Gujarati News

Gujarati News

News of Saturday, 24th October 2020

નવજાત પુત્રને કે. ટી. ચિલ્ડ્રનમાં રેઢો મુકી વાલી ગાયબઃ ફોન બંધ

વાંકાનેરમાં ૨૨મીએ જન્મ થયા બાદ તબિયત બગડતાં અહિ દાખલ કરાયો

રાજકોટ તા. ૨૪: સિવિલ હોસ્પિટલના કે. ટી. ચિલ્ડ્રન વિભાગમાં ત્રણ દિવસના નવજાત પુત્રને રેઢો મુકી વાલી ગાયબ થઇ જતાં અને તેણે ફોન પણ બંધ કરી દેતાં હોસ્પિટલ તંત્ર ધંધે લાગ્યું છે. આ અંગે પોલીસને જાણ કરવા તજવીજ થઇ રહી છે.

જાણવા મળ્યા મુજબ નવજાત બાળક (પુત્ર)ને બિમારી સબબ ૨૨મીએ રાજકોટ કે. ટી. ચિલ્ડ્રન હોસ્પિટલમાં તેના પિતા તરીકે ઓળખ આપનાર વ્યકિત દાખલ કરવા આવી હતી. માતાનું નામ ડિમ્પલબેન લલીતભાઇ બથવાર લખાવાયું હતું અને સરનામુ ચોટીલા પોપટપરાનું જણાવાયું હતું. બાળકને એનઆઇસીયુમાં દાખલ કરવામાં આવ્યું હતું.

દરમિયાન ગઇકાલ સાંજથી આ બાળકના વાલી જોવા ન મળતાં અને તેને ફોન જોડવામાં આવતાં ફોન પણ બંધ આવતો હોઇ કે. ટી. ચિલ્ડ્રન હોસ્પિટલના તંત્રએ વાલીની શોધખોળ શરૂ કરી હતી. તેમજ પોલીસને જાણ કરવા તજવીજ કરી હતી. બાળકને શા માટે આ રીતે રેઢો મુકી દેવાયો અને વાલીના ફોન શા માટે બંધ આવે છે? તે અંગે ચર્ચા જાગી છે.

(3:13 pm IST)
  • મુંબઇથી હનીમૂન માટે કતાર ગયેલા કપલને સંબંધીએ ડ્રગ્સ તસ્કરીમાં ફસાવ્યા :૧૦ વર્ષની થઇ જેલઃ નારકોટિકસ કંટ્રોલ બ્યૂરો (NCB) રાજનૈતિક ચેનલ્સ દ્વારા આ કપલને ભારત લાવવાનો પ્રયાસ કરી રહી છે access_time 11:25 am IST

  • '૫૦' વટાવી ચુકેલ પોલીસોની દાંડાઇ હવે યોગી સરકાર ચલાવી નહિ લ્યે : ૫૦ વર્ષથી મોટા ઉમરના અને કામ નહિ કરતા પોલીસ કર્મીઓનું લીસ્ટ યોગી સરકાર તૈયાર કરાવી રહી છે. આ બધાને વહેલા સેવા નિવૃત કરી દેવાશે રાજયના તમામ પોલીસ વડાને લીસ્ટ તૈયાર કરવા યોગી આદિત્યનાથે ફરી આદેશ આપ્યો access_time 3:04 pm IST

  • બેંગ્લોરમાં ૩ કલાકમાં ૩ ઈંચ વરસાદ તૂટી પડ્યો : બેંગ્લુરૂમાં ગઈકાલે ત્રણ કલાકમાં ૩ ઈંચ વરસાદ પડી જતા ચારે કોર પાણી ભરાયા હતા : રાજેશ્વરીનગરમાં રીટેઈનીંગ દિવાલ તૂટી પડતા નીચાણ વિસ્તારોમાં મકાનોમાં પાણી ભરાયા હતા access_time 3:03 pm IST