Gujarati News

Gujarati News

News of Thursday, 25th February 2021

ઇમિટેશનના હિસાબના ડખ્ખામાં ગઢીયાનગરના જીતેન પર હુમલો

રાજકોટ તા. ૨૫: સંત કબીર રોડ પર ગઢીયાનગરમાં રહેતો જીતેન મુકેશભાઇ સંચાણીયા (ઉ.વ.૨૦) સાંજે ઘર નજીક હતો ત્યારે જયમીન અને હિતેષે ઢીકાપાટુનો માર મારતાં સારવાર માટે સિવિલ હોસ્પિટલમાં દાખલ કરવામાં આવતાં હોસ્પિટલ ચોકીના સ્ટાફે બી-ડિવીઝનમાં જાણ કરી હતી.

જીતેનના સગાએ જણાવ્યા મુજબ ઇમિટેશન કામના હિસાબ બાબતે માથાકુટ કરી મારકુટ કરવામાં આવી હતી.

ચુનારાવાડમાં રામુને બાલાજી મંદિર પાસે ધોલધપાટ થઇ

ચુનારવાડ-૩માં રહેતાં રામુ મનોજભાઇ સોલંકી (ઉ.૩૦)ને રાતે અગિયારેક વાગ્યે કરણપરા બાલાજી મંદિર પાસે હતો ત્યારે મયો અને રવિ નામના શખ્સોએ ધોકાથી માર મારતાં સિવિલ હોસ્પિટલમાં દાખલ કરવામાં આવતાં હોસ્પિટલ ચોકીના રાજુભાઇ ગીડા અને અનોપસિંહ ઝાલાએ એ-ડિવીઝનમાં જાણ કરી હતી. રામુ અને તેની બહેન સહિતના મંદિર પાસે ભીખ માંગે છે. મહેશ ઉર્ફ મયો રામુની બહેન સાથે બોલતો હોઇ તેને બોલાવવાની ના પાડતાં મારામારી થયાનું તપાસમાં ખુલ્યું હતું. મહેશ ઉર્ફ મયાનો મિત્ર રવિ જીઆરડીમાં નોકરી કરે છે.

(12:45 pm IST)
  • ભાગેડુ હીરા વેપારી નીરવ મોદીનું પ્રત્યાર્પણ થશે કે નહીં : લંડન કોર્ટ આપશે ચુકાદો :લંડનની વેડ્સવર્થ જેલમાં બંધ નીરવ મોદી પંજાબ નેશનલ બેન્કના 12 હજાર કરોડના કૌભાંડનો આરોપી : લંડનના વેસ્ટમિનિસ્ટર મેજિસ્ટ્રેટ સમક્ષ જેલથી વિડિઓ કોલિંગ મારફત સુનવણી થશે access_time 12:32 am IST

  • દેશના ફાઈનાન્સ સેક્રેટરી પદ માટે ગુજરાતના આઇએએસ ઓફિસર ફ્રન્ટ રનર દેશના નવા નાણા સચિવના પદ ઉપર ટૂંક સમયમાં ગુજરાત કેડરના સિનિયર આઇએએસ ઓફિસર આવી રહ્નાનું જાણવા મળે છે. સત્તાવાર સમર્થનની રાહ જોવાઇ રહી છે. (ન્યુઝફર્સ્ટ) access_time 11:44 am IST

  • દેશમાં ફરીવાર કોરોનાના સતત વધતા કેસ :રાત્રે 12 વાગ્યા સુધીમાં કોરોનાના નવા 16,562 કેસ નોંધાયા :કુલ કેસની સંખ્યા 1,10,63,038 થઇ :એક્ટિવ કેસ 1,53,849 થયા: વધુ 12,203 દર્દીઓ સ્વસ્થ થતા કુલ 1,07,48,759 થયા :વધુ 119 લોકોના મોત સાથે કુલ મૃત્યુઆંક 1,56, 861 થયા access_time 1:31 am IST