Gujarati News

Gujarati News

News of Sunday, 25th October 2020

કોરોનાથી ડરો નહિ, મક્કમ મનોબળથી લડવાની જરૃર છેઃ જીવણભાઇ પટેલ

આજી જીઆઇડીસી ઇન્ડસ્ટ્રીઝના પ્રમુખનો પ્રેરક સંદેશો

રાજકોટ : સમગ્ર દુનિયામાં ફેલાયેલી કોરોનારૃપી મહામારીના સમયમાં આજી જી.આઈ.ડી.સી. ઇન્ડસ્ટ્રીઝ એન્ડ એસોસિએશનના પ્રમુખશ્રી જીવણભાઈ પટેલ પ્રેરક સંદેશ આપતા કહે છે કે, વિપત્તિ, આપત્તિ અને સંપત્તિ આવે પણ છે અને સમય આવ્યે તે જતી પણ રહે છે. કોરોનાથી ડરવાની નહીં પણ મક્કમ મનોબળથી લડવાની જરૃર છે.

કેટલીકવાર આપણે માસ્ક ન પહેરીને પોતાની અને અન્યોની સલામતીનું ધ્યાન નથી રાખતા અને પોતે સંપૂર્ણ રીતે સ્વસ્થ છે તેવો વધુ પડતો આત્મવિશ્વાસ ધરાવીએ છે. જેના કારણે આપણા ઘરમાં રહેતા નાના બાળકો, વૃદ્ઘો અને આપણી આસપાસના અન્ય લોકોને જોખમમાં મૂકી દઈએ છીએ. આપણે અચૂકપણે સરકારશ્રીની માર્ગદર્શિકાઓનું પાલન કરીને માસ્ક પહેરવું જોઈએ તથા સામાજિક અંતર પણ જાળવવું જોઈએ.

હાલ આજી જી.આઈ.ડી.સી. માં ૫૦૦ જેટલી ઇન્ડસ્ટ્રીઝ કાર્યરત છે. અમે પ્રત્યેક ઇન્ડસ્ટ્રી દીઠ આરોગ્યલક્ષી જાગૃતિ કેળવાય તે માટેના કેમ્પ કર્યા છે. અને સમગ્ર ઇન્ડસ્ટ્રીઝમાં માસ્ક, સોશિયલ ડિસ્ટન્સ અને સેનેટાઇઝરના મહત્વને પ્રદર્શિત કરતા બેનર પણ લગાડીને આ વિસ્તારના લોકોને કોરોના મહામારી સાથે જાગૃત કરવાનું કાર્ય કર્યું છે.

 

(12:41 pm IST)
  • જાન્યુઆરીમાં ગુજરાતને કોરોના વેકસીન મળી જશે: વિજયભાઈ : ગુજરાતના મુખ્યમંત્રી શ્રી વિજયભાઈ રૂપાણીએ કહ્યું છે કે જાન્યુઆરી મહિનામાં ગુજરાત મે કોરોના વ્યક્તિ મળી જાય તેવી પૂરી સંભાવના છે access_time 2:20 pm IST

  • થરાદ પંથકમાં જુથ અથડામણ: એકનું મોત: આગ ચાંપી : બનાસકાંઠા મોડી રાત્રે થરાદના ટરૂવા ગામે જૂથ અથડામણમાં એકનું મોત નીપજ્યું છે અને આગચંપીને કારણે ઘરવખરી બળીને ખાખ થઇ ગઇ છે. થરાદ પોલીસે વધુ તપાસ હાથ ધરી access_time 5:58 pm IST

  • ઝારખંડ : પિકનિક મનાવવા નીકળેલા અને બાગમુંડા ધોધ પર ગયેલા ૭, ૧૧, ૧૬ વર્ષના ત્રણ બાળકો નદીના તીવ્ર પ્રવાહમાં તણાય ગયા, બેના મૃતદેહ મળ્યા: કિશોરીની શોધ ચાલુ.. access_time 10:02 pm IST