Gujarati News

Gujarati News

News of Saturday, 25th May 2019

ગુલાબનગરમાં લગ્નના સામૈયા પાસેથી રિક્ષા હંકારવા મામલે સાગર પર હુમલો

ડીજેના તાલે ડિસ્કો કરી રહેેલા બાવાજી શખ્સોએ ધોકાવાળી કરી

રાજકોટ તા. ૨૫: કોઠારીયા સોલવન્ટ પાસે ગુલાબનગરમાં રહેતાં છકડો ચાલક ભરવાડ યુવાને લગ્નના સામૈયુ નીકળ્યું હોઇ બાજુમાંથી રિક્ષા કાઢી લેવા સામૈયામાં ડિસ્કો કરી રહેલા યુવાનને જણાવતાં તેના સહિતનાએ ઝઘડો કરી ધોકાથી માર મારતાં સારવાર લેવી પડી હતી.

ગુલાબનગરનો સાગર દેવાભાઇ મીર (ઉ.૧૮) સાંજે સારવાર માટે સિવિલ હોસ્પિટલમાં દાખલ થયો હતો. પોતાને બાબુભાઇ બાવાજી સહિતે માર માર્યાનું જણાવતાં હોસ્પિટલ ચોકીના સ્ટાફે આજીડેમ પોલીસને જાણ કરી હતી. દેવાભાઇ ભરવાડના કહેવા મુજબ પોતે અને પુત્ર સાગર બંને રિક્ષાના ફેરા કરે છે. સાંજે વિસ્તારમાં બાવાજી પરિવારના લગ્નના સામૈયા થઇ રહ્યા હોઇ બધા ડીજેમાં નાચતા હતાં. પોતે બાજુમાંથી રિક્ષા લઇ નીકળી ગયા હતાં. પુત્ર સાગર પાછળ રહી ગયો હતો. તેણે ડિસ્કો કરી રહેલા યુવાનોને થોડા સાઇડમાં રહેવાનું કહેતાં માથાકુટ થતાં તેના પર હુમલો થયો હતો.

વાજડીના ગીતાબેન સાથે રણુજા મંદિર પાસે મારકુટ

લોધીકાના વાજડી ગામે રહેતાં ગીતાબેન કાનાભાઇ પરમાર (ઉ.૪૦) સાંજે રણુજા મંદિર પાસે મફતીયાપરામાં હતાં ત્યારે બે અજાણ્યા શખ્સોએ માર મારતાં સારવાર માટે સિવિલ હોસ્પિટલમાં દાખલ થતાં આજીડેમ પોલીસને જાણ કરાઇ હતી.

રણુજાનગરમાં અર્જુન  હુંબલ પર હુમલો

કોઠારીયા રોડ રણુજાનગર-૫માં રહેતાં અર્જુન લક્ષમણભાઇ હુંબલ (ઉ.૨૭)ને રાત્રે સાડા નવેક વાગ્યે પ્રકાશ નીરૂભાઇ અને મીરૂભાઇએ પાઇપથી માર મારતાં સિવિલ હોસ્પિટલમાં દાખલ થયો હતો.

(3:36 pm IST)
  • ભાજપના રાષ્ટ્રીય પ્રવકતા સંબિત પાત્રા ઓડીશાની જગન્નાથપુરીની બેઠક ઉપર નવીન પટનાયકના બીજેડી પક્ષના પિનાકી મિશ્રા સામે ૧૧૦૦૦ મતથી હારી ગયા છે access_time 4:02 pm IST

  • સુરત આગ દુર્ઘટના મામલે ગુજરાત સરકારને નોટીસ : રાષ્ટ્રીય માનવ અધિકાર આયોગે રાજય સરકારને ફટકારી નોટીસ access_time 5:37 pm IST

  • કોંગ્રેસ અધ્યક્ષ રાહુલ ગાંધી CWC ની બેઠકમાં રાજીનામાની રજૂઆત કરીઃ કોંગ્રેસી નેતાઓએ ઇન્કાર કર્યોઃ કોંગ્રેસી નેતાએ કહ્યું કે, તમે નહીં તો કોણ બનશે કોંગ્રેસ અધ્યક્ષ? access_time 12:45 pm IST