Gujarati News

રાજકોટ તા. ૨૬ : રાજકોટ શહેર - જિલ્લામાં દવાના સ્ટોકની તંગી અંગે કલેકટરે ઉમેર્યું હતું કે, આ માટે ફુડ એન્ડ ડ્રગ્સ ખાતુ કાર્યવાહી કરી રહ્યું છે, એકથી બે દિવસમાં બધુ સરખુ થઇ જશે, તમામ દવા મળશે.

તેમણે જણાવેલ કે, રાજકોટની અંદર જ બનતી દવા અને આંતર જિલ્લા કે રાજ્ય બહારથી રાજકોટ આવતી દવાનું સપ્લાય અટકી ન જાય તે અંગે સરકારનું ધ્યાન દોર્યું છે. જેમ રાજકોટમાં બહારથી દવાનો જથ્થો આવે છે, તેમ રાજકોટમાં પણ દવા બને છે અને તે જિલ્લા બહાર જાય છે, આ બંને સ્થિતિએ પરિવહન ન અટકે, સપ્લાય મળી રહે, તે માટે અને પરમીશન અંગે તમામ તંત્રોને ખાત્રી કરી કાર્યવાહી કરવા સૂચના અપાઇ છે.