Gujarati News

Gujarati News

News of Thursday, 24th September 2020

પ્રિયેશ અને રક્ષીત આઇપીએલના મેચ પર ઓનલાઇન સટ્ટો રમતાં પકડાયા

ગાંધીગ્રામ પોલીસ અને ક્રાઇમ બ્રાંચના અક્ષરનગર-સેટેલાઇટ ચોકમાં દરોડા

રાજકોટ તા. ૨૪: આઇપીએલ શરૂ થતાં જ સટ્ટા રમવાનું પણ ચાલુ થઇ ગયું છે. ગાંધીગ્રામ અને ક્રાઇમ બ્રાંચની ટીમે બે દરોડામાં આઇપીએલ પર સટ્ટો રમતાં બે શખ્સને પકડ્યા હતાં.

યુનિવર્સિટી રોડ પર વિમલનગર-૬માં રહેતાં પ્રિયેશ ગિરીશભાઇ ધનેશા (ઉ.વ.૨૪)ને ગાંધીગ્રામ અક્ષરનગર ૨૫ વારીયા પાસે મોબાઇલ ફોનમાં એપ્લીકેશન મારફત ઓનલાઇન બેલેન્સ મેળવી કોલકત્તા નાઇટ રાઇડર્સ અને મુંબઇ ઇન્ડિયનની ટીમ પર સટ્ટો રમતાં પકડી લઇ રૂ. ૨૫ હજારનો મોબાઇલ ફોન તથા રૂ. ૧૬૦૦ રોકડા કબ્જે લીધા હતાં. પીઆઇ કે. એ. વાળાની રાહબરીમાં એએસઆઇ એમ. વી. લુવા, ધારાભાઇ નારણભાઇ સહિતે આ કામગીરી કરી હતી.

બીજા દરોડામાં પેડક રોડ પર સેટેલાઇટ ચોકમાં ક્રાઇમ બ્રાંચે દરોડો પાડી રક્ષીત જગદીશભાઇ પેઢડીયા (ઉ.વ.૨૪-રહે. નંદુબાગ સોસાયટી-૧, સંત કબીર રોડ)ને આઇપીએલની રાજસ્થાન રોયલ અને ચેન્નઇ સુપરકિંંગની મેચ પર મોબાઇલમાં એપ્લીકેશન રન ફેર સેશનનો જૂગાર રમતો હોઇ ડીસીબીના પીએસઆઇ એસ. વી. સાખરા, હેડકોન્સ. મોહસીનખાન, કોન્સ. હિરેનભાઇ સોલંકી સહિતે પકડી લીધો હતો. તેની પાસેથી પોલીસે ૧૨ હજારનો મોબાઇલ ફોન કબ્જે લીધો હતો.

(2:26 pm IST)
  • ગુજરાત યુનિવર્સિટીમાં કોરોના વિસ્ફોટ : અનેક કર્મચારીઓને કોરોના વળગ્યોઃ યુનિવર્સિટી ટાવર સોમવાર સુધી બંધ :ગુજરાત યુનિવર્સિટીમાં કોરોનાનો બ્લાસ્ટઃ પરીક્ષા વિભાગ, એકેડેમિક વિભાગ, એસ્ટેટ વિભાગ, એકાઉન્ટ વિભાગના કર્મચારીઓ સમગ્ર યુનિવર્સિટી ટાવરમાં કામ કરતા અનેક જોબ ટ્રેઇનીને પણ કોરોના : યુનિવર્સિટી નો ટાવર સોમવાર સુધી બંધ access_time 4:03 pm IST

  • ચાઇના સાથે વધતાં ઘર્ષણ વચ્ચેના સરહદ પર સૈન્યની સરળ હિલચાલ માટે તૈયાર થયા 43 પુલો - રાજનાથ સિંહ ઉદ્ઘાટન કરશે : તમામ પુલો બીઆરઓ દ્વારા તૈયાર કરવામાં આવ્યા છે : સંરક્ષણ પ્રધાન રાજનાથસિંહ આજે વીડિયો કોન્ફરન્સિંગ દ્વારા આ પુલોનું ઉદઘાટન કરશે : આ સાથે રાજનાથસિંહ તવાંગ જતી ટનલનો શિલાન્યાસ પણ કરશે : આ સાથે 3 ઓક્ટોબરે પીએમ નરેન્દ્ર મોદી રોહતાંગ (અટલ) ટનલનું ઉદઘાટન કરશે access_time 8:40 am IST

  • જમ્મુ કશ્મીર : બડગામના ચડોરા વિસ્તારમાં આતંકવાદીઓએ સીઆરપીએફ પાર્ટી પર હુમલો કર્યો : એક સીઆરપીએફ જવાન શહીદ : આતંકીઓ સીઆરપીએફ જવાનની સર્વિસ રાઇફિલ લઇને નાસી ગયા : આતંકીઓને શોધવા સેના દ્વારા સર્ચ ઓપરેશન શરૂ કરાયું access_time 9:47 am IST