Gujarati News

Gujarati News

News of Wednesday, 25th November 2020

ન્યુ સાગર સોસાયટીમાં વૃધ્ધા મંજુલાબેન મારૂએ એસિડ પી જિંદગી ટૂંકાવી લીધી

રાજકોટ તા. ૨૫: કોઠારીયા રોડ પર ન્યુ સાગર સોસાયટી-૮માં રહેતાં મંજુલાબેન મનસુખભાઇ મારૂ (ઉ.વ.૭૬) નામના વૃધ્ધાએ બપોરે ઘરે એસિડ પી લેતાં સિવિલ હોસ્પિટલમાં ખસેડાયા હતાં. પરંતુ સારવાર દરમિયાન મોત નિપજતાં પરિવારમાં શોક છવાઇ ગયો હતો. હોસ્પિટલ ચોકીના સ્ટાફે જાણ કરતાં ભકિતનગર પોલીસ મથકના આસી સબ. ઇન્સ. ભરતસિંહ સોલંકી અને પ્રવિણભાઇ ગઢવીએ જરૂરી કાર્યવાહી કરી હતી.

પોલીસની પ્રાથમિક તપાસમાં ખુલ્યા મુજબ બિમારીથી કંટાળી જઇ તેમણે આ પગલુ ભર્યુ હતું. મંજુલાબેનને પીઠમાં દુઃખાવા સહિતની સમસ્યા હતાં. બનાવથી પરિવારમાં શોક છવાઇ ગયો હતો.

(12:56 pm IST)
  • પંજાબમાં ૧ ડીસેમ્બરથી તમામ શહેરો અને ગામોમાં રાત્રીના કર્ફયુનું એલાનઃ હોટલો રેસ્ટોરન્ટ રાતના ૯.૩૦ સુધી ખુલ્લા રહેશેઃ નિયમનો ભંગ કરવા બદલ ૧૦૦૦નો દંડ access_time 3:21 pm IST

  • પુતિન હજુ પણ બાયડનને અભિનંદન આપતા નથી : રશિયાના રાષ્ટ્રપતિ પુતિનને જયારે જો બિડેનને અભિનંદન આપી રહેલા વિશ્વ નેતાઓ વિશે પૂછવામાં આવ્યું, તો તેમણે : કહ્યું કે, "આ તેઓએ જોવાનું છે." પુટીને સત્તાવાર જાહેરાત ન થાય ત્યાં સુધી બાયડનને પ્રમુખ તરીકે અભિનંદન આપવાનો ઇન્કાર કર્યો છે. access_time 9:52 pm IST

  • દેશમાં કોરોનાથી મૃત્યુઆંક 1.35 લાખને પાર પહોંચ્યો : રાત્રે 11-30 વાગ્યા સુધીમાં કોરોનાના નવા 42,822 કેસ નોંધાયા:કુલ કેસનો આંકડો 92,64,820 થયો :એક્ટીવ કેસ 4,49,490 થયા: વધુ 36,582 દર્દીઓ સ્વસ્થ થતા કુલ 86,77,986 રિકવર થયા :વધુ 502 લોકોના મોત સાથે કુલ મૃત્યુઆંક 1,35,245 થયો access_time 12:04 am IST