Gujarati News

રાજકોટઃ શ્રી શ્યામલાલજી પ્રભુદાસ વિજયતે રાજકોટ સ્થિત સૌરાષ્ટ્રની અતિપ્રાચીન શ્રી શ્યામલાલજીની હવેલીમાં આગામી તા.૯/૧૧ને મંગળવારે લાભ પાંચમને શુભ દિવસે અન્નકૂટ મહા મહોત્સવનું આયોજન કરેલ છે. દર્શન સમય આ મુજબ છે. શ્રી ગોવર્ધન પૂજા સવારે ૧૦:૩૦ વાગ્યે, શ્રી અન્નકૂટ પૂજા  દર્શન બપોરે ૪ વાગ્યે થશે. સમગ્ર વૈષ્ણવ સૃષ્ટિને દર્શનનો લાભ લેવા શ્રી જયેશભાઈ હરિદાસ મુખ્યાજી દ્વારા આમંત્રણ અપાયું છે.

દિવાળી પર્વ નિમિત્તે આસો વદ અગિયારસ રમા એકાદશી તા.૧/૧૧/ને સોમવારે  શ્રી શ્યામલાલજી પ્રભુના બંગલા  દર્શન સાંજે ૬: ૩૦ વાગે થશે, આસો વદ બારસ વાઘ બારસ તા.૨/૧૧ને મંગળવારે  છે શ્રી શ્યામલાલજી પ્રભુના બંગલા  દર્શન સાંજે ૬: ૩૦ વાગે થશે, આસો વદ તેરસ ધનતેરસ / રૂપ ચૌદસ  તા.૩/૧૧ને બુધવારે શ્રી શ્યામલાલજી પ્રભુના બંગલા  દર્શન સાંજે ૬:૩૦ વાગે થશે, આસો વદ અમાસ દીપાવલી તા.૪/૧૧ને ગુરૂવારે છે. શ્રી શ્યામલાલજી પ્રભુની હટડીના દર્શન સાંજે ૭ વાગે, કારતક સુદ  એકમ નૂતન વર્ષ તા.૫/૧૧ને શુક્રવારે, કારતક સુદ બીજ ભાઇબીજ તા.૬/૧૧ને શનિવારે રાજભોગમાં બપોરે ૧૨ વાગે શ્રી યમુનાજી બટાશે.

સ્થળ- શ્રી શ્યામલાલજીની હવેલી (જૂની સદરની હવેલી) પંચનાથ મંદિર મેઈન રોડ જય સીયારામ ભગત પેંડાવાળાની સામે રાજકોટ મો.૮૫૧૧૭ ૬૩૭૬૩