Gujarati News

રાજકોટ તા. ૨૫: મનહર પ્લોટ-૯માં રહેતાં રાજુભાઇ હરગોવિંદભાઇ દુધરેજીયાને ધંધાના વિકાસ માટે અને દુકાનના રિનોવેશન માટે રૂ. ૧ લાખ  ભોમેશ્વર મંદિર પાછળ જાગૃતિ સોસાયટીમાં રહેતાં અરવિંદભાઇ એલ. ચાવડાએ હાથ ઉછીના એક વર્ષ માટે આપ્યા હતાં. આ રકમ આપતી વખતે રાજુભાઇએ ગેરેન્ટી પેટે રૂ. ૧ લાખનો ચેક આપ્યો હતો. પરંતુ આ ચેક રિટર્ન થતાં તેના વિરૂધ્ધ કોર્ટ કાર્યવાહી કરવામાં આવી છે.

અરવિંદભાઇ ચાવડાએ લેખિત યાદીમાં જણાવ્યું છે કે તેણે મુદ્દત પુરી થયા પછી મોખિક અને ફોન કરીને પોતાના પૈસાની ઉઘરાણી કરી હતી. પરંતુ રાજુભાઇ પૈસા પરત આપતાં નહોતાં. આથી તેણે આપેલો ચેક બેંકમાં જમા કરાવતાં બેલેન્સ પુરતી નહિ હોવાના શેરા સાથે પરત થયો છે. આ કારણે ૯/૨/૧૮ના રોજ નોટીસ આપ્યા પછી પણ રકમ ન આપવામાં આવતાં અંતે ધી નેગોશિયેબલ એકટ હેઠળ ચીફ જ્યુડિશીયલ મેજીસ્ટ્રેટની કોર્ટમાં ફરિયાદ દાખલ કરવા વકિલ મારફત કાર્યવાહી કરવામાં આવી છે. (૧૪.૧૦)