Gujarati News

Gujarati News

News of Saturday, 26th May 2018

સદરમાં જૈનમ મારફાણીને પતિ મોઇને લાકડી-ઢીકાપાટુનો બેફામ માર માર્યો

માવતરેથી ત્રણ લાખ લઇ આવવા કહી મારકુટ કર્યાનો પિતા યાસીનભાઇનો આરોપ

રાજકોટ તા. ૨૬: સદર બજારમાં જુમ્મા મસ્જીદ પાસે રહેતી જૈનમ મોઇન મારફાણી (મેમણ) (ઉ.૨૧) નામની પરિણીતાને પતિ મોઇને રાત્રે અગિયારેક વાગ્યે લાકડીથી બેફામ માર મારતાં વાંસા, પગમાં ઇજાઓ થતાં સિવિલ હોસ્પિટલમાં ખસેડાઇ છે. માવતરેથી ત્રણ લાખ રૂપિયા લઇ આવવાનું કહી જમાઇએ મારકુટ કર્યાનું જૈનમના પિતા યાસીનભાઇ મજીદભાઇ બકાલીએ જણાવ્યું હતું.

જૈનમને રાત્રે હોસ્પિટલમાં દાખલ કરવામાં આવતાં ચોકીના એએસઆઇ હરેશભાઇ રત્નોત્તર અને ધીરેનભાઇ ગઢવીએ પ્ર.નગર પોલીસને જાણ કરી હતી. જૈનમના લગ્ન બે વર્ષ પહેલા થયા છે. સંતાનમાં એક પુત્ર છે. પતિ મોઇનને ઘર પાસે જ મોઇન કિરાણા સ્ટોર નામે દુકાન છે. જૈનમના પિતા યાસીનભાઇ મુળ ધોરાજીના છે અને હાલમાં ગિરનાર સિનેમા પાસે ભુંગળા-બટેટાની રેંકડી રાખી ધંધો કરે છે.

યાસીનભાઇએ જણાવ્યું હતું કે જૈનમ તેની એકની એક દિકરી છે. લગ્નના છ મહિના બાદ જ પતિએ માવતરેથી પૈસા લઇ આવવાનું કહી મારકુટ કરી ત્રાસ ગુજારતાં દિકરી રિસામણે આવી હતી. બાદમાં જમાત મારફત સમાધાન કરી મોઇન તેને ફરીથી તેડી ગયો હતો. હવે તેને દેણુ થઇ ગયું હોઇ ફરીથી મારી દિકરીને માવતરેથી ત્રણ લાખ લઇ આવવાનું કહી ત્રાસ ગુજારે છે. ગત રાતે આ કારણોસર જ લાકડી તેમજ ઢીકા-પાટુનો માર માર્યો હતો.

પોલીસે ફરિયાદ નોંધવા કાર્યવાહી કરી હતી. (૧૪.૬)

(12:43 pm IST)
  • સુરતની લેડી ડૉન અસ્મિતા ગોહિલ ઉર્ફે ભૂરીએ પોતાનો ગુનો કબૂલ્યો છે અને હવે સુધરવાની વાત કરી છે. ભૂરીએ કહ્યું કે મારા પર જે આરોપ લાગ્યા છે તે સાચા છે. વાઈરલ થયેલો વીડિયો પણ મારો છે. ભૂરીએ પોતાની ભૂલ પણ સ્વીકારી અને કહ્યું કે જેલમાંથી બહાર આવીને હું મારી ભૂલ સુધારવા માગું છું. ભૂરીએ કહ્યું કે હવે મને લાગે છે કે મારે સુધરી જવું જોઈએ. ભૂરીએ આ નિવેદન કોર્ટ બહાર આપ્યું હતું. access_time 1:23 am IST

  • પાટીદાર પંચાયતમાં વિવાદ : દિનેશ બાંભણીયાએ હાર્દિકને લખ્યો પત્ર : હાર્દિકે ફકત પબ્લીસીટી મેળવવા રાજકીય પાર્ટીઓને પત્ર લખ્યાનો આક્ષેપ : ધાર્મિક સંસ્થા અને શહીદ પરિવારને આમંત્રણ નહિં અપાતા પાટીદાર પંચાયતમાં થયો વિવાદ : પંચાયતમાં નહિં જવાનો નિર્ણય જાહેર કરતા બાંભણીયા access_time 7:09 pm IST

  • આગામી 24 કલાકમાં ગોવા અને મહારાષ્ટ્ર્ના કિનારે મેનુકુ વાવાઝોડાની ચેતવણી :મહારાષ્ટ્રં અને ગોવાના દરિયાકાંઠે ચક્રવાત ટકરાશે :હવામાન વિભાગે આગાહી કરતા કહ્યું કે તા; 27થી 29 દરમિયાન ભારે વરસાદની શકયતા છે access_time 1:26 am IST