Gujarati News

Gujarati News

News of Friday, 26th February 2021

કાલથી ૧૦દિ' સુધી 'શ્રી રામ'નામની અખંડ ધુન

'શ્રી રામ જય રામ જય જય રામ'ની (૨૪ કલાક) અખંડ ધુન તા.૮ માર્ચ પૂ.જલારામ બાપાની ૧૪૦મી પુણ્યતિથિના રોજ વિરામ લેશેઃ જલારામ ઝુપડી સેવા ટ્રસ્ટનું આયોજન

રાજકોટ,તા.૨૬: શ્રી જલારામ ઝુંપડી સેવા ચેરીટેબલ ટ્રસ્ટ દ્વારા આ કોરોના કાળની કપરી પરિસ્થીતીમાં સમગ્ર વિશ્વની જીવસૃષ્ટિના લાભાર્થે પરમપિતા પરમેશ્વર ભગવાન શ્રી રામ અને પરમ પુજય સંત શ્રી જલારામ બાપાની અસીમ કૃપાથી તા.૨૭ને શનિવારથી પરમ પુજય સંતશ્રી પ્રેમભીક્ષુજી મહારાજના શ્રી રામ જય  રામ જય જય રામની સતત ૧૦ દિવસ (૨૪ કલાક) અખંડ ધુનનુ આયોજન કરવામાં આવ્યું છે.

જે તા.૮ માર્ચ મહાવદ-૧૦ને સોમવારે પરમ પુજય શ્રી જલારામ બાપાની ૧૪૦મી પુણ્યતિથીના દિવસે વિરામ લેશે. આ સમગ્ર પરમપિતા પરમેશ્વર ભગવાન શ્રી રામના અખંડ ધુન પાઠ માટે પરમ પુજય સંત શ્રી પ્રેમભીક્ષુજી મહારાજના શ્રી બિહારીબાપુ ૧૦- દિવસ હાજરી આપી આ અખંડ ધુન પાઠની શોભા વધારશે. તેમજ આ અખંડ ધુન પાઠમાં પધારતા તમામ રામભકત માટે બન્ને ટાઈમ ભોજન પ્રસાદની વ્યવસ્થા પણ કરેલ છે.

આ સાથે તા.૮ માર્ચ મહાવદ-૧૦ ને સોમવારે પરમ પુજય સંત શ્રી જલારામ બાપાની ૧૪૦મી પુણ્યતિથીના દિવસે ગરીબ પરીવારોમાં અનાજની કીટનું વિતરણ કેતનભાઈ એમ.ત્રિવેદીના હસ્તે કરવામાં આવશે. મો.૯૮૯૮૪ ૫૯૩૬૪, ૯૯૯૮૦ ૪૦૫૬૭

(3:12 pm IST)
  • રાજકોટ સહિત ગુજરાતભરમાં ટ્રાન્સપોર્ટનો વ્યવસાય ચાલુ : પેટ્રોલ- ડીઝલના ભાવવધારા અને મોંઘવારીના વિરોધમાં ટ્રાન્સપોર્ટના ધંધાર્થીઓએ પણ હડતાલનું એલાન જાહેર કરાયું હતું. પરંતુ ટ્રાન્સપોર્ટના વેપારીઓ સાથે વાત કરતાં તેઓએ જણાવેલ હડતાલનું કોઈ એલાન કરાયું જ નથીઃ માત્ર અફવા છેઃ રાબેતા મુજબ જ ટ્રાન્સપોર્ટનો વ્યવસાય ચાલુ જ છે access_time 12:51 pm IST

  • કર્ણાટકના સાંસદો અને પ્રધાનોને બખ્ખા : લાખો રૂ.ની નવીનક્કોર કાર લેવાની મંજૂરી : કર્ણાટકની ભાજપ સરકારે તેના પ્રધાનો અને સાંસદો માટે એક ૨૦થી ૨૨ લાખ રૂપિયા ૧૦૦ શોરૂમ ભાવની નવી મોટર કાર ખરીદવાની મંજૂરી આપી દીધી છે access_time 3:55 pm IST

  • રાજયમાં ફાયર સેફટી એકટના અમલમાં હાઇકોર્ટનું કડક વલણ : કોર્ટે કહ્યું.. લોકોના જીવના જોખમે હોસ્પિટલો અને શાળાઓ ધંધો કરી શકશે નહીં: શ્રેય હોસ્પિટલ ફરી શરૂ કરવાની રજૂઆત કોર્ટે ફગાવીઃ અમદાવાદ હોસ્પિટલ અને નર્સિગ એસોસીએશનને હાઇકોર્ટનો નિર્દેશ.. ફાયર સેફટીના નિયમોનું પાલન કરો અથવા હોસ્પિટલ બંધ કરોઃ ફાયર સેફટી વગરની ઇમારતો ફેકટરી શાળાઓ અને હોસ્પિટલો સામે કડક કાર્યવાહી કરવા હાઇકોર્ટનો સરકારનો આદેશ. access_time 3:54 pm IST