Gujarati News

Gujarati News

News of Thursday, 26th March 2020

રાજકોટના એક મકાન માલીકે 'નર્સીંગ સ્ટાફ'ને ભાડે આપેલુ મકાન ખાલી કરાવી કાઢી મુકતા કલેકટર લાલઘુમઃ તપાસ શરૂ

કલેકટરે પોતે તપાસ હાથ ધરીઃ ડીટેઇલ આવી ગઇ છેઃ સીધી ફોજદારી થશે : હાલ એક કિસ્સો બહાર આવ્યો છેઃ મકાન માલીકે કીધુ કે તમે હોસ્પીટલમાં જાવ છો એટલે મકાન ખાલી કરોઃ ખળભળાટ : કલેકટરની ચેતવણીઃ મકાન માલીકો ચેતી જજોઃ આ અત્યંત ગંભીર ગુન્હો બને છે

રાજકોટ તા. ર૬ :.. રાજકોટ કલેકટર શ્રી રેમ્યા મોહન સમક્ષ એક અત્યંત ગંભીર ઘટના ગઇકાલે બહાર આવી છે અને તેમાં કલેકટર શ્રી રેમ્યા મોહને પોતે અત્યંત ગોપનીય ઢબે પોતાની ટીમ મારફત તપાસ શરૂ કરતા સન્નાટો પ્રસરી ગયો છે.

શહેરના એક પોશ વિસ્તારના મકાન માલીકે આરોગ્ય તંત્રમાં એટલે કે સીવીલ કે અન્ય ખાનગી મોટી કોઇ હોસ્પીટલમાં કામ કરતા એક નર્સીંગ સ્ટાફને કે પ્રિ-ડોકટરી સ્ટાફને કોરોનાની ઘટનાઓ બાદ ભાડે આપેલુ પોતાનું મકાન ખાલી કરાવતા કલેકટર ચોંકી ઉઠયા હતાં.

આ મકાન માલીકે આ નર્સીંગ કે પ્રિ-ડોકટરી સ્ટાફને એવુ કીધુ કે તમે હોસ્પીટલ જાવ છો અમારે જોખમ છે, તમે તાકિદે મકાન ખાલી કરી દયો આને આમ કહી મકાન ખાલી કરાવી નાંખ્યું હતું.

આ ગંભીર ઘટનાની ફરીયાદ કલેકટર સમક્ષ આવતા તેઓ ચોંકી ઉઠયા હતા અને પોતાની ટીમ બનાવી પોતે જ તપાસ હાથ ધરી છે. આજે કલેકટરશ્રી રેમ્યા મોહને અકિલાને જણાવ્યું હતું કે, હાલ આ બાબતની પોતે જ તપાસ કરી રહ્યા છે. આજે પુરાવા સહિતની ડીટેઇલ આવી જશે અને ઘરમાલીક સામે ફોજદારી સહિતના અત્યંત ગંભીર કડક પગલા પણ લેવાશે, તેમણે નિર્દેશ કર્યો હતો કે હાલ તપાસ અધુરી છે, એટલે નામ જાહેર નથી કરતી પણ આજ સુધીમાં કાર્યવાહી થઇ જશે.

કલેકટરે ચેતવણી આપી હતી કે કોરાનાની સ્થિતિએ શહેર-જીલ્લાના મકાન માલીકો ચેતી જાય આવી રીતે કોઇ પણ નર્સીંગ સ્ટાફને ભાડે આપેલુ મકાન ખાલી કરાવવું એ ગંભીર ગુન્હો બને છે, જો આમ થશે તો ડોકટર-નર્સીંગ સ્ટાફ ડરી જશે, હાલ એક કિસ્સો બહાર આવ્યો છે અને તે મકાન માલીક સામે કડક કાર્યવાહી થશેજ.

(3:37 pm IST)
  • મુંબઇ લોકડાઉન : દિવ્યાંગ યુવતીએ ટ્વીટ કરીને ગૃહમંત્રીની માંગી મદદ : માત્ર ૨૫ મિનિટમાં પોલીસ સહાય કરવા પહોંચી : યુવતી અને ડ્રાઇવરને આવ-જા માટે વિશેષ પાસ આપ્યા access_time 4:30 pm IST

  • પરમ પીશાચીય કૃત્ય અફઘાનિસ્તાનમાં શીખ શ્રદ્ધાળુઓના અંતિમ સંસ્કાર સમયે પણ બ્લાસ્ટ થયા : અફઘાનિસ્તાનમાં ગઈકાલે શીખ ગુરૂદ્વારામાં થયેલ આત્મઘાતી હુમલામાં મૃત્યુ પામેલ લોકોના અંતિમ સંસ્કાર સમયે તે જગ્યાએ પણ બ્લાસ્ટ થયા : ભારતીય દુતાવાસ સતત સંપર્કમાં : એસ. જયશંકર : ગઈકાલે ૨૫ શીખ શ્રદ્ધાળુઓના આતંકી હુમલામાં મૃત્યુ નિપજ્યા હતા access_time 4:31 pm IST

  • ગુજરાત હાઇકોર્ટે તમામ નીચલી કોર્ટો બંધ કરી : ગુજરાતમાં સંપૂર્ણ લોકડાઉનને નજર સમક્ષ રાખી ગુજરાત હાઇકોર્ટે તમામ નીચલી કોર્ટો બંધ રાખવાના હુકમો કર્યા છે access_time 10:16 pm IST