Gujarati News

Gujarati News

News of Friday, 26th April 2019

લીંબુડીવાડી રોડની બાંધકામની સાઇટ પરથી ધંધુકા પંથકની સગીરાનું અપહરણ

કેવલ આહિર નામનો શખ્સ ભગાડી ગયોઃ બહાર ગયેલા માતા-પિતાએ દિકરીને ફોન જોડતાં કેવલે રિસિવ કરતાં ખબર પડી

રાજકોટ તા. ૨૬: રૈયા રોડ પર લીંબુડીવાડી મેઇન રોડ પરની નવા બંધાતા બિલ્ડીંગની સાઇટ પરથી મુળ ધંધુકા પંથકની સગીરાને કેવલ આહિર નામનો શખ્સ ભગાડી જતાં ગાંધીગ્રામ પોલીસે અપહરણનો ગુનો નોંધ્યો છે.

પોલીસે મુળ ધંધુકાના હરીપુરાના હાલ રાજકોટ એસઆરપી કેમ્પ ઘંટેશ્વર સામે વર્ધમાન નગર લાઇફ સાઇટ બાંધકામની સાઇટ પર રહેતાં ગંભુભાઇ દિપાભાઇ ચોૈહાણ (કોળી) (ઉ.૩૭)ની ફરિયાદ પરથી કેવલ આહિર નામના શખ્સ સામે અપહરણનો ગુનો નોંધ્યો છે.

ગંભુભાઇના કહેવા મુજબ તે લાઇફ સાઇટ બાંધકામની સાઇટ પર સિકયુરીટી તરીકે નોકરી કરે છે. સંતાનમાં ત્રણ પુત્રી અને એક પુત્ર છે. તા. ૬ના રોજ પોતે પરિવારજનો સાથે લીંબુડી વાડી મેઇન રોડ પર અર્બન બાંધકામની રવિભાઇ ઠક્કરની સાઇટ છે ત્યાં આવ્યા હતાં અને અહિ સિકયુરીટી તરીકે કામ શરૂ કર્યુ હતું. ૧૬/૪ના પોતે તથા પત્નિ મોચીબજારમાં ખરીદી કરવા ગયા હતાં. ત્યારે ચારેય સંતાન સાઇટ પર હતાં. બજારમાંથી જ ૧૬ વર્ષની મોટી પુત્રી સહિત સંતાનોના ખબર પુછવા મોટી પુત્રીને ફોન જોડતાં એક છોકરાએ ફોન ઉપાડ્યો હતો અને પોતે કેવલ આહિર બોલતો હોવાનું તેમજ તમારી પુત્રી મારી સાથે છે તેમ કહી ફોન કાપી નાંખ્યો હતો. સાઇટ પર તપાસ કરતાં મોટી દિકરી જોવા મળી નહોતી.  બીજા સંતાનોને પુછતા પોતાને બહેન બાબતે કંઇ ખબર નહિ હોવાનું કહ્યું હતું. શોધખોળ બાદ અંતે ગાંધીગ્રામ પોલીસને જાણ કરી હતી.

પી.આઇ. વી.વી. ઓડેદરાની રાહબરીમાં એએસઆઇ જે. એસ. હુંબલે ગુનો નોંધ્યો છે. પીએસઆઇ આર. એસ. પટેલે વધુ તપાસ હાથ ધરી છે.

(3:45 pm IST)
  • વાવાઝોડુ 'ફાની' શ્રીલંકા બાદ તામિલનાડુમાં ત્રાટકશે : વાવાઝોડુ 'ફાની' શ્રીલંકા તરફ આગળ વધ્યા બાદ ઉત્તર પશ્ચિમ, તામિલનાડુની દિશાએ આગળ વધશે ત્યારબાદ તેનો ટ્રેક ચેન્જ થઈ આંધ્રના દરિયાઈ કાંઠાના વિસ્તારોમાં ત્રાટકશે તેમ હવામાનની એક ખાનગી સંસ્થાએ જણાવ્યુ છે. access_time 4:07 pm IST

  • પાકિસ્તાન ઈચ્છે છે કે મોદી પીએમ બને કારણ કે બંને દેશોમાં સાંપ્રદાયિકતા વધે ;સીતારામ યેચુરીનું વિવાદી નિવેદન :સીપીએમના મહાસચિવ યેચુરીએ કહ્યું કે પાકિસ્તાની પીએમ ઇમરાનખાને કહ્યું હતું કે જો ભારતમાં ભાજપ ચૂંટણી જીતશે તો શાંતિવાર્તા કરવા અને કાશ્મીર મુદ્દો ઉકેલવાનો ઉત્તમ અવસર ઉપલબ્ધ થશે access_time 1:15 am IST

  • મની લોન્ડરિંગ મામલે ઇડીએ હરિયાણાના પૂર્વ મુખ્યમંત્રી ઓમપ્રકાશ ચૌટાલા વિરુદ્ધ પૂરક ચાર્જશીટ દાખલ કરી :એડીએ આરોપમાં ઉલ્લેખ કર્યો છે કે દિલ્હી,પંચકુલા અને સિરસામાં ચાર સંપત્તિઓ વિષે 3, 68 કરોડ ની અસ્થાયી સંપત્તિ અને ચૌટાલા અને તેના પરિવાર જનોના બેન્ક ખાતામાં ગેરકાયદે રોકડ જમા કરીને આવકથી વધુ સંપત્તિને કાયદેસર બનાવી access_time 1:05 am IST