Gujarati News

Gujarati News

News of Tuesday, 26th January 2021

સુત્રાપાડા પંથકના મહિલાનું દાઝી જવાથી મોત

રાજકોટઃ સુત્રાપાડા ગીર તાબેના વડોદરા ઝાલા ગામે રહેતાં જશીબેન માનસીંગભાઇ વાણવી (ઉ.વ.૩૭)નું દાઝી જતાં મોત નિપજતાં પરિવારમાં શોક છવાઇ ગયો હતો. જશીબેન સંક્રાંતના દિવસે સવારે અગિયારેક વાગ્યે રસોઇ બનાવતાં હતાં ત્યારે ભડકો થતાં દાઝી જતાં વેરાવળ, જુનાગઢ સારવાર અપાવી રાજકોટ સિવિલમાં ખસેડાયા હતાં. અહિ સોમવારે રાતે મોત નિપજ્યું હતું.

રાજકોટમાં બેભાન હાલતમાં બે વ્યક્તિના મોત

રાજકોટઃ જામનગર રોડ દ્વારકાધીશ પેટ્રોલ પંપ સામે મનહરપુર-૧માં રહેતો મુકેશભાઇ જયંતિભાઇ સિતાપરા (ઉ.વ.૩૨) તથા ગંજીવાડા મહાકાળી ચોક શેરી નં. ૪૦માં રહેતાં ધીરૂભાઇ મેપાભાઇ સાપરા (ઉ.વ.૪૫) બિમારીને કારણે ઘરે બેભાન થઇ જતાં સિવિલમાં ખસેડાયા હતાં. પરંતુ અહિ બંનેના મોત નિપજ્યા હતાં.

(12:20 pm IST)
  • દિલ્હીમાં સ્થિતી વણસતી જાય છે :ખેડૂત આંદોલનકારીઓ અને પોલીસ વચ્ચે અથડામણ: અત્યાર સુધી શાંત રહેલ આંદોલન પોલીસે ટિયર ગેસ સેલ છોડતા વણસી રહ્યું છે. પશ્ચિમ દિલ્હીના નાનગ્લોઈ જંકશન ઉપર ખેડૂત ટ્રેક્ટર રેલીને પ્રવેશતી રોકવા દિલ્હી પોલીસના જવાનોએ માનવ સાંકળ રચી દીધી છે, મહિલા પોલીસ પણ આ સાંકળમાં જોડાઈ ગઈ છે. ટિયર ગેસ સેલ છોડાયા છે. પૂર્વ નિર્ધારિત રૂટના બદલે ખેડૂત રેલી શહેરના હાઈ સિક્યોરિટી ઝોનના ભાગો તરફ જવા પ્રયાસ કરતા સ્થિતિ ટર્ન લઇ રહી હોવાનું એનડિટીવી નોંધે છે. access_time 1:21 pm IST

  • બ્રિટનના પ્રાઈમ મિનિસ્ટર બોરિસ જોન્સને ગણતંત્ર દિવસની ભારતને શુભેચ્છા પાઠવી : પોતે હાજર રહી ન શક્યા તે બદલ અફસોસ વ્યક્ત કર્યો access_time 12:53 pm IST

  • એમ્બ્યુલન્સને અકસ્માત: ૫ મોત: ઉત્તરપ્રદેશના ભદોહીમાં મૃતદેહને લઇને જઇ રહેલી એમ્બ્યુલન્સ અને કન્ટેનર વચ્ચે અકસ્માત ૫ મોત access_time 10:54 am IST