Gujarati News

Gujarati News

News of Saturday, 26th May 2018

શાપર-વેરાવળમાં ચમાર યુવાનને મોતને ઘાટ ઉતારી દેનાર આરોપીઓને પત્નીએ ઓળખી બતાવ્યા

સાહેબ, આ જ શખ્સોએ મારા પતિને કારખાનામાં બાંધી પાઇપ-પટ્ટા મારી પતાવી દીધા'તાઃ પકડાયેલ કારખાનેદાર જયસુખ રાદડીયા સહીત ૪ આરોપીઓના વધુ ત્રણ દિ'ના રીમાન્ડ મંજુર

રાજકોટ, તા., ૨૬: શાપર-વેરાવળમાં ચમાર યુવાન પર ચોરીનું આળ મુકી કારખાનામાં ગોંધી રાખી પટેલ કારખાનેદાર સહીત પાંચ શખ્સોએ બેરહમીથી માર મારી મોતને ઘાટ ઉતારી દિધાના બનાવમાં ઓળખ પરેડમાં આરોપીઓને મૃતકના પત્નીએ ઓળખી બતાવ્યા હતા. પકડાયેલ ચારેય આરોપીઓને કોર્ટે વધુ ત્રણ દિવસના રીમાન્ડ પર સોંપવા હુકમ કર્યો છે.

મળતી વિગતો મુજબ શાપર-વેરાવળના મારૂતી પાર્ક સોસાયટીમાં રહેતા મુકેશભાઇ વાણીયા (ઉ.વ.૪૦) તેમના પત્ની જયાબેન અને કાકીજી સાસુ સવિતાબેન શાપરના ઇન્ડસ્ટ્રીયલ એરીયામાં કચરો વિણવા ગયા હતા ત્યારે ત્રણેય પર ચોરીનું આળ મુકી પાંચ શખ્સોએ બે મહિલા સહીત ત્રણને ઢીકાપાટુનો માર માર્યો હતો.તેમજ મુકેશભાઇને રાદડીયા ઇન્ડસ્ટ્રીઝમાં લઇ જઇ બાંધીને પાઇપ-પટ્ટા ફટકારી મોતને ઘાટ ઉતારી દીધા હતા. પોલીસે જયાબેનની ફરીયાદ પરથી પાંચ શખ્સો સામે હત્યાનો ગુનો નોંધી કારખાનેદાર જયસુખ દેવરાજ રાદડીયા તેના બે સાળા સિરાજ વિઠલ વોરા, દિવ્યેશ કિશોર વોરા,  મજુર તેજશ કનુ તથા એક સગીરની ધરપકડ કરી ચારેય આરોપીઓને પાંચ દિવસના રીમાન્ડ પર લીધા હતા.

ગઇકાલે આરોપીઓની ઘટનાના સાક્ષી મૃતકના પત્ની જયાબેન અને કાકીજી સવિતાબેન સમક્ષ ઓળખ પરેડ કરાવવામાં આવી હતી. ચારેય શખ્સોને જોતા જ મૃતકના પત્ની જયાબેન બોલી ઉઠયા હતા. સાહેબ આ લોકોએ જ મારા પતિને કારખાનામાં ઢસડી જઇ બાંધી પાઇપ-પટ્ટા મારી પતાવી દીધા હતા. બીજી બાજુ આરોપીઓના રિમાન્ડ પુરા થતા ડીવાયએસપી દિનેશસિંહ ચૌહાણે તમામ આ ચારેય આરોપીઓને વધુ રિમાન્ડની માંગ સાથે કોર્ટમાં રજુ કરતા કોર્ટે ચારેયના વધુ ત્રણ દિવસના રિમાન્ડ મંજુર કરી પોલીસ હવાલે કર્યા હતા. (૪.૨)

 

(12:00 pm IST)
  • નોટબંધીનું પુરજોર સમર્થન કરનારા બિહારનાં મુખ્યમંત્રી નીતીશ કુમારે યૂ ટર્ન લેતા તેનાં પર સવાલો ઉભા કર્યા છે. એક નિવેદનમાં તેમણે કહ્યું કે, નોટબંધીનો લાભ જેટલો મળવો જોઇએ તેટલો નથી મળ્યો. લાભ કેમ નથી મળ્યો તેનું કારણ તેમણે જણાવ્યુ હતું. નોટબંધીની નિષ્ફળતા માટે તેમણે બેંકોને જવાબદાર ઠેરવી હતી. તેમણે કહ્યું કે દેશની પ્રગતીમાં બેંકોની ઘણી મોટી ભુમિકા છે. મુખ્યમંત્રીએ કહ્યું કે, બેંકોને જમા અને પૈસા ઉપાડવા તથા લોન આપવાનું જ કામ નથી કરવાનું, પરંતુ દરેકે દરેક સરકારી યોજનામાં પણ બેંકોની ઘણી મોટી ભુમિકા હોય છે. access_time 1:22 am IST

  • ભાવનગર જિલ્લાના મહુવામાં ૪૪ સીસીટીવી કેમેરા ગોઠવાશેઃ શહેર ઉપર બાજનઝર રખાશેઃ ૫મી જૂને પૂ. મોરારીબાપુના હસ્તે લોકાર્પણ access_time 2:32 pm IST

  • કેન્દ્રમાં એનડીએ સરકારનાં ચાર વર્ષ પુર્ણ થવા પ્રસંગે કોંગ્રેસ સહિત મોટા ભાગનાં વિપક્ષી દળો મોદી સરકાર પર હૂમલા કરી રહી છે. બીજી તરફ કર્ણાટકનાં હાલમાં જ મુખ્યમંત્રી બનેલા એચ.ડી કુમાર સ્વામીએ કેન્દ્રની એનડીએ સરકારને શુભકામના પાઠવી છે. જેડીએસ નેતાએ જો કે મોદી સરકારને લોકોની અપેક્ષાઓ પર ખરા ઉતરવા અંગેનાં સવાલ પર કોઇ સ્પષ્ટ જવાબ આપવાનું ટાળ્યું હતું. કુમાર સ્વામીએ કહ્યું કે આ અંગે લોકોએ નક્કી કરવાનું છે. access_time 1:23 am IST