Gujarati News

Gujarati News

News of Thursday, 24th September 2020

પ્રજાપિતા બ્રહ્માકુમારી ઇશ્વરીય વિશ્વ વિદ્યાલય રાજકોટના

બી. કે. અંજુદીદીનો પ્રેરક સંદેશઃ સંયમિત જીવનશૈલી અપનાવો, કોરોના ચોક્કસ હારશે

રાજકોટ, તા. ર૪ :  કોરોનાની મહામારીના સમયમાં રાજકોટ પ્રજાપિતા બ્રહ્માકુમારી ઈશ્વરીય વિશ્વ વિદ્યાલયના બી. કે. અંજુદીદીએ રાજકોટવાસીઓને પ્રેરક સંદેશ આપતાં જણાવ્યું હતુ કે, ચડતી - પડતી, હાર - જીત અને સંદ્યર્ષ - વિદ્યર્ષ એ તો જીવનનો એક ક્રમ છે. વર્તમાન સમયમાં આ મહામારીથી આપણે સૌ કોઈ પીડિત થઈ રહયાં છીએ. વાસ્તવમાં આ સમય ડરવાનો નથી. ભયભીત થવાનો નથી. હંમેશા યાદ રાખીએ કે કોઈ પણ સમય એક સમાન રહેતો નથી. આ દિવસો પણ પસાર થઈ જશે, થવાના જ છે. આ માટે આપણે સૌ સંયમિત જીવન પ્રણાલી અપનાવી સરકારની માર્ગદર્શિકાનું જરૂરથી પાલન કરીએ. 

નિયમ-સંયમ એ આપણા જીવનનું સુરક્ષા કવચ છે. સંયમનું બળ આપણને વધારે તાકાત પૂરી પાડે છે. કોરોનાની આ મહામારીથી બચવા માટે આપણે નિયમિત હાથ ધોઈએ, માસ્ક પહેરીએ, સોશ્યલ ડીસ્ટન્સ રાખીએ અને જરૂર વિના બહાર ન નીકળીએ. આ થોડા દિવસો જ કદાચ આપણી સામે આવ્યા છે, અને એ પણ જતા રહેશે. આ સમયમાં આપસમાં, દ્યરમાં, પરિવારમાં એક બીજાનો સ્નેહ - પ્રેમ આપણું આત્મબળ વધારવા માટે નિમિત્ત્। બને છે. આથી જ જો કોઈ જાણ્યે અજાણ્યે સંક્રમિત થઈ જાય તો એ બધા પ્રત્યે આપણો ભાવ વિધેયાત્મક રાખીને તે ઝડપથી સ્વસ્થ થઈ જાય તેવી ભગવાનને પ્રાર્થના કરીએ.

 કોરોનાને હરાવવા માટે આપણી રોગ પ્રતિકારક શકિત વધારવા નિયમિત પ્રાણાયામ, કસરત કરીએ સાથો-સાથ આયુર્વેદિક ઔષધિ - ઉકાળાઓનું નિયમિત સેવન કરીએ અને એક સૂત્ર હંમેશા યાદ રાખીએ કે, મારું રાજકોટ - સ્વસ્થ રાજકોટ, મારૃં રાજકોટ - નિરોગી રાજકોટ. કોરોનાનો આ કપરો કાળ પણ પૂરો થશે અને ''હારશે કોરોના, જીતશે રાજકોટ''.

(2:00 pm IST)
  • ખાનગી શાળાઓની ફી માં ઘટાડાનો મામલે કોંગ્રેસનું ગૃહમાંથી વોકઆઉટ, કોંગ્રેસ નેતા પરેશ ધાનાણીએ સરકાર પર લગાવ્યા આરોપ, 'સરકાર રાજકીય રોટલા શેકવા મસ્ત છે અને બીજી બાજુ ગુજરાતના યુવાધનનું ભવિષ્ય અંધકારમાં ધકેલાઈ રહ્યું છે' access_time 4:28 pm IST

  • સુશાંતસિંહ રાજપૂત કેસ : બોલીબુડમાં હળકંપ : સુશાંતસિંહ રાજપૂતની ભૂતપૂર્વ ટેલેન્ટ મેનેજર, જયા સહા, જેમને નાર્કોટિક્સ કંટ્રોલ બ્યુરો દ્વારા બોલીવુડમાં કથિત ડ્રગ્સ નેક્સસ સાથે જોડાણ અંગે પૂછપરછ કરવામાં આવી રહી છે, તેની પૂછતાજમાં વધુ 4 મોટા ગજાના એ-લિસ્ટર હીરોના નામ જણાવ્યા છે તેમ આધારભૂત સૂત્રોમથી જાણવા મળે છે. ટૂંક સમયમાં NCB આ એક્ટરોને પૂછપરજ માટે બોલાવી શકે છે access_time 9:48 am IST

  • ભરૂચ નજીક ફરી એકવાર ટ્રાફિક જામની સ્થિતિ, બીસ્માર હાઇવેને પગલે ૧પ કિલો મીટર લાંબો ટ્રાફિક જામ : ઇમરજન્સી કામ માટે નીકળેલા અનેક વાહન ચાલકો ટ્રાફિક જામમાં અટવાયા, તંત્રના વાંકે સામાન્ય જનતાને અનેક પરેશાની access_time 4:03 pm IST