Gujarati News

Gujarati News

News of Thursday, 24th September 2020

ખાનગી શાળા-કોલેજોની એક સત્રની ફી માફીની માંગ સાથે NSUI દ્વારા ચક્કાજામઃ ૧રની અટકાયત

રાજકોટઃ કોટેચા ચોકમાં ચક્કાજામ કરતા NSUI કાર્યકરો નજરે પડે છે. (તસ્વીરઃ અશોક બગથરીયા)

રાજકોટ તા. ર૪: કોરોનાની મહામારી વચ્ચે શાળા-કોલેજો બંધ હોવાના તેમજ રોજગાર-ધંધાઓમાં મંદી ફી પ્રશ્ને માફીની માંગ ઉઠી છે ત્યારે આજે ખાનગી-શાળા કોલેજોની એક સત્રની સંપૂર્ણ ફી માફીની માંગણી સાથે NSUI દ્વારા કોટેચા ચોક ખાતે ચક્કાજામ કરી વિરોધ પ્રદર્શન કર્યો છે પોલીસે ૧ર કાર્યકરોની અટકાયત કરી છે.

NSUI એ એક યાદીમાં જણાવ્યું છે કે કોરોનાની મહામારી-રોજગારમાં મંદી સમગ્ર રાજયના વાલીઓમાં ફી માફી માંગણીની છે. પરંતુ ખાનગી શાળા-કોલેજોમાં સંચાલકો સાથે સરકારની સાંઠ-ગાંઠ સ્પષ્ટપણે દેખાય આવે છે. સરકારની જવાબદારી બને છે. આવા સંવેદનશીલ મુદ્દાઓ પર સકારાત્મક વલણ દાખવ્યું પરંતુ શૈક્ષણીક ક્ષેત્રે સુવિધા આપવામાં સરકાર સદંતર નિષ્ફળ નિવડી છે.

NSUI ની યાદીમાં વધુમાં જણાવ્યું છે હાઇકોર્ટ પણ રાજય સરકારને આ મુદ્દે સ્વતંત્ર નિર્ણયની છુટછાટ આપ્યા બાદ પણ હજુ સુધી ફી મુદ્દે સરકાર કેમ ચુપ છે? સરકાર પોતાની જવાબદારીમાંથી છટકી રહી છે કે પછી ખાનગી શાળા-કોલેજોના સંચાલકો સરકારના કહ્યામાં નથી? જો અન્ય રાજયોની સરકાર વિદ્યાર્થીઓને એક સત્રની સંપૂર્ણ ફી માફી આપી શકતી હોય તો ગુજરાત સરકાર કેમ નહીં? આ બાબતે સરકારે પોતાનું વલણ તાત્કાલીક સ્પષ્ટ કરવું જોઇએ.

NSUI ના જિલ્લા પ્રમુખ રોહિત રાજપુત, અભિરાજ તલાટીયા, મોહીલ ડવ સહિતના કાર્યકરોની અટકાયત કરવામાં આવી હતી.

(4:10 pm IST)
  • દેશમાં કોરોનાનો કહેર : રાત્રે 12 વાગ્યા સુધીમાં નવા 84,269 પોઝીટીવ કેસ નોંધાયા : કુલ કેસની સંખ્યા 57,27,750 થઇ: હાલમાં 9,68,690 એક્ટિવ કેસ : વધુ 82,686 દર્દીઓ સ્વસ્થ થતા કુલ 46,67,078 લોકોએ કોરોનાને મ્હાત આપી : વધુ 1113 લોકોના મોત સાથે મૃત્યુઆંક 91,163 થયો access_time 1:03 am IST

  • 2 લાખ જેટલા વિદ્યાર્થીઓ માટે રાહતના સમાચારઃ ધો-12ની પૂરક પરીક્ષાને લઇ CBSEનું કોર્ટમાં નિવેદન, પરિણામ 10 ઓક્ટોબર સુધીમાં આવશે, 31 ઓક્ટોબર સુધી કોલેજમાં એડમિશન લઇ શકાશે access_time 4:26 pm IST

  • એક બીજી ઘટનામાં જમ્મુ-કાશ્મીર પોલીસના જણાવ્યા અનુસાર અવંતિપોરાના ત્રાલ ખાતે એન્કાઉન્ટર શરૂ થઈ ગયું છે. એક આતંકવાદી માર્યો ગયો છે, જેની ઓળખ થઈ નથી. પોલીસ અને સુરક્ષા દળ સ્થળ પર હાજર છે access_time 9:48 am IST