Gujarati News

Gujarati News

News of Saturday, 26th May 2018

સેઇફ સીટી માટે રાજકોટની આઇ-વે પ્રોજેકટની પસંદગીઃ મેયર અને ડે.કમિશનર એવોર્ડ એનાયત

રાજકોટઃ કેન્દ્ર સરકારના સ્માર્ટ સિટી મિશન હેઠળ ઝડપથી વિકાસ પામી રહેલા શહેરોની અવનવી સુવિધાઓ અભ્યાસનો વિષય બનેલ છે ત્યારે રાજકોટ શહેર પણ તેની આધુનિક ઢબની પ્રગતિના પરિણામે રાષ્ટ્રીય અને આંતરરાષ્ટ્રીય સ્તરે પ્રતિષ્ઠા હાંસલ કરી રહ્યું છે. રાજકોટ મહાનગરપાલિકાએ રાજકોટને સેઇફ અને સિકયોર સિટી બનાવવા કાર્યરત કરેલા 'રાજકોટ આઇ-વે પ્રોજેકટ'ને રાષ્ટ્રીય કક્ષાએ ગૌરવ પ્રાપ્ત થયું છે. સ્માર્ટ સિટી કાઉન્સિલ ઓફ ઇન્ડિયા અને એકિઝબીશન્સ ઇન્ડિયા ગ્રુપ દ્વારા સેઇફ સિટી એવોર્ડ ઓફ સ્માર્ટ સિટીઝ ઇન્ડિયા એવોર્ડઝ-૨૦૧૮ માટે રાજકોટના આઇ-વે પ્રોજેકટરની પસંદગી કરી છે, અને તા.૨૫ના રોજ નવી દિલ્હી ખાતે યોજાયેલ એવોર્ડ અર્પણ સમારોહમાં રાજકોટના મેયર ડો.જૈમનભાઇ ઉપાધ્યાય અને નાયબ મ્યુનિ. કમિશનર ચેતન નંદાણીને સેઇફ સીટી એવોર્ડ એનાયત કરવામાં આવ્યો હતો.

(4:12 pm IST)
  • આજે CBSE બોર્ડ ધોરણ 12નું પરિણામ જાહેર થશે : પરિણામ સરળતાથી જોઇ શકાય તે માટે ગુગલ સાથે કર્યું CBSEએ જોડાણ : ગુગલ પરથી વિદ્યાર્થીઓ જોઇ શકશે પોતાનું પરિણામ : cbse.examresults.net, cbseresults.nic.in, results.nic.in and results.gov.in વેબસાઈટસ પરથી પરિણામ જાણી શકાશે access_time 6:56 pm IST

  • સુરતની લેડી ડૉન અસ્મિતા ગોહિલ ઉર્ફે ભૂરીએ પોતાનો ગુનો કબૂલ્યો છે અને હવે સુધરવાની વાત કરી છે. ભૂરીએ કહ્યું કે મારા પર જે આરોપ લાગ્યા છે તે સાચા છે. વાઈરલ થયેલો વીડિયો પણ મારો છે. ભૂરીએ પોતાની ભૂલ પણ સ્વીકારી અને કહ્યું કે જેલમાંથી બહાર આવીને હું મારી ભૂલ સુધારવા માગું છું. ભૂરીએ કહ્યું કે હવે મને લાગે છે કે મારે સુધરી જવું જોઈએ. ભૂરીએ આ નિવેદન કોર્ટ બહાર આપ્યું હતું. access_time 1:23 am IST

  • મુંબઈની તરતી રેસ્ટોરન્ટ સમુદ્રમાં ડૂબી : મુંબઈના માહિમ ખાતે બાંદરા-વરલી સી લિંક પાસે સમુદ્રમાં તરતી રેસ્ટોરન્ટ ડૂબી જતા 15 લોકો ડૂબ્યા હતા. જો કે સદનસીબે આ તમામ લોકોને બચાવી લેવાયા હતા. એક મોટી શિપને તરતી રેસ્ટોરન્ટમાં ફેરવવામાં આવી હતી. આ આર્ક ડેક બાર રેસ્ટોરન્ટ સમુદ્રના કિનારાથી લગભગ દોઢ કિલોમીટર અંદર હતી. જહાજમાં પાણી ભરાવાથી દુર્ઘટના સર્જાય હતી. પોલીસ દ્વારા આ ઘટનાની વધુ તપાસ હાથ ધરાય છે. access_time 2:09 pm IST