Gujarati News

Gujarati News

News of Saturday, 26th May 2018

તાલુકા જિલ્લા પંચાયત પ્રમુખોની ચૂંટણીનો કાર્યક્રમ ૧૧ જુન આસપાસ જાહેર થશે

રાજકોટ જિલ્લા પંચાયત પ્રમુખની મુદત ર૧ મીએ પૂરી થાય છેઃ જિલ્લા પંચાયતની બેઠક કલેકટરના અધ્યક્ષ સ્થાને મળશેઃ તાલુકા પંચાયતોમાં ડી.ડી.ઓ. પ્રાંત અધિકારીઓ દ્વારા ચૂંટણી કરાવશે

રાજકોટ તા. ર૪ :.. રાજયની મોટાભાગની તાલુકા-જિલ્લા પંચાયત પ્રમુખોની મુદત જુનના ત્રીજા અઠવાડીયામાં પૂરી થઇ રહી છે. નવા પ્રમુખ-ઉપપ્રમુખની ચૂંટણી માટે ૧૧ જુન આસપાસ ચૂંટણી કાર્યક્રમ જાહેર થશે. તા. ર૦ આસપાસ નવા સુકાનીઓની ચૂંટણી થશે.

જિલ્લા પંચાયતના સુકાનીઓની ચૂંટણી માટે કલેકટરની અધ્યક્ષ પદે બેઠક મળે છે. તાલુકા પંચાયત માટે જે તે જિલ્લા વિકાસ અધિકારીએ નાયબ કલેકટર કક્ષાના અધિકારીને ચૂંટણી અધિકારી તરીકે નિયુકત કરી ચૂંટણી કરાવવાની હોય છે. જે દિવસે ચૂંટણી યોજવાની હોય તેના ૭ દિવસ અગાઉ  ચૂંટણી કાર્યક્રમ જાહેર કરવાની જોગવાઇ છે તે મુજબ ૧૧ જુન આસપાસ ચૂંટણી કાર્યક્રમ જાહેર થઇ શકે છે.

ચૂંટણીના પૂર્વ દિને ફોર્મ ભરવાની પ્રક્રિયા થાય છે. સમગ્ર રાજય માટે વિકાસ કમિશનર દ્વારા ચૂંટણી કાર્યક્રમ નક્કી થશે.

(4:02 pm IST)
  • કેન્દ્રમાં એનડીએ સરકારનાં ચાર વર્ષ પુર્ણ થવા પ્રસંગે કોંગ્રેસ સહિત મોટા ભાગનાં વિપક્ષી દળો મોદી સરકાર પર હૂમલા કરી રહી છે. બીજી તરફ કર્ણાટકનાં હાલમાં જ મુખ્યમંત્રી બનેલા એચ.ડી કુમાર સ્વામીએ કેન્દ્રની એનડીએ સરકારને શુભકામના પાઠવી છે. જેડીએસ નેતાએ જો કે મોદી સરકારને લોકોની અપેક્ષાઓ પર ખરા ઉતરવા અંગેનાં સવાલ પર કોઇ સ્પષ્ટ જવાબ આપવાનું ટાળ્યું હતું. કુમાર સ્વામીએ કહ્યું કે આ અંગે લોકોએ નક્કી કરવાનું છે. access_time 1:23 am IST

  • ગઈ કાલની મહત્વની મેચમાં કોલકાતાની ટીમ સાથે શાહુરૂખ જોવા મળ્યો નહોતો. હૈદરાબાદ સાથેની મેચ હાર્યા બાદ પણ શાહુરૂખે સોશિયલ મીડિયા પર કેકેઆર ને પ્રેરણાત્મક મેસજ આપતા લખ્યુ હતુ કે, તમે શાનદાર પ્રદર્શન કર્યુ. તમને પોતાના પર ગર્વ હોવો જોઈએ. તમે લોકોએ સૌથી બહેતર રમત બતાવી, આપ સૌની સાથે મારો પ્રેમ યથાવત છે અને હું ખુશ છું, અમારા સૌના મનોરંજન માટે તમારો ધન્યવાદ. access_time 2:16 pm IST

  • મુંબઈની તરતી રેસ્ટોરન્ટ સમુદ્રમાં ડૂબી : મુંબઈના માહિમ ખાતે બાંદરા-વરલી સી લિંક પાસે સમુદ્રમાં તરતી રેસ્ટોરન્ટ ડૂબી જતા 15 લોકો ડૂબ્યા હતા. જો કે સદનસીબે આ તમામ લોકોને બચાવી લેવાયા હતા. એક મોટી શિપને તરતી રેસ્ટોરન્ટમાં ફેરવવામાં આવી હતી. આ આર્ક ડેક બાર રેસ્ટોરન્ટ સમુદ્રના કિનારાથી લગભગ દોઢ કિલોમીટર અંદર હતી. જહાજમાં પાણી ભરાવાથી દુર્ઘટના સર્જાય હતી. પોલીસ દ્વારા આ ઘટનાની વધુ તપાસ હાથ ધરાય છે. access_time 2:09 pm IST