Gujarati News

Gujarati News

News of Sunday, 26th May 2019

ફાયર સેફટીના સાધનો ના હોય તેવા ટ્યુશન ક્લાસીસ ચલાવી નહી શકાય : મ્યુનિ. કમિશનર બંછાનિધિ પાની

રાજકોટમાં તમામ ટ્યુશન ક્લાસિસનું ચેકીંગ કરવા આદેશ : ત્રણ ટીમોએતાબડતોડ ચેકીંગ હાથ ધર્યું

 

રાજકોટ: મહાનગરપાલિકાના કમિશનર બંછાનિધિ પાનીએ કહ્યું હતું કે, રાજકોટમા ચાલતા ટયુશન કલાસીસ પૈકી જે ટ્યુશન કલાસમાં ફાયર સેફટીના સાધનો વસાવવામાં આવ્યા ના હોય તે ચાલુ રાખી શકાશે નહીં અને હાલ તાત્કાલિક અસરથી આવા  ટ્યુશન કલાસ બંધ કરાવવામાં આવી રહ્યા છે. જ્યાં સુધી ફાયર સેફટીના સાધનો વસાવવામાં ના આવે ત્યાં સુધી ટ્યુશન કલાસ ચાલુ કરી નહી શકાય.

 મ્યુનિ. કમિશનર શ્રી બંછાનિધિ પાનીએ સાંજથી શહેરના તમામ ટ્યુશન કલાસમાં ફાયર સેફટીના સાધનો છે કે કેમ તેની ચકાસણી કરવા ચીફ ફાયર ઓફિસર બી.જે.ઠેબાને આદેશ કરેલ છે, જેના પગલે ફાયર એન્ડ ઇમરજન્સી વિભાગની ત્રણ ટીમોએ તાબડતોબ સાંજે ટ્યુશન કલાસીસની ચકાસણી શરૂ કરી દીધી હતી.

    કમિશનરએ વધુમાં કહ્યું કે, વિદ્યાર્થી ભાઇ બહેનોની સુરક્ષાને ધ્યાનમાં રાખી હવે શહેરમાં, ફાયર સેફટીના સાધનો વસાવાયા બાદ જ ટ્યુશન કલાસ ચાલુ કરી શકાશે  નહી.

(11:08 pm IST)
  • રાહુલ ગાંધી અધ્યક્ષ પદ છોડશે તો દક્ષિણમાં કાર્યકર્તાઓ આત્મહત્યા કરશે :કોંગ્રેસનાં સીનિયર નેતા પી.ચિદમ્બરમે રાહુલ ગાંધીને ભાવુક અપીલ કરી,:કોંગ્રેસના કારમાં પરાજય બાદ રાહુલ ગાંધીની રાજીનામાની ઓફરને અતાર્કિક ગણાવી :તેમણે કહ્યું કે, રાહુલ ગાંધી અધ્યક્ષ પદ છોડશે તો દક્ષિણમાં કાર્યકર્તાઓ આત્મહત્યા કરશે access_time 11:09 am IST

  • માત્ર હિન્દીભાષી રાજ્યો જ ભારત નથી :કેન્દ્ર સરકાર એકપણ રાજ્યની અવગણના નહિ કરી શકે ;ચૂંટણીમાં ભવ્ય વિજય બાદ ડીએમકે અધ્યક્ષ એમ,કે,સ્ટાલિનના તીખા તેવર ;લોકસભા ચૂંટણીમાં તામિલનાડુમાં પોતાની પાર્ટીના પ્રદર્શનથી ઉત્સાહિત સ્ટાલીને કહ્યું કે તેની પાર્ટી અન્ય રાજ્યોમાં પ્રાદેશિક પક્ષ સાથે મળીને ભાજપનો મુકાબલો કરશે access_time 11:09 am IST

  • લોકસભાની ચૂંટણીના પરિણામો પછી પશ્ચિમ બંગાળમાં સતત હિંસા ચાલુ : તૃણમૂલ કોંગ્રેસના કાર્યકર્તાઓ અને ભાજપના કાર્યકર્તાઓ વચ્ચેની અથડામણોમાં ૧નું મોત : ૩૦ ઘાયલ થયા access_time 10:19 pm IST