Gujarati News

Gujarati News

News of Thursday, 24th September 2020

કોરોના વિશેની ગેરમાન્યતાનો ખોટી સાબિત કરતાં ૮૫ વર્ષના અમરીબેન

શરીર અનેક બિમારીઓનું ઘર છતાં સિવિલ અને સમરસની કોવિડમાં સારવારથી થયા સાજા

મોટી ઉંમરના અને ડાયાબિટીસ, રકતચાપ, હ્રદયરોગ વગેરે જેવી બીમારીઓથી પીડિત દર્દીઓને કોરોના ભરખી જાય છે. તેવી ગેરમાન્યતાઓને રાજકોટ સિવિલ હોસ્પિટલ અને સમરસ હોસ્ટેલ ખાતે ઉભી કરાયેલી કોવિડ હોસ્પિટલના તબીબોની સારવારથી સ્વસ્થ બનેલા  ૮૫ વર્ષીય અમરીબેન પરમારે ખોટી સાબિત કરી છે.

સમરસ હોસ્ટેલ ખાતેની કોવિડ હોસ્પિટલમાં ફિઝિશિયન તરીકે સેવારત ડ઼ો. કેતન પટેલ કહે છે કે,  અમરીબેન હ્રદયરોગ, ડાયાબિટીસ, રકતચાપ જેવી ગંભીર બિમારીઓથી પીડિત હતા. આ માટે તેઓ વર્ષોથી દવાઓ પણ લઈ રહ્યા હતા. ઉપરાંત તેમની ઉંમર પણ ૮૫ વર્ષની છે. તેમ છતાં યોગ્ય સારવાર અને અમરીબેનના દ્રઢ મનોબળના લીધે કોરોના વાયરસથી તેઓ મુકત બન્યા છે. જેથી તેમને આજે ડીસ્ચાર્જ કરવામાં આવ્યા છે.

અમરીબેનને શરૂઆતમાં બે દિવસ માટે રાજકોટ સિવિલ હોસ્પિટલમાં સારવાર આપવામાં આવી હતી. ત્યાં તેમની તબીયતમાં સુધારો જણાતા અહિંયા શીફ્ટ કરવામા આવ્યા હતા.

(1:56 pm IST)
  • ખાનગી શાળાઓની ફી માં ઘટાડાનો મામલે કોંગ્રેસનું ગૃહમાંથી વોકઆઉટ, કોંગ્રેસ નેતા પરેશ ધાનાણીએ સરકાર પર લગાવ્યા આરોપ, 'સરકાર રાજકીય રોટલા શેકવા મસ્ત છે અને બીજી બાજુ ગુજરાતના યુવાધનનું ભવિષ્ય અંધકારમાં ધકેલાઈ રહ્યું છે' access_time 4:28 pm IST

  • શેરબજારઃ સેન્સેક્સ અને નિફ્ટીમાં મોટો કડાકો, સેન્સેક્સમાં 1147 પોઇન્ટનો ઘટાડો અને નિફ્ટી 337 પોઇન્ટ તુટી, વૈશ્વિક બજારોમાં નરમાઇની ભારતીય બજારમાં અસર, નિફ્ટી 17 જુલાઇ બાદ 10,800ની નીચે જોવા મળી access_time 4:28 pm IST

  • ઉત્તર પ્રદેશની યોગી સરકારનું ક્રાંતિકારી પગલું : મહિલાઓ ઉપર બળાત્કાર કરનારના ફોટા શહેરોના મુખ્ય રસ્તાઓ ઉપર મુકાશે : તેઓને મદદ કરનારના પણ નામ જાહેર કરાશે : મહિલા પોલીસ અધિકારી લુખ્ખાઓને સબક શીખવી દેશે access_time 1:52 pm IST