Gujarati News

Gujarati News

News of Saturday, 24th October 2020

૧૧ નવે.એ રાજકોટથી અજમેર પદયાત્રા

દર વર્ષે ૧૨ થી ૧૫ લોકો ભાગ લેશેઃ નામ નોંધણી શરૂ

 રાજકોટઃ કોમીએકતા અને આસ્થાના પ્રતિક હઝરત ખ્વાજા ગરીબ નવાઝ અજમેરની ૧૦ વર્ષથી સતત પદયાત્રા કરી તા.૧૧નવેમ્બરના બુધવારના રોજ ૧૧ માં વર્ષે પણ બપોરે ૨  કલાકે, રૈયા રોડ, હનુમાન મઢી, સહયોગ પાન વાળી શેરી ખાતેથી નજમાબેન આમદભાઇ ફુલાણી તથા આમદભાઇ ફુલાણીની આગેવાની હેઠળ પદયાત્રા અજમેર જવા માટે નીકળશે. આ પદયાત્રામાં તેમની સાથે મલેક નજીકભાઇ નરૂદિનભાઇ, સાયદાબેન નજીરભાઇ, તસ્લીમ મુશાભાઇ દલ સાથે જોડાશે.

 આ પદયાત્રા તા.૧૧ નવેમ્બરના બુધવારે બપોરે બે  કલાકે હનુમાન મઢીથી નીકળી, જંકશન ગેેબનશાહ પીરથી પારેવડી ચોક ગૌસ પાકની દરગાહથી કુવાડવા રોડ જલાલશાહ પીરની દરગાહે પહોંચી અજમેર જવા માટે પદયાત્રાઓ નીકળશે. રાજકોટથી અજમેરની પદયાત્રા લગભગ ૨૨ દિવસની હોય છે. આ પદયાત્રા દર વર્ષે ૧૨ થી ૧૫ લોકો સાથે હોય છે. જેમાં સાથે આવનારનો તમામ ખર્ચ નજમાબેન ફુલાણી તરફથી ઉઠાવવામાં આવે છે. આ પદયાત્રામાં જોડાવવા ફલાણી નજમાબેન આમદભાઇ મો. ૯૪૦૯૧ ૧૨૭૮૬, આમદભાઇ ફલાણી મો. ૯૦૬૭૮ ૬૪૪૪૭નો સંપર્ક કરવા યાદીમાં જણાવાયું છે.

(3:05 pm IST)
  • આર્મેનીયા-અઝરબૈજાન જંગમાં ૫ હજાર મોતઃ વિશ્વ ઉપર યુદ્ઘનું મોટું જોખમઃ અમેરિકા યુદ્ઘ સમાપ્તિ માટે કાર્યરત : આર્મેનિયા અને અઝરબૈજાન વચ્ચે ચાલી રહેલા યુદ્ઘને સમાપ્ત કરવા માટે અમેરિકા આગળ આવ્યું છે. અમેરિકાના વિદેશ મંત્રી માઈક પોમ્પિયોએ બંને દેશોના નેતાઓ સાથે મુલાકાત કરી, જેથી સમાધાનને શકય બનાવી શકાય. જો કે, તેઓ સફળ થાય તેવી આશા ખૂબ જ ઓછી દેખાઈ રહી છે. access_time 3:04 pm IST

  • હાઈવેની બાજુમાં જ રેલવે લાઈનઃ સરકાર બનાવી રહી છે એક મોટો પ્લાન : ૨૦૨૫ સુધીમાં કેન્દ્ર સરકાર જે નવા હાઈવે બનાવી દેવા માગે છે તેમાં અમદાવાદ- ધોલેરા, કાનપુર- લખનઉ, અમૃતસર- ભટિંડા- જામનગર, હૈદરાબાદ- રાયપુર, નાગપુર- વિજયવાડાનો પણ સમાવેશ થાય છે access_time 3:37 pm IST

  • '૫૦' વટાવી ચુકેલ પોલીસોની દાંડાઇ હવે યોગી સરકાર ચલાવી નહિ લ્યે : ૫૦ વર્ષથી મોટા ઉમરના અને કામ નહિ કરતા પોલીસ કર્મીઓનું લીસ્ટ યોગી સરકાર તૈયાર કરાવી રહી છે. આ બધાને વહેલા સેવા નિવૃત કરી દેવાશે રાજયના તમામ પોલીસ વડાને લીસ્ટ તૈયાર કરવા યોગી આદિત્યનાથે ફરી આદેશ આપ્યો access_time 3:04 pm IST