Gujarati News

Gujarati News

News of Thursday, 25th February 2021

હાશ...ડુંગળીમાં કિલોએ ૧૦ રૂ. તુટયા

સૌરાષ્ટ્રના યાર્ડોમાં બમ્પર આવકના પગલે ભાવમાં કડાકો : ડુંગળી એક મણના ભાવ પ૦૦ થી ૭૦૦ રૂ. હતા તે ઘટીને ૩૦૦થી પ૦૦ અને કિલોના ભાવ પ૦ થી ૬૦ હતા તે ૪૦ થી પ૦ થઇ ગયા

રાજકોટ તા.રપ : સૌરાષ્ટ્રના માર્કેટ યાર્ડોમાં ડુંગળીની બમ્પર આવકના પગલે ભાવમાં કડાકો થયો છે. ડુંગળીમાં મણે ૧પ૦ થી ર૦૦ અને હોલસેલમાં કિલોએ ૧૦ રૂ. ઘટી ગયા છે.

સૌરાષ્ટ્રમાં ચાલુ વર્ષે ડુંગળીનો બમ્પર પાક થયો છે. એક તબકકે ડુંગળીના ભાવો ઘટી જતા ખેડુતોમાં દેકારો બોલી ગયો હતો. જો કે, મહારાષ્ટ્ર સહિતના રાજયોમાં સૌરાષ્ટ્રની ડુંગળીની લેવાલી નીકળતા ડુંગળીના ભાવો ફરી સળગી જતા ગૃહિણીઓમાં સીસકારો બોલી ગયો હતો. છેલ્લી એક અઠવાડીયાથી ડુંગળીના ભાવો વધી રહ્યા છે.

દરમિયાન આજે રાજકોટ યાર્ડમાંં પ૦ હજાર કટા, ગોંડલમાં ૧.પ૦ લાખ કટ્ટા, ભાવનગરમાં ૩પ૦ લાખ કટ્ટા તથા મહુવામાં ૧.પ૦ લાખ ડુંગળીના કટ્ટાની આવકના પગલે ડુંગળીના ભાવોમાં કડાકો થયો છે. ડુંગળી એક મણ (ર૦ કિલો)ના ભાવ પ૦૦ થી ૭૦૦ રૂ. હતા તે ઘટીને આજે ૩૦૦ થી પ૦૦ રૂ. થઇ ગયા છે જયારે ડુંગળી હોલસેલમાં એક કિલોના ભાવ પ૦ થી ૬૦ રૂ. હતા તે ઘટીને ૪૦ થી પ૦ રૂ. થઇ ગયા છે.આગામી દિવસોમાં હજુ પણ ડુંગળીના ભાવો ઘટશે તેમ વેપારી સૂત્રોએ જણાવ્યું હતું.

(3:17 pm IST)
  • કેરળ સરકારનો મોટો નિર્ણય : સબરીમાલા અને સીએએ વિરોધી સામેના કેસ પાછા ખેચશે : કોંગ્રેસ નેતૃત્વ વાળા યુડીએફએ સરકારના આ નિર્ણયને આવકાર્યો : જયારે ભાજપે ભગવાન અયપ્પાના ભક્તો વિરુદ્ધ કેસ દાખલ કરવા બદલ મુખ્યમંત્રી પાસે માફીની માંગ કરી access_time 12:40 am IST

  • ટેકો પાછો ખેંચાયો અને બીજી તરફ અપક્ષ ધારાસભ્ય ઉપર આવકવેરાનો જબરજસ્ત દરોડો ચાલુ : હરિયાણાની ભાજપ સરકારને તાજેતરમાં જ ટેકો પાછો ખેંચી લેનાર અપક્ષ ધારાસભ્ય બલરાજ કુંડુના નિવાસસ્થાન સહિતના સ્થળોએ આવકવેરાની જબરજસ્ત મોટી રેડ ચાલુ હોવાનું જાણવા મળે છે. access_time 11:40 am IST

  • પૂર્વ જસ્ટિસ માર્કંડેય કાત્જુએ ભાજપ સરકારની હિટલર સાથે સરખામણી કરી હતી : 2016 ની સાલમાં કરાયેલી આ સરખામણી યોગ્ય જણાઈ નથી : ભારતમાં ન્યાયતંત્રની સ્વતંત્રતા ઉપર તરાપ હોવાના કોઈ પુરાવા નથી : નીરવ મોદીના પ્રત્યાર્પણને મંજૂરી આપતી વખતે યુ.કે.કોર્ટની ટકોર access_time 8:49 pm IST