિરૂધ્ધ ઇડીએ ધોકો પછાડયોઃ ૯૭૭૮ કરોડની સંપતિ જપ્ત કરીઃજેમાં લંડનમાં મોજુદ પ્રોપર્ટી અને પ્ેલેન પણ સામેલ છેઃ બંને ભાઇ ચેતન-નીતીન ફરાર છેઃ રેડકોર્નર નોટીસ જારી થઇ છે access_time 4:22 pm IST

  • મનમોહનસિંઘને ભારત રત્ન એવોર્ડ અપાશે : સંસદમાં પ્રવચન દરમિયાન નરેન્દ્રભાઈએ નિર્દેશ આપ્યો હતો કે પૂર્વ વડાપ્રધાન મનમોહનસિંઘને 'ભારત રત્ન' એવોર્ડ આપવામાં આવશે : ન્યુઝ ફર્સ્ટનો અહેવાલ access_time 6:16 pm IST