Gujarati News

Gujarati News

News of Tuesday, 24th November 2020

સાસુ-સસરા અને પાંચ વર્ષીય પુત્રના પ્રેમને તાકાત બનાવી કોવિડમાં નિષ્કામ સેવા આપી રહ્યા છે ડો. સ્વીટી ચોૈધરી

આરોગ્યલક્ષ્મી સુવિધાનો અવિસ્મરણીય અનુભવ મેળવી રહ્યા છે અરવલ્લીના અડગ આરોગ્યકર્મીઓ : બહારગામના તબિબો માટે રહેવા-જમવા-સ્વાસ્થ્ય સલામતિની ઉત્તમ સુવિધાઃ પ્રારંભે ગભરાટ હતો, પણ હવે રાજકોટથી ખુશ થઇને જવું છેઃ ડો. પ્રિયંકા સુવેરા

રાજકોટ તા.૨૪ : દેશના આરોગ્ય કર્મીઓ વસુધૈવ કુંટુંબકમની ભાવના સાથે દરેક નાગરીકને કોરોનાથી રક્ષિત કરવા મુળ કાર્યક્ષેત્ર-પરિવારથી દૂર જઈને પોતાનું કર્તવ્ય નિભાવી રહ્યા છે. આવી જ કર્તવ્યપરાયણતા નિભાવી છે અરવલ્લી જિલ્લાના ૪ આર.બી.એસ.કે આરોગ્ય કર્મીઓએ. કે જેઓએ ૧ મહિનો રાજકોટમાં રહીને દર્દીનારાયણની સેવા કરીને તબીબ તરીકેની ઉમદા ફરજ અદા કરી છે.

અરવલ્લીના ભિલોડા તાલુકામાં મેડીકલ ઓફિસર તરીકે ફરજ બજાવતા ડો. સ્વીટી ચૌધરીએ રાજકોટ અંગેના અનુભવ વિશે વાત કરતા કહ્યું હતું કે, 'રાજકોટ આવવાનું થયું ત્યારે પહેલો વિચાર ૬૦ વર્ષીય સાસુ-સસરા કે જેમને ડાયાબીટીસ, બી.પી અને થાયરોડ છે અને પાંચ વર્ષીય પુત્રનો આવ્યો. પરંતુ ગર્વની વાત એ છે કે, મારા પરિજનોએ જ મને કહ્યું કે, ૧ મહિના માટે પરિવાર પછી ફરજ પહેલા. મારા પુત્રના મનમાં પણ એ વાત બેસી ગઈ હતી કે, મમ્મી કોરોના દર્દીઓની સેવા કરવા ગઈ છે. પરિવારની આ સકારાત્મકતાએ મારામાં વધુ જોશ ભર્યો. ખાસ કરીને અહીંના સ્ટાફ વિશે કહું તો તેમનો ખુબ સહકાર મળ્યો છે. શરૂઆતના ૨ દિવસમાં મને ન ગમ્યું પરંતુ પછી રાજકોટ અને રાજકોટવાસીઓ બંને ગમવા લાગ્યા.'

માતા-પિતાના સપોર્ટ અને પ્રોત્સાહન સાથે કોરોના હોસ્પિટલની ફલુ ઓ.પી.ડી.માં ૧ મહિનો કામગીરી કરીને રાજકોટની આરોગ્યલક્ષી સુવિધાના વખાણ કરતાં ડો. પ્રિયંકા સુવેરાએ જણાવ્યું હતું કે, 'હું રાજકોટ આવી ત્યારે અનેક અસમંજસમાં હતી કે, કેવી સુવિધા હશે? કેમ રહેશું? કેવી રીતે કામગીરી કરવાની રહેશે? પરંતુ મારી બધી દુવિધા અહીં આવ્યાના થોડા દિવસોમાં જ દૂર થઈ ગઈ. અમારી રહેવા-જમવાની સુવિધા સારી હતી. સિવિલ હોસ્પિટલમાં પણ પી.પી.ઈ કીટ અને સલામતીના દરેક પગલાઓનું ધ્યાન રાખવામાં આવ્યું છે. હું રાજકોટની ખુશ થઈને જઈ રહી છું.'

નાગરિકોને તેમના સ્વાસ્થ્ય અંગે સુચનો કરતાં ડો. ચૌધરી અને ડો. સુવેરાએ કહ્યું હતું કે, 'તબીબો લોકોની સેવા માટે ખડેપગે તૈયાર છે. પરંતુ અમારે પણ તમારા સહકારની જરૂર છે.  કારણ વગર ઘરની બહાર જવાનું ટાળીએ, નિયમિત નાસ લઈએ. માસ્ક તેમજ સેનેટાઈઝરનો ઉપયોગ ન ચુકીએ. આ સર્વે વસ્તુ કરીને તમે અમને પરોક્ષ રીતે અચુક મદદરૂપ થઈ શકો છો.'

(2:39 pm IST)
  • બેક ટુ બેક ... આવતા મહિને વધુ એક 'બુરેવી' વાવાઝોડાનો ખતરો : 'નિવાર'નામનું વાવાઝોડુ ત્રાટકવાની તૈયારીમાં છે ત્યારે તામિલનાડુના દરિયાકિનારે વધુ એક વાવાઝોડાનો ખતરો મંડાઈ રહ્યો છેઃ 'બુરેવી'નામનું વાવાઝોડુ તા.૩ કે ૪ ડીસેમ્બર આસપાસ ત્રાટકે તેવી સંભાવના હોવાનું વેધરની એક ખાનગી સંસ્થાએ જણાવ્યું છે access_time 2:36 pm IST

  • થાણેમાં મહારાષ્ટ્ર નવનિર્માણ સેનાના નેતા જમીલ શેખની ગોળી મારી હત્યા થઈ છે. મોટરસાયકલ ઉપર આવેલા બે અજાણ્યા શખ્સોએ શેખનો પીછો કરી માથામાં ગોળી મારી હત્યા કરી હતી. access_time 8:40 am IST

  • નામ છુપાવીને લગ્ન કરનારને 10 વર્ષની જેલસજા થશે :' લવ જેહાદ ' મામલે ઉત્તર પ્રદેશ કેબિનેટમાં કડક કાયદો પસાર : વિધર્મી સાથે લગ્ન કરતા પહેલા ડીસ્ટ્રીકટ મેજિસ્ટ્રેટની મંજૂરી લેવી પડશે : બે મહિના પહેલા નોટિસ આપવી ફરજીયાત : મંજૂરી વિના ધર્મ પરિવર્તન કરી લગ્ન કરવા બદલ 6 માસથી 3 વર્ષ સુધીની જેલસજા થઇ શકશે : ઉપરાંત 10 હજાર રૂપિયાનો દંડ થશે : છેલ્લા થોડા દિવસોમાં ફરજીયાત ધર્માન્તર ,લવ જેહાદ ,સહિતના 100 જેટલા કિસ્સા બનતા યોગી સરકાર આકરા પાણીએ access_time 7:59 pm IST