Gujarati News

Gujarati News

News of Monday, 25th January 2021

રાજકોટ સહિત દેશભરમાં રાષ્ટ્રીય મતદાતા દિવસની ઉજવણી ઇ-એપીકનું લોન્ચીંગ : શ્રેષ્ઠ BLO - સુપરવાઇઝરનું સન્માન કરાયું

૯૫ થી ૧૦૦ વર્ષના મતદારોનું પણ સન્માન : મતદાન અંગે પ્રતિજ્ઞા લેવાઇ : ૫૭ હજાર નવા મતદારો ઉમેરાયા૧લી ફેબ્રુઆરીથી નવા મતદારો - ઇ-એપીક - એપ્લીકેશન ડાઉનલોડ કરી પોતાનું ઓળખપત્ર કાર્ડ જાતે મેળવી શકશે

રાજકોટ તા. ૨૫ : આજે રાજકોટ સહિત દેશભરમાં રાષ્ટ્રીય મતદાતા દિવસની શાનદાર ઉજવણી થઇ રહી છે, ગુજરાતમાં દરેક જિલ્લામાં મુખ્ય કાર્યક્રમો યોજાયા છે, તો તાલુકા લેવલે પણ મતદારોનંુ સન્માન થઇ રહ્યું છે.

રાજકોટમાં સવારે ૧૦ વાગ્યે કલેકટર કચેરી ખાતે કલેકટરશ્રીના અધ્યક્ષપદે રાષ્ટ્રીય મતદાતા દિવસની ઉજવણી કરાઇ હતી.

આ પ્રસંગે ચૂંટણીપંચની ઓળખપત્ર કાર્ડ માટેની ઇ-એપીક એપ્લીકેશનનું ખાસ લોન્ચીંગ કરાયું હતું. ફિલ્મ દ્વારા એપ્લીકેશન કઇ રીતે ડાઉનલોડ કરવી અને મતદારોએ પોતાનું ઓળખપત્ર કાર્ડ કઇ રીતે ડાઉનલોડ કરવું - પ્રિન્ટ મેળવવી તેની સમજ અપાઇ હતી.

તાજેતરમાં મતદાર યાદી સુધારણા કાર્યક્રમમાં રાજકોટ શહેર - જિલ્લામાં કુલ ૫૭ હજારથી વધુ નવા મતદારો ઉમેરાયા છે, તે તમામ મતદારો ૧લી ફેબ્રુઆરીથી ઉપરોકત ઇ-એપીક એપ્લીકેશન ડાઉનલોડ કરી પોતાનું કાર્ડ જાતે મેળવી શકશે, હવે ચૂંટણી સ્ટાફ ઘરે ઓળખપત્ર કાર્ડ દેવા આવે તેની રાહ નહિ જોવી પડે.

કાર્યક્રમમાં યુવા મતદારો ઉપરાંત ૯૫ થી ૧૦૦ વર્ષની વયના વૃધ્ધ મતદારોનું સન્માન કરાયું હતું. આ ઉપરાંત ૨૪થી વધુ શ્રેષ્ઠ બીએસઓ - સુપરવાઇઝર અને કેમ્પસ એમ્બેસેડરનું સન્માન કરી પ્રમાણપત્ર અર્પણ કરાયા હતા. કાર્યક્રમના અંતે મતદાન અચુક અંગે પ્રતિજ્ઞા લેવાઇ હતી.

કાર્યક્રમમાં કલેકટરશ્રી ઉપરાંત એડી. કલેકટર, નાયબ જિલ્લા ચૂંટણી અધિકારી, અન્ય અધિકારીઓ ખાસ ઉપસ્થિત રહ્યા હતા.

(12:02 pm IST)
  • ૧ લી ફેબ્રુઆરી બજેટના દિવસે દિલ્હીમાં સંસદ ભવન પર કૂચ લઈ જશે કિસાનો આવતીકાલની કિસાન રેલી પહેલાં મોટી જાહેરાત: પહેલી ફેબ્રુઆરીએ બજેટના દિવસે જ સંસદ ભવન કૂચ લઈ જવાની ખેડૂત નેતાઓની જાહેરાત : આ દિવસે કેવી રીતે ક્યાં જવાનું છે તે અમે 28 જાન્યુઆરીએ નક્કી કરશું: દર્શન પાલ, ક્રાંતિકારી કિસાન યુનિયનની જાહેરાત access_time 8:15 pm IST

  • આગામી વર્ષોમાં વધુ એક રાજયમાં નશાબંધી લાદવામાં આવે તેવી સંભાવના છે : દારૂની પરમીટ માટેની ફી ૧૨ હજાર અને લટકામાં ૫૧ હજાર ગેરન્‍ટી મનીના! : જે લોકો દારૂ માગતા હોય તે ‘સ્‍ટોર' કરવા માગતા હોય તેના માટે ઉત્તરપ્રદેશમાં દારૂના વેચાણ ઉપર બાજ નજર રાખવા યોગી સરકારે નવા લાયસન્‍સ ઈસ્‍યુ કર્યા છે : નવા દારૂના લાયસન્‍સ માટેની ફી ૧૨ હજાર રૂપિયા અને ગેરન્‍ટી મની તરીકે ૫૧ હજાર ઉમેરવામાં આવ્‍યા છે : બે બીજા રાજયો પણ રાજ્‍ય વ્‍યાપી ‘દારૂબંધી' લાદવા માંગતા હોવાનું ન્‍યુઝ ફર્સ્‍ટ નોંધે છે access_time 4:31 pm IST

  • એરપોર્ટ, હોસ્પિટલો અને બેન્કીંગ સહિત ૫ થી ૭ ક્ષેત્રોમાં ગેમ ચેન્જર સાબિત થાય તેવા મોટા ફેરફારો આવી રહ્યા છે : ગેમ ચેન્જર સાબિત થાય તેવી ૫ થી ૭ નવી નીતિઓ ઘડવા ઉપર નાણામંત્રાલય રાત - દિવસ કામ કરી રહ્યાનું પણ જાણવા મળે છે : જેમાં એરપોર્ટો - હોસ્પિટલો, લોજીસ્ટીકસ અને ઈવીનો સમાવેશ થતો હોવાનું ન્યુઝ ફર્સ્ટ જણાવે છે : બેન્કીંગ સેકટર માટે નવા નિયમો ઉપર પણ નાણામંત્રાલય કામ કરી રહેલ છે : બેન્કીંગ સેકટરમાં બેન્કો વચ્ચેના વધુ જોડાણો અને ખાનગીકરણની દિશામાં પગલા લેવાઇ રહ્યાનું પણ જાણવા મળે છેઃ ન્યુઝ ફર્સ્ટના અહેવાલ પ્રમાણે આગામી અંદાજપત્રમાં આ જાહેરાતો થવાની સંભાવના છે access_time 3:08 pm IST