Gujarati News

Gujarati News

News of Saturday, 26th May 2018

કાનુની વિજય

ઇન્કમટેક્ષ રૂડાને રર.૯૬ કરોડનાં ટેક્ષનું રિફંડ ચુકવશે

ર૦૧૧-૧રમાં ઇન્કમટેક્ષે રૂડા પાસેથી ડેવલપમેન્ટ આવક અંગે રૂ. રર.૯૬ કરોડનો ટેક્ષ વસુલ્યો હતો : ૬ વર્ષ સુધીની કાનૂની લડત બાદ ઇન્કમટેક્ષે સ્વીકાર્યુ ''આ રકમ ગ્રાન્ટની હતી જેના પર ટેક્ષ ન લાગે'': સી.ઇ.ઓ. પંડયાની સફળ જહેમત

રાજકોટ, તા. ર૬ :  રૂડાએ ઇન્કમટેક્ષ વિભાગ સામે સતત ૬ વર્ષ સુધી કાનૂની લડત ચલાવી અને ઇન્કમટેક્ષ વિભાગે ર૦૧૧-૧રમાં ટેક્ષ પેટે વસુલેલા રૂ. રર.૯૬ કરોડનું રિફંડ મેળવવામાં સફળતા મેળવી છે.

આ અંગે સત્તાવાર પ્રાપ્ત માહિતી મુજબ ર૦૧૧-૧રના નાણાકિય વર્ષમાં ઇન્કમટેક્ષ વિભાગે રૂડા (રાજકોટ રૂરલ અર્બન ડેવલપમેન્ટ ઓથોલિટી) કરોડોથી આવક કરી છે તેમ જણાવી ઇન્કમટેક્ષ વિભાગે 'રૂડા'ને નોટીસ ફટકારી અને રૂ. રર.૯૬ કરોડનો ટેક્ષ વસુલ્યો હતો.

આ ટેક્ષ વસુલી સામે 'રૂડા'એ કાનૂની લડત માડી હતી અને એવી અપીલ કરી હતી કે ''આ આવક સરકારે આપેલી ગ્રાન્ટની છે અને ગ્રાન્ટ ઉપર આવકવેરો વસુલી ન શકાય.''

દરમિયાન ૬ વર્ષ સુધી ચાલેલા આ કાનૂની જંગબાદ ઇન્કમટેક્ષ વિભાગે સ્વીકાર્યુ કે 'રૂડા' પાસે લેવાયેલ રૂ. રર.૯૬ કરોડનો ટેક્ષ રિફંડને પાત્ર છે કેમકે ગ્રાન્ટની રકમ ઉપર ટેક્ષ વસુલી શકાય નહીં આમ હવે ઉપરોકત રર.૯૬ કરોડનું રિફંડ 'રૂડા' ને આપવામાં આવશે.

આ પ્રકરણનો સુખદ અંત આવતાં એડીશનલ કલેકટર અને રૂડાનાં સી.ઇ.ઓ. શ્રી પંડયા પર અભિનંદન વર્ષા વરસી હતી. (૯.૧૩)

(4:20 pm IST)
  • દિલ્હીના મુખ્ય સચિવ અંશુ પ્રકાશ સાથે કથિત મારપીટ મામલે નાયબ મુખ્યમંત્રી મનીષ સિસોદીયાની ત્રણ કલાક પૂછપરછ :એડિશનલ ડીસીપી હરેન્દ્રસિંહના નેતૃત્વમાં એક ટીમે સિસોદીયાના મથુરા રોડ પરના ઘરે 165 મિનિટ પૂછપરછ કરી અને અંદાજે 125 સવાલ કર્યા :પોલીસે કહ્યું જવાબથી સંતુષ્ટ access_time 1:18 am IST

  • મુંબઈની તરતી રેસ્ટોરન્ટ સમુદ્રમાં ડૂબી : મુંબઈના માહિમ ખાતે બાંદરા-વરલી સી લિંક પાસે સમુદ્રમાં તરતી રેસ્ટોરન્ટ ડૂબી જતા 15 લોકો ડૂબ્યા હતા. જો કે સદનસીબે આ તમામ લોકોને બચાવી લેવાયા હતા. એક મોટી શિપને તરતી રેસ્ટોરન્ટમાં ફેરવવામાં આવી હતી. આ આર્ક ડેક બાર રેસ્ટોરન્ટ સમુદ્રના કિનારાથી લગભગ દોઢ કિલોમીટર અંદર હતી. જહાજમાં પાણી ભરાવાથી દુર્ઘટના સર્જાય હતી. પોલીસ દ્વારા આ ઘટનાની વધુ તપાસ હાથ ધરાય છે. access_time 2:09 pm IST

  • પાટણમાં એમબીબીએસના વિદ્યાર્થીએ આપઘાત કર્યો : ધારાપુર મેડીકલ કોલેજની હોસ્ટેલના ૧૦મા માળે ગળાફાંસો ખાઈ વિદ્યાર્થીએ આપઘાત કરી લેતા અરેરાટી access_time 7:07 pm IST