Gujarati News

રાજકોટ : રાજકોટમાં પત્ની સાથે ઝઘડો થતા પતિએ ગળેફાસો ખાઈ આપઘાત કર્યો હતો અને આપઘાતનો વિડીયો બનાવી સોશ્યલ મીડિયામાં વાયરલ કર્યો હતો આપઘાત કરનાર યુવક વિપુલને તેની પત્નીને અન્ય સાથે પ્રેમસંબંધ હોવાની શંકાએ સાળીના લગ્નમાં પત્ની સાથે ઝઘડો થતા માઠું લાગી જતા આ પગલું ભર્યાનું મનાય છે.

આ અંગેની વિગત મુજબ નાણાવટી ચોક ગીરીરાજ અાવસ યોજના ક્વાટરમાં રહેતા યુવાને પત્ની સાથે ઝઘડો થતાં ગળાફાંસો ખાઈ અાપઘાત કરી લીધાનો બનાવ પોલીસ મથકમાં નોંધાયો છે. પતિ દ્વારા આપઘાત કરતો વીડિયો સોશિયલ મીડિયામાં વાયરલ થતા ચકચાર મચી ગઇ છે.

  બનાવની પ્રાપ્ત વિગત અનુસાર, શહેરના નાણાવટી ચોકમાં રહેતા 35 વર્ષીય વિપુલભાઈ છગનભાઈ સરવૈયા નામનાં યુવાનને પોતાની પત્નીને અન્ય સાથે પ્રેમસંબંધ હોવાની શંકા ઉપજી હતી. જેને લઈને સાળીના લગ્નમાં પત્ની સાથે ઝઘડો થયો હતો. આ બાબતે લાગી અાવતાં વિપુલે રાત્રે ગળાફાંસો ખાઈ લીધો હતો. તેમજ આપઘાત કરવાની પ્રક્રિયાનો વીડિયો બનાવી સોશિયલ મીડિયામાં વાયરલ કર્યો હતો.

અા બનાવની જાણ ગાંધીગ્રામ પોલીસ મથકને થતાં પોલીસે ઘટના સ્થળે પહોંચી અાગળની કાયૅવાહી હાથ ધરી હતી. વિપુલ ડ્રાઈવીંગનો વ્યવસાય કરતો હતો. તેને સંતાનમાં બે પુત્ર છે. વિપુલનાં મોતથી પરિવારમાં અરેરાટી મચી ગઈ છે. તેમજ આપઘાતનો લાઈવ વીડિયો શહેરમાં ચર્ચાનું કેન્દ્ર બન્યો હતો.