Gujarati News

Gujarati News

News of Saturday, 24th October 2020

કાલે વિજયા દશમી : સાદગીભેર થશે શસ્ત્રપૂજન : મીઠાઇ બજારોમાં સોડમ પ્રસરી

એક નોરતાની ઘટના કારણે સાતમુ અને આઠમુ નોરતુ સાથે ગણતા આજે નવરાત્રી સમાપન : ઉપવાસ એકટાણા કરનારાઓ નવ નોરતા પુરા કરી સોમવારે પારણા કરશેે

રાજકોટ તા. ૨૪ : આદ્ય શકિત અંબાની ભકિતમાં ભાવિકો ઓળઘોળ બન્યા છે. આ વખતે એક નોરતાની ઘટ છે. એટલે કે સાતમુ અને આઠમુ નોરતુ સાથે ગણવામાં આવે તો આજે નવમું નોરતુ થાય. એ સાથે આવતી કાલે વિજયા દશમી મનાવવામાં આવશે.

જો કે જે લોકો નવરાત્રીના ઉપવાસ એકટાણા કરતા હોય તેઓએ નવ દિવસના ઉપવાસ પુરા કરવા પડતા હોવાની માન્યતા પ્રમાણે તેઓએ સોમવારે દશેરા મનાવવાના રહે.

આ વર્ષે કોરોના મહામારીના કારણે નવરાત્રીની શાંત રીતે ઉજવણી થઇ હતી. જાહેર આયોજનોને અવગણી મોટે ભાગે ઘરે ઘરે જ ઘટ ગરબા સ્થાપન કરી શકિત આરાધનાઓ થઇ રહી છે. આજે નવમા નોરતાના પૂજા અર્ચન સાથે નવરાત્રીનું સમાપન થશે.

આવતીકાલે વિજયા દશમીનું પર્વ મનાવવામાં આવશે. આસુરી શકિત પર દૈવિ શકિતના વિજયની આ ઘડીને વધાવવા મીઠા મોં કરવામાં આવે છે. એટલે મીઠાઇ બજારોમાં આજથી જ ધમધમાટ શરૂ થઇ ચુકયો છે. અવનવી મીઠાઇની સોડમ પ્રસરી રહી છે. દશેરા મનાવવા કાલે જલેબી, ગાંઠીયા, બરફી, મેસુબ સહીતની મીઠાઇની જયાફત ઉડશે

જો કે આ વર્ષે રાવણ દહનના કાર્યક્રમો મુલત્વી રખાયા છે. જયારે શસ્ત્ર પૂજનના કાર્યક્રમો સરકારી ગાઇડ લાઇનના નિયમ પાલન સાથે સાદગીભેર યોજવામાં આવ્યા છે.

(3:04 pm IST)
  • હાઈવેની બાજુમાં જ રેલવે લાઈનઃ સરકાર બનાવી રહી છે એક મોટો પ્લાન : ૨૦૨૫ સુધીમાં કેન્દ્ર સરકાર જે નવા હાઈવે બનાવી દેવા માગે છે તેમાં અમદાવાદ- ધોલેરા, કાનપુર- લખનઉ, અમૃતસર- ભટિંડા- જામનગર, હૈદરાબાદ- રાયપુર, નાગપુર- વિજયવાડાનો પણ સમાવેશ થાય છે access_time 3:37 pm IST

  • મુંબઇથી હનીમૂન માટે કતાર ગયેલા કપલને સંબંધીએ ડ્રગ્સ તસ્કરીમાં ફસાવ્યા :૧૦ વર્ષની થઇ જેલઃ નારકોટિકસ કંટ્રોલ બ્યૂરો (NCB) રાજનૈતિક ચેનલ્સ દ્વારા આ કપલને ભારત લાવવાનો પ્રયાસ કરી રહી છે access_time 11:25 am IST

  • પાંચ ટીવી ચેનલોને જાહેર માફી પ્રસારીત કરવા NBSA દ્વારા આદેશ: સુશાંતસિંઘ રાજપૂતના મૃત્યુના સમાચાર પ્રસિદ્ધ કરવા સમયે પત્રકારિત્વના નિયમોનું ઉલ્લંઘન કરવા માટે આજતક, ઝીન્યૂઝ, ઇન્ડિયાટીવી અને અને ન્યૂઝ ૨૪ ને માફી પ્રસારિત કરવા ન્યૂઝ બ્રોડકાસ્ટીંગ સ્ટાનડર્ડ ઓથોરિટી (એનબીએસએ) એ આદેશ આપ્યા access_time 1:04 pm IST