Gujarati News

રાજકોટ, તા. ૨૪ :. શહેરના સાધુ વાસવાણી રોડ વિસ્તારમાં રાંધણ ગેસની પાઈપ લાઈનનો વાલ્વ તુટતા આ વિસ્તારના ૪૦૦ મકાનોમાં આજે સવારે ૧૧ - ૨ વાગ્યા સુધીમાં ગેસના ચુલા બંધ રહેતા  ગૃહિણીઓમાં દેકારો બોલી ગયો હતો.

આ અંગે સતાવાર પ્રાપ્ત વિગતો મુજબ આજે સવારે ૧૧ વાગ્યા આસપાસ વોર્ડ નં. ૯માં સાધુ વાસવાણી રોડ, ગોપાલ ચોક, અક્ષર સ્કુલ સામે આવેલ ગેસ પાઇપ લાઇનના વાલ્વ ઉપરથી આ વિસ્તારમાં કોર્પોરેશનના કોમ્યુનીટી હોલનું બાંધકામ કરતા કોન્ટ્રાકટરનું લોખંડના સળીયા ભરેલુ ડમ્પર પસાર થતા વાલ્વ તુટી ગયો હતો.

આથી ગેસ લીકેજ થતા તુરત જ ગેસ કંપનીએ સમારકામ શરૂ કરાવેલ. જો કે આમ છતાં બેના ત્રણ કલાક સુધી ગેસ લાઇન બંધ રહેતા બપોરનું ભોજન બનાવવામાં ૪૦૦ મકાનોની ગૃહીણીઓને ભારે મુશ્કેલી પડી હતી.