Gujarati News

Gujarati News

News of Sunday, 25th October 2020

દશેરાના પાવન પર્વે રાજકોટના રણજિત વિલાસ પેલેસમાં પરંપરાગત રીતે શસ્ત્ર પૂજા વિધિ કરાઈ

રાજવી માંધાતાસિંહજી તેમજ તેમના સુપુત્ર અને અને યુવરાજ શ્રી જયદીપસિંહ જાડેજાએ શસ્ત્ર પૂજન કર્યું : શસ્ત્ર વિધીની સાથે અશ્વ તિલક વિધિ તેમજ વિન્ટેજ કારને પણ તિલક કરીને પૂજા વિધિ કરી

રાજકોટ : આજે દશેરાના શુભ મુહૂર્તમાં રાજકોટમાં રાજવી પેલેસમાં શસ્ત્રવિધિ સંપન્ન થઈ હતી

આજે દશેરાના પર્વ નિમિત્તે સમગ્ર ભારતમાં શસ્ત્ર પૂજા વિધિ કરવામાં આવી રહી છે દેશના રક્ષા મંત્રી રાજનાથ સિંહે પણ આજે ભારતીય જવાનો સાથે દિવસ પસાર કર્યો હતો અને શસ્ત્ર વિધિમાં ભાગ લીધો હતો. બીજી બાજુ ભારતના રાજવી પરિવારોએ પણ પોતાની પરંપરાગત રીતે શસ્ત્ર પૂજા વિધિ કરી હતી. રાજકોટના રણજીત વિલાસ પેલેસ ખાતે રાજકોટના રાજવી માંધાતાસિંહજી તેમજ તેમના સુપુત્ર અને અને યુવરાજ શ્રી જયદીપસિંહ જાડેજાએ પણ આજે શાસ્ત્રોકત રીતે સત્ર ની પૂજા વિધિ માં ભાગ લીધો હતો પરિવાર દ્વારા આમ તો દર વર્ષે મા આશાપુરા મંદિર ખાતે શસ્ત્ર વિધિ પૂજા વિધિનો પ્રારંભ કરવામાં આવતો હોય છે. પરંતુ કોરોનાની મહામારી ને કારણે આ વખતે આ વિધિ પેલેસ પૂરતી સીમિત રાખવામાં આવી હતી. શ્રી માંધાતાસિંહજી તેમજ જયદીપસિંહ જાડેજા શસ્ત્ર વિધી ની સાથે સાથે અશ્વ તિલક વિધિ તેમજ વિન્ટેજ કાર ને પણ તિલક કરીને પૂજા વિધિ કરી હતી

(7:13 pm IST)
  • આર્મેનીયા-અઝરબૈજાન જંગમાં ૫ હજાર મોતઃ વિશ્વ ઉપર યુદ્ઘનું મોટું જોખમઃ અમેરિકા યુદ્ઘ સમાપ્તિ માટે કાર્યરત : આર્મેનિયા અને અઝરબૈજાન વચ્ચે ચાલી રહેલા યુદ્ઘને સમાપ્ત કરવા માટે અમેરિકા આગળ આવ્યું છે. અમેરિકાના વિદેશ મંત્રી માઈક પોમ્પિયોએ બંને દેશોના નેતાઓ સાથે મુલાકાત કરી, જેથી સમાધાનને શકય બનાવી શકાય. જો કે, તેઓ સફળ થાય તેવી આશા ખૂબ જ ઓછી દેખાઈ રહી છે. access_time 3:04 pm IST

  • નરેન્દ્રભાઈ મોદી વિડીયો કોન્ફરન્સ દ્વારા મંગળવારે તકેદારી અને ભ્રષ્ટાચાર વિરોધી રાષ્ટ્રીય પરિષદનું ઉદઘાટન કરશે. access_time 10:08 pm IST

  • સરહદ પર તૈનાત સૈનિકોના નામે દીવો પ્રગટાવજો..નરેન્દ્રભાઈ : "મન કી બાત" કાર્યક્રમમાં આજે વડાપ્રધાન નરેન્દ્ર ભાઈ મોદીએ કહ્યું હતું કે નવા કૃષિ કાયદાથી ખેડૂતોને ફાયદો થશે.. : તેમણે મનની વાત કરતા કહ્યું હતું કે સરહદ પર તૈનાત સૈનિકોના નામે દીવો પ્રગટાવજો.. : વડાપ્રધાને દેશવાસીઓને કહ્યું કે ખરીદી કરતી વખતે "વોકલ ફોર લોકલ"નો સંદેશ યાદ રાખો.. : નરેન્દ્રભાઈએ કહ્યું કે દશેરા એ સંકટ ઉપર વિજયની ઉજવણીનો ઉત્સવ છે.. access_time 2:21 pm IST