Gujarati News

Gujarati News

News of Thursday, 24th September 2020

પૂ. ગુરૂદેવે સુચવેલો ઔષધીય પ્રસાદ અમૃતધારા વિનામૂલ્યે

રાજકોટ તા. ૩: પૂ. રણછોડદાસજી મહારાજે સમાજ-સેવા-આધ્યાત્મિકતા સાથે આયુર્વેદ અંગે પણ અનન્ય પ્રયોગો આપ્યા છે. વર્તમાન કોરોના મહામારીમાં પૂ. ગુરૂદેવ રણછોડદાસજીબાપુએ સૂચવેલો અમૃતધારા પ્રયોગ અકસીર સાબિત થઇ શકે છે.

આ પ્રયોગ માટે કપૂર (રાસ કે ભીમસેની), મેન્થોલ (પીપરમેન્ટ), અજમાના ફૂલ (થાયમોલ) સરખે ભાગે (જરૂર મુજબ ૫૦/૧૦૦/૨૫૦ ગ્રામ) ત્રણે વસ્તુ ભેગી કરવાથી ૨૪ કલાકમાં તે આપોઆપ પ્રવાહી બની જાય છે અને તે અમૃતધારા તરીકે ઓળખાય છે. આ ઔષધ એરટાઇટ બોટલમાં રાખવામાં આવે છે.

કફ-શરદી-વગેરે માટે અમૃતધારા ઉત્તમ છે. અમૃતધારા ઉલટી-ઝાડા-તાવ-શરદી-ખાંસી-માથાનો દુઃખાવો, પેટના રોગ (આફરો, મંદાગ્નિ, એસીડીટી) તથા દાંતના રોગો પાયોરીયા, મોઢામાં પરૂ, હલતા-દુઃખતા દાંત, મોંની દુર્ગંધ, વાયુ-સાંધાના દુખાવા, રકત વિકાર, કફ, દમ, કાનનો દુખાવો, પરૂ નીકળવા, જંતુના ડંખ વગેરેમાં અમૃતધારા ઉપયોગી છે.

જો કે ગુરૂદેવે જણાવેલ કે દુધ પીવડાવતી માતાને અમૃતધારા ન આપવું. કારણ કે કપુર 'દુધ'ને સુકવી નાખે છે. શ્રી ધીરૂભાઈ હરિયાણી કહે છે કે અમૃતધારાની કોઈ આડઅસર નથી. મધુભાઇ કહે છે કોરોના લક્ષણો તાવ, શરદી, ગળાની બળતરા, કફ વિ. સમસ્યામાં અમૃતધારા અસરકારક છે, દુર કરનાર છે. 

અમૃતધારા ઔષધ વાપરવાની રીત

* જરૂર પડે તો સીધો ઉપયોગ કરો.

* પાણી-સાકર-મધ-પતાસા વગેરેસાથે અમૃતધારાના એક-બે ટીપા લઇ શકાય.

* હોમિયોપેથીની નાની ગોળીમાં અમૃતધારાના ૧-૨ ટીપા ભેળવીને લઇ શકાય.

અમૃતધારા દિવ્ય ઔષધિનું વિનામુલ્યે વિતરણ

સવારે ૧૧-૩૦ થી ૧૨-૩૦ દરમિયાન  (૧) મધુભાઇ અનડકટની ઓફીસ સેવન સ્ટાર, જાગનાથ મંદિરની બાજુમાં, યાજ્ઞિક રોડ, રાજકોટ (૨) શ્રી સદ્દગુરૂ આશ્રમ - સદ્દગુરૂ સેવા સદન ટ્રસ્ટ, કુવાડવા રોડ - સદ્દગુરૂ રોડ, રાજકોટ. મો. ૯૫૮૬૩ ૦૮૧૭૮ (૩) શ્રી રામ હાર્ડવેર મોલ - કુવાડવા રોડ, રાજ મંદિર કોમ્પલેક્ષ, શ્રી રામ પાર્ક, કુવાડવા રોડ, રાજકોટ - (મો. ૭૫૬૭૪ ૯૩૧૦૦) ખાતેથી થાય છે. આ અંગે વધારે માહિતી માટે મધુભાઇ (મો. ૯૪ર૮૦ ૩૪૦૬૯), રણજિતભાઇ ડોડિયા (૯૪ર૭૭ રપ૮૮૩) નો સંપર્ક થઇ શકે છે.

(11:41 am IST)
  • શેરબજારઃ સેન્સેક્સ અને નિફ્ટીમાં મોટો કડાકો, સેન્સેક્સમાં 1147 પોઇન્ટનો ઘટાડો અને નિફ્ટી 337 પોઇન્ટ તુટી, વૈશ્વિક બજારોમાં નરમાઇની ભારતીય બજારમાં અસર, નિફ્ટી 17 જુલાઇ બાદ 10,800ની નીચે જોવા મળી access_time 4:28 pm IST

  • આજથી 3 દિવસ માટે પંજાબ બંધ : કૃષિ બિલના વિરોધમાં 24 થી 26 સપ્ટેમ્બર દરમિયાન બંધનું એલાન : રેલ રોકો આંદોલનને કારણે અનેક રૂટની ટ્રેનો બંધ રહેશે : અમુક ટ્રેનોના સમય બદલાશે : વાહન વ્યવહાર ઉપર અસર થશે : આંદોલનકારીઓ પ્રત્યે નરમ વલણ અપનાવવા પોલીસ ડિપાર્ટમેન્ટને રાજ્ય સરકારની સૂચના : શાંતિપૂર્ણ આંદોલન કરવા અનુરોધ access_time 11:53 am IST

  • રાજકોટ ભૂપેન્દ્ર રોડ સ્વામીનારાયણ મંદિરના સંત બોસ સ્વામી અક્ષર નિવાસી થયાઃ કોરોનાની સારવાર ચાલુ હતી : ભુપેન્દ્ર રોડ સ્વામીનારાયણ મંદિરના વધુ ત્રણથી ચાર સંતો અને પાર્ષદોને કોરોનાઃ હોસ્પિટલમાં સારવાર હેઠળઃ નિજ મંદિર તા.૧ ઓકટોબર સુધી બંધ access_time 1:40 pm IST