Gujarati News

Gujarati News

News of Wednesday, 26th June 2019

રાજકોટ મશીનરી ડીલર્સ એસો. દ્વારા વેપાર ઉદ્યોગના મુદ્દે પ્રિ-બજેટ મેમોરેન્ડમ સુપ્રત

રાજકોટ તા. ૨૬ : કેન્દ્ર સરકારના વર્ષ ૨૦૧૯-૨૦ ના અંદાજપત્રને ધ્યાને લઇ વેપાર ઉદ્યોગના વિવિધ પ્રશ્નો અંગે રાજકોટ મશીનરી ડીલર્સ એસોસીએશન દ્વારા પ્રિ-બજેટ મેમોરેન્ડમ સુપ્રત કરવામાં આવેલ છે.

જેમાં વ્યકિતગત મુકિત મર્યાદા વચગાળાના બજેટમાં અઢીથી પાંચ લાખ કરી આપવાની વાતને આવકારવામાં આવી છે. તેમજ નાના કરદાતાઓની જે લીમીટ અઢી લાખ છે તેમાં વધારો કરી ત્રણથી સાડા ત્રણ લાખ કરી આપવા તેમજ ઓર્ડીનરી કરદાતાઓ માટે પ લાખનો સ્લેબ કરી આપેલ છે તો સીનીયર સીટીજનને કયા સ્લેબમાં ગણવા તેની સ્પષ્ટતા ન હોય આ સ્પષ્ટતા કરવા તેમજ સુપર સીનીયર સીટીજનને વધારાનો લાભ આપવા સુચન કરાયુ છે.

પરદેશમાં સીનીયર અને સુપર સીનીયરની તબીબી સેવા વિનામુલ્યે અપાય છે તે રીતે ભારતમાં ઓછામાં ઓછા પંચોતેર વર્ષ પુરા કરનારાઓ માટે આવો લાભ આપવા વિચારવા તથા સેવીંગ બેંક વ્યાજ દશ હજાર સુધીની વર્ષ દરમિયાન બાદ મળે છે તે રકમ વીસ હજાર સુધી બાદ મળે તેવી વ્યવસ્થા વિચારવા તેમજ કૃષી ગ્રામીણ અર્થવ્યવસ્થામાં રસ્તા, વિજળી, પાણી પુરવઠા, પાક વિમા માટે પ્રોત્સાહન આપવા સહીત અલગ અલગ ૧૯ મુદ્દાઓ પર રજુઆત કરેલ છે.

આગામી બજેટમાં આ તમામ મુદ્દાઓ પર ન્યાયી વિચારણા કરવા રાજકોટ મશીનરી ડીલર્સ એસો.ના પ્રમુખ મનસુખભાઇ પટેલ અને માનદમંત્રી અશ્વિનભાઇ પટેલે રજુઆત કરી છે.

(3:24 pm IST)
  • રાજકોટ જિલ્લા દૂધ ઉત્પાદક મંડળીએ દૂધના ફેટ દીઠ રૂા.૨૦નો વધારો કર્યો હવેથી પ્રતિકિલો ફેટના રૂા.૭૦૦ પશુપાલકોને ચુકવાશે : ૮૩૦ મંડળીઓના ૬૫ હજાર પશુપાલકોને થશે લાભ access_time 6:28 pm IST

  • વરાછામાં મહિલા સ્પા સંચાલકે પિતા - પુત્ર પર છરીથી હુમલો કર્યો છુટા પૈસા બાબતે ઝઘડો થતાં સ્પાની સંચાલક મહિલાએ હુમલો કર્યો હતો : વરાછા પોલીસે મહિલાની ધરપકડ કરી access_time 6:27 pm IST

  • રાજયમાં જાહેર થયેલી સ્થાનીક સ્વરાજયની ચુંટણી અંગે મુખ્યમંત્રીના નિવાસ સ્થાને સાંજે ૬ વાગે પાર્લામેન્ટ્રી બેઠક : ગાંધીનગરમાં ભાજપની પ્રદેશ પાલામેન્ટ્રી બોર્ડની બેઠકઃ જુનાગઢ, ગાંધીનગર મનપાની ચૂંટણી અંગે કરાશે ચર્ચાઃ જીલ્લા પંચાયતની પાંચ બેઠક, તા.પં.ની ૫ાંચ બેઠક અંગે ચર્ચા : સીએમ રૂપાણી, જીતુભાઇ વાઘાણી સહિતના હાજર રહેશેઃ સીએમ રૂપાણીના અધ્યક્ષ સ્થાને કેબીનેટની બેઠક access_time 1:08 pm IST