Gujarati News

Gujarati News

News of Thursday, 24th September 2020

કારમાં ૬૩ બોટલ દારૂ સાથે અમરેલી કેરાળાનો હાર્દિક અને રાજકોટનો મહેન્દ્રસિંહ પકડાયા

માલવીયાનગર પોલીસે નેહરૂનગર પ્રાઇવેટમાંથી દબોચ્યાઃ કુલ ૧,૭૫,૨૦૦નો મુદ્દામાલ કબ્જે

રાજકોટ તા. ૨૪: નાના મવા રોડ નહેરૂનગર પ્રાઇવેટ સોસાયટી શેરી નં. ૪માં રેનોલ્ટ કાર નં. જીજે૦૩એચઆર-૯૧૧૧માં રૂ. ૨૫૨૦૦નો ૬૩ બોટલ દારૂ રાખી નીકળતાં અમરેલીના કેરાળા વિરડીયા ગામના હાર્દિક કિશોરભાઇ બગડા (ઉ.૨૧) તથા નહેરૂનગરના મહેન્દ્રસિંહ દોલતસિંહ ચોૈહાણ (ઉ.વ.૩૯)ને માલવીયાનગર પોલીસે પકડી લઇ દારૂ, કાર મળી રૂ. ૧,૭૫,૨૦૦નો મુદ્દામાલ કબ્જે કર્યો હતો.

પોલીસ કમિશનર શ્રી મનોજ અગ્રવાલ, જેસીપી ખુરશીદ અહેમદ, ડીસીપી મનોહરસિંહ જાડેજા, એસીપી જે. એસ. ગેડમની રાહબરીમાં માલવીયાનગરના પીઆઇ કે. એન. ભુકણ, પીએસઆઇ વી. કે. ઝાલા, હેડકોન્સ. મશરીભાઇ, યુવરાજસિંહ, ભાવીનભાઇ ગઢવી, દિગ્પાલસિંહ, મહેશભાઇ, રોહિતભાઇ સહિતના પેટ્રોલીંગમાં હતાં ત્યારે ભાવેશભાઇ ગઢવી અને હરપાલસિંહ જાડેજાની બાતમી પરથી આ શખ્સો પકડાયા હતાં.

(11:40 am IST)
  • દેશમાં કોરોનાનો કહેર : રાત્રે 12 વાગ્યા સુધીમાં નવા 84,269 પોઝીટીવ કેસ નોંધાયા : કુલ કેસની સંખ્યા 57,27,750 થઇ: હાલમાં 9,68,690 એક્ટિવ કેસ : વધુ 82,686 દર્દીઓ સ્વસ્થ થતા કુલ 46,67,078 લોકોએ કોરોનાને મ્હાત આપી : વધુ 1113 લોકોના મોત સાથે મૃત્યુઆંક 91,163 થયો access_time 1:03 am IST

  • નેપાળમાં ૪૮ કલાકથી ભારે વરસાદ ચાલુ: જાનહાનિ અને ખાના-ખરાબી: નેપાળમાં મંગળવારથી સતત મધ્યમથી ભારે વરસાદ પડી રહ્યો છે. શીલાઓ ગબડતા, ભૂમિ ધસી પડતા ૧૨ના મોત થયા છે અને ૯ લાપતા છે access_time 12:21 am IST

  • બિહાર ચૂંટણી : સરકારી નોકરીમાં સવર્ણ ગરીબોને નવી ભેટ આપવાની તૈયારીમાં બિહાર સરકાર : 10 ટકા અનામતના કેન્દ્ર સરકારના નિર્ણયની સાથોસાથ ઉંમરની મર્યાદામાં પણ વધારો કરવાના સંકેત access_time 1:41 pm IST