Gujarati News

Gujarati News

News of Wednesday, 25th November 2020

અમુકને હજુ બેફિકરઃ ચોથી રાતે કર્ફયુ જાહેરનામા ભંગના ૧૩૧કેસ

રાજકોટઃ દિવાળી-નવા વર્ષના તહેવાર પછી વધી ગયેલા કોરોના સંક્રમણને કાબુમાં લેવા સરકારને અમુક શહેરોમાં રાત્રી કર્ફયુ લાદવો પડ્યો છે. રાજકોટ શહેરમાં કર્ફયુની ચોથી રાતે પોલીસની ટીમો આદેશનું કડક પાલન કરાવવા ફરજ પર પહોંચી ગઇહતી. ઠેકઠેકાણે ચેકીંગ કરવામાં આવ્યું હતું. અમુક લોકો હજુ પણ ગંભીરતા દાખવતા ન હોઇ તેઓ બિન્દાસ્ત બની કર્ફયુના સમયમાં પણ કારણ વગર બહાર નીકળી પડ્યા હતાં. પોલીસે આવા લોકો સામે કાયદેસરની કડક કાર્યવાહી કરી હતી. ત્રણ દિવસમાં પોલીસે જાહેરનામા ભંગ, સોશિયલ ડિસ્ટન્સ ભંગના ટોટલ ૫૪૧ કેસ કર્યા હતાં અને ૨૩૪ વાહનો ડિટેઇન કર્યા હતાં. કર્ફયુની ચોથી રાતે જાહેરનામા ભંગના૧૩૧ કેસ કરવામાં આવ્યા છે. પોલીસ કમિશનરશ્રી મનોજ અગ્રવાલ, જેસીપી ખુરશીદ અહેમદ, ડીસીપી પ્રવિણકુમાર મીણા, ડીસીપી મનોહરસિંહ જાડેજાની રાહબરીમાં તમામ એસીપીશ્રી, પીઆઇશ્રી અને ટીમો કર્ફયુનું કડક પાલન કરાવે છે. તસ્વીરોમાં અલગ-અલગ રસ્તાઓ પર તૈનાત પોલીસ અને થઇ રહેલી વાહન ચેકીંગની કાર્યવાહી જોઇ શકાય છે. (ફોટોઃ સંદિપ બગથરીયા)

(3:31 pm IST)
  • લક્ષ્મી વિલાસ બેંકનું DBILમાં વિલીનીકરણઃ કેબિનેટની મંજુરી: સંકટમાં ફસાયેલી લક્ષ્મી વિલાસ બેંકને DBS બેંક ઇન્ડીયા લીમીટેડમાં વિલીનીકરણને કેન્દ્રીય કેબિનેટે મંજુરી આપી છેઃ રિઝર્વ બેંક ૧૭મીએ બેંકને ૧ માસના મોરેટોરિયમમાં નાખી દીધી હતી. ર૦ લાખ થાપણદારો અને ૪૦૦૦ કર્મચારીઓને રાહત થઇ કેન્દ્રના નિર્ણયથીઃ કર્મચારીઓની નોકરી યથાવત રહેશે. access_time 4:00 pm IST

  • બુલેટ ટ્રેન માટે જમીન સંપાદનમાં કૌભાંડ મામલે ખેડા શહેરમાં ACBના ઉચ્ચ અધિકારીઓના દરોડા : ICICI બેંક અને HDFC બેંકમાં સર્ચ ઓપરેશન હાથ ધરાયું access_time 12:02 am IST

  • દેશમાં કોરોનાથી મૃત્યુઆંક 1.35 લાખને પાર પહોંચ્યો : રાત્રે 11-30 વાગ્યા સુધીમાં કોરોનાના નવા 42,822 કેસ નોંધાયા:કુલ કેસનો આંકડો 92,64,820 થયો :એક્ટીવ કેસ 4,49,490 થયા: વધુ 36,582 દર્દીઓ સ્વસ્થ થતા કુલ 86,77,986 રિકવર થયા :વધુ 502 લોકોના મોત સાથે કુલ મૃત્યુઆંક 1,35,245 થયો access_time 12:04 am IST