Gujarati News

રાજકોટ તા. ૨૬: મોચી બજાર ચામડીયા ખાટકીવાસમાં રહેતાં જેબુનબેન હનીફભાઇ સોલંકી (ઉ.વ.૪૦) પર રાતે દસેક વાગ્યે ઘર નજીક રહેતાં પોતાના સગા યુનુસભાઇને ત્યાં પતિ સાથે જમવા ગયા હતાં ત્યારે બે કોૈટુંબીક દિયરો આરીફ અને અલ્તાફે લોખંડના સળીયાથી હુમલો કરી હાથે-શરીરે ઇજા કરતાં સિવિલ હોસ્પિટલમાં દાખલ કરવામાં આવતાં હોસ્પિટલ ચોકીના રામસિંહભાઇ વરૂએ એ-ડિવીઝન પોલીસ મથકમાં જાણ કરી હતી.

જેબુનબેનના પતિ હનિફભાઇ રિક્ષા હંકારી ગુજરાન ચલાવે છે. તેણે કહ્યું હતું કે ઇદ હોવાથી અમે અમારા મોટા બાપુના દિકરા યુનુસભાઇને ત્યાં જમવા ગયા હતાં. તેની સાથે મારા પિત્રાઇ ભાઇઓ આરીફ અને અલ્તાફને યુનુસભાઇ સાથે ભળતું ન હોઇ બંનેએ તમે શું કામ અહિ જમવા આવ્યા? તેમ કહી હુમલો કર્યો હતો.