Gujarati News

Gujarati News

News of Thursday, 25th February 2021

જમીનના બોગસ દસ્તાવેજ બનાવવાના ગુનામાં ૪ વર્ષથી ફરાર શખ્સ પકડાયો

ક્રાઇમ બ્રાંચે રાજકોટના હાલ અમદાવાદ રહેતાં આશિષને પીએસઆઇ ધાખડાની ટીમે ધરમ ટોકિઝ પાસેથી પકડી લઇ સુરત પોલીસને જાણ કરી

રાજકોટ તા. ૨૫: અલગ અલગ ગુનાઓમાં લાંબા સમયથી ફરાર શખ્સોને ઝડપી લેવાની રાજ્યના મુખ્ય પોલીસ વડાએ શરૂ કરેલી ઝુંબેશ અંતર્ગત શહેર ક્રાઇમ બ્રાંચે વધુ એક આવા શખ્સને પકડી લીધો છે. કિંમતી જમીનના બોગસ દસ્તાવેજ બનાવી છેતરપીંડી કરવાના ગુનામાં ચાર વર્ષથી ફરાર રેલનગર-૨ શેરી નં. ૯માં રહેતાં હાલ અમદાવાદ ન્યુ મેઘાણીનગર બ્લીઝ ડી-૭૦૮, રામોલ ખાતે રહેતાં આશિષ જીવતરામ સાવનાણીને તે રાજકોટ ધરમ ટોકીઝ પાસે આવ્યો હોવાની બાતમી પરથી પકડી લેવાયો છે.

ડીસીબીના પ્રદિપસિંહ જાડેજા, અમિતભાઇ અગ્રાવત અને કુલદીપસિંહ જાડેજાને મળેલી બાતમી પરથી આશિષને સકંજામાં લેવાયો હતો. આ શખ્સ વિરૂધ્ધ સુરત ગ્રામ્ય પલાસણા પોલીસ સ્ટેશનમાં જમીન કોૈભાંડનો ગુનો ૨૦૧૭માં નોંધાયો હતો. ત્યારથી તે ફરાર હતો. આશિષ તથા બીજા આરોપીઓએ મળી ચાર ખોટા કુલમુખત્યારનામા ઉભા કરી કિંમતી જમીન પચાવી પાડવાનો કારસો ઘડ્યો હતો.

પોલીસ કમિશનરશ્રી મનોજ અગ્રવાલ, જેસીપી ખુરશીદ અહેમદ, ડીસીપી પ્રવિણકુમાર મીણા, ડીસીપી મનોહરસિંહ જાડેજા, એસીપી ક્રાઇમ ડી. વી. બસીયા અને પીઆઇ વી. કે. ગઢવીની રાહબરીમાં પીએસઆઇ પી. એમ. ધાખડા, હેડકોન્સ. મયુરભાઇ પટેલ, વિરેન્દ્રસિંહ ઝાલા, કોન્સ. નગીનભાઇ ડાંગર, સંજયભાઇ રૂપાપરા, જયદિપસિંહ ઝાલા અને બાતમી મળી એ તમામે આ કામગીરી કરી હતી.

(3:21 pm IST)
  • ભાગેડુ હીરા વેપારી નીરવ મોદીનું પ્રત્યાર્પણ થશે કે નહીં : લંડન કોર્ટ આપશે ચુકાદો :લંડનની વેડ્સવર્થ જેલમાં બંધ નીરવ મોદી પંજાબ નેશનલ બેન્કના 12 હજાર કરોડના કૌભાંડનો આરોપી : લંડનના વેસ્ટમિનિસ્ટર મેજિસ્ટ્રેટ સમક્ષ જેલથી વિડિઓ કોલિંગ મારફત સુનવણી થશે access_time 12:32 am IST

  • મહાકૌભાંડી નીરવ મોદીને ભારત પ્રત્યાર્પણ કરવામાં આવશે, યુકેની કોર્ટમાં કેસ હાર્યો. ભારતીય એજન્સીઓ માટે મોટી જીત. access_time 4:41 pm IST

  • દેશમાં કોરોનાના સતત વધતા કેસ :રાત્રે 11 વાગ્યા સુધીમાં કોરોનાના નવા 16,886 કેસ નોંધાયા :કુલ કેસની સંખ્યા 1,10,46,432 થઇ :એક્ટિવ કેસ 1,48,691 થયા: વધુ 11,976 દર્દીઓ સ્વસ્થ થતા કુલ 1,07,36,432 થયા :વધુ 141 લોકોના મોત સાથે કુલ મૃત્યુઆંક 1,56, 742 થયા access_time 1:09 am IST