Gujarati News

Gujarati News

News of Thursday, 24th September 2020

'નલ-સે-જલ' યોજના હેઠળ ગેરકાયદે નળ કનેકશનને કાયદેસરતા અપાશે

કનેકશનનાં નિયત ચાર્જ ઉપરાંત વધારાનાં રૂ. પ૦૦ની ફી લઇ ભુતીયા નળને કાયદેસરતાઃ કાલે સ્ટેન્ડીંગમાં લેવાશે નિર્ણય

રાજકોટ, તા., ર૪: રાજય સરકારની નલ-સે-જલ યોજના હેઠ રાજકોટ મ.ન.પા. દ્વારા પણ હવે ગેરકાયદે અર્ધા ઇંચના નળ કનેકશનોને કાયદેસર કરી આપવાનું શરૂ થશે.

આ અંગે કાલે મળનાર સ્ટેન્ડીંગ કમીટીમાં દરખાસ્ત છે જેમાં જણાવાયા મુજબ રાજકોટ શહેરની હદમાં આવેલ ઇમારતો પૈકી રહેણાંક તથા બિન રહેણાંકમાં નવા નળ કનેકશન આપવા અને અનધિકૃત નળ કનેકશન નિયમીત કરવા અંગે સ્ટે.ક.ઠ.નં.૩૯૬ તા.ર૧/૧૧ર૦૧૪ થી થયેલ ઠરાવ અમલમાં છે. દરમિયાન ભારત સરકાર દ્વારા 'નલ સે જલ' યોજના અંતર્ગત તમામ શહેરી વિસ્તારમાં પીવાના પાણીનો પુરવઠો દરેક ઘરમાં ટેપ વોટરથી મળે તે માટે નીચી જાહેર કરેલ છે. હાલ રાજયના શહેરી વિસ્તારોમાં નાગરીકો દ્વારા મહાનગરપાલિકાઓને અરજી કરી પાણીનું કનેકશન મેળવવામાં આવે છે જયારે કેટલાક કિસ્સાઓમાં રાજયની મહાનગરપાલિકા સરકારી કે ખાનગી જમીનમાં રહેતા નાગરીકો દ્વારા આવી કોઇ પ્રક્રિયા વગર કે નિયત ફી ભર્યા વગર ગેરકાયદે સીધુ જોડાણ લઇ લેવામાં આવેલ છે આવા નાગરીકોથી હાલ આ ગેરકાયદેસર જોડાણ દ્વારા પાણીનો વપરાશ પણ કરવામાં આવી રહેલ છે.

પાણીની જરૂરીયાતએ મુળભુત જરૂરીયાત હોઇ તને પુર્ણ કરવાના હેતુસર રાજયના શહેરી વિસ્તારોમાં રહેણાંક માટે વપરાતા એકમોમાં અડધા ઇંચની પાઇપ લાઇનના પાણીના ગેરકાયદેસર કનેકશન હોઇ તો આવા કનેકશનોને નિયમીત (રેગ્યુલરાઇઝ) કરવાની સરકારની યોજના હેઠળ સરકારી કે ખાનગી જમીનમાં રહેણાંકના ઉપયોગમાં લેવાતા એકમોમાં રહેતી એકમો દ્વારા પાણીના અડધા ઇંચની પાઇપના ઘર વપરાશના હેતુસાર સરકારી કે ખાનગી જમીનમાં માલીકીના દાવાને પ્રસ્થાપીત કર્યા સિવાય નિયત દર ઉપરાંત રૂ. પ૦૦ની રકમ લઇ રેગ્યુલરાઇઝ-કાયદેસર કરી આપવા બાબતે હુકમ કરેલ છે. જે અનુસંધાને વહીવટી પ્રક્રિયા સરળ કરી નાગરીકોને સુવિધા વિના વિલંબે મળે તે માટે મુળ ઠરાવમાં જરૂરી સુધારો કરાશે.

(4:19 pm IST)
  • મુંબઈમાં બેફામ વરસાદ વરસ્યા પછી મોડી રાત્રે વરસાદ હવે લગભગ જગ્યાએ રહી ગયો છે. છુટાછવાયા ઝાપટા પડી જાય છે. સવાર સુધી ઝાપટા પડવાનું ચાલુ રહેશે. સવારથી એ પણ ઓછું થઈ જશે. સૌરાષ્ટ્ર કચ્છ ગુજરાત ઉપર પણ વાદળા તદ્દન ઓછા થઈ ગયેલા નજરે પડે છે. કાલથી વાતાવરણ ચોખ્ખું થવા લાગશે. access_time 12:21 am IST

  • ભરૂચ નજીક ફરી એકવાર ટ્રાફિક જામની સ્થિતિ, બીસ્માર હાઇવેને પગલે ૧પ કિલો મીટર લાંબો ટ્રાફિક જામ : ઇમરજન્સી કામ માટે નીકળેલા અનેક વાહન ચાલકો ટ્રાફિક જામમાં અટવાયા, તંત્રના વાંકે સામાન્ય જનતાને અનેક પરેશાની access_time 4:03 pm IST

  • સુશાંતસિંહ રાજપૂત કેસ : બોલીબુડમાં હળકંપ : સુશાંતસિંહ રાજપૂતની ભૂતપૂર્વ ટેલેન્ટ મેનેજર, જયા સહા, જેમને નાર્કોટિક્સ કંટ્રોલ બ્યુરો દ્વારા બોલીવુડમાં કથિત ડ્રગ્સ નેક્સસ સાથે જોડાણ અંગે પૂછપરછ કરવામાં આવી રહી છે, તેની પૂછતાજમાં વધુ 4 મોટા ગજાના એ-લિસ્ટર હીરોના નામ જણાવ્યા છે તેમ આધારભૂત સૂત્રોમથી જાણવા મળે છે. ટૂંક સમયમાં NCB આ એક્ટરોને પૂછપરજ માટે બોલાવી શકે છે access_time 9:48 am IST