Gujarati News

રાજકોટ તા. ૨૬: મ્યુનિ.કોર્પોરેશનમાં વોર્ડ ઓફિસર, વર્ક આસીસ્ટન્ટ, પમ્પ ઓપરેટર સહિત ૩૧ કર્મચારીઓને ત્રણ વર્ષ પુર્ણ થતાં મ્યુનિ. કમિશ્નર દ્વારા આ તમામને કાયમીનો હુકમ કરવામાં આવ્યો છે. જેનાથી તંત્રને વાર્ષિક ૭.૨૦ કરોડનું ભારણ આવશે. આ અંગે સુત્રોના જણાવ્યા મુજબ શહેરીજનોને જન્મ-મરણ સર્ટી, વેરા, સાફસફાઇ સહિતના પ્રશ્ને મ્યુનિ. કોર્પોરેશન કચેરી સુધી ધક્કા ખાવા ન પડે તે માટે દરેક વોર્ડમાં વોર્ડ ઓફિસરની સેવા કાર્યરત કરવામાં આવી હતી અને દરેક વોર્ડમા૧-૧ વોર્ડ ઓફીસરની ત્રણ વર્ષ સુધી ફિકસ પગાર ભરતી કરવામાં આવી હતી.

આ તમામ વોર્ડ ઓફિસરને ત્રણ વર્ષ પુરા થતા કુલ ૧૩ વોર્ડ ઓફિસરને કાયમીનો હુકમ મ્યુનિ. કમિશ્નર બંછાનિધિ પાની દ્વારા કરવામાં આવ્યો છે. આ કાયમી કર્મચારીઓને રૃા. ૪૪,૯૦૦નો પગાર ચુકવવામાં આવશે.

આ સાથે ૧૯ વર્ક આસીસ્ટન્ટ અને પમ્પ ઓપરેટરને કાયમી કરવામાં આવ્યા છે. જેના કારણે તંત્રને ૧૦ થી ૧૫ કરોડનું વાર્ષિક ભારણ વધશે.