Gujarati News

Gujarati News

News of Monday, 24th June 2019

ચેક રિટર્ન કેસમાં ઉતમ બિલ્ડર્સના ભાગીદારોને વચગાળાનું એક લાખનું વળતર ચુકવવા હુકમ

રાજકોટ, તા., ૨૪: રાજકોટ જિલ્લાના વાંકાનેર મુકામે રહેતા ફરીયાદી શ્રીમતી કિશોરીબેન કમલેશભાઇ પાટડીયાએ રાજકોટના ઉતમ બિલ્ડર્સના નામથી ચાલતી ભાગીદારી પેઢીના નવ ભાગીદારો પાસેથી કાલાવડ તાલુકાના શીશાંગ ગામે કલાસીકા રેસીડેન્સીનાનામથી ઓળખાતા પ્લોટસ પૈકી હોલીડે સીટીના નામથી બિલ્ડીંગમાં ફલેટ ખરીદ કરવા નક્કી કરી સુથી તથા અવેજની રકમ ચુકવી રજીસ્ટર્ડ સાટાખત કરેલ. જે સાટાખતમાં દર્શાવેલ સમય મર્યાદામાં બિલ્ડીંગનું બાંધકામ પુર્ણ ન કરી દસ્તાવેજ ન કરી આપી ખરીદનાર (ફરીયાદી)એ બિલ્ડરને ચુકવી આપેલ સુથી તથા અવેજની રકમ રૂ). પ,૭૬,૦૦૦નો ચેક આપી તે ચેક રીટર્ન થતા ફરીયાદીએ તહોમતદારો વિરૂધ્ધ રાજકોટની અદાલતમાં ફરીયાદ દાખલ કરેલ.

આ ફરીયાદ અન્વયે ફરીયાદીએ નેગોશીએબલના કાયદામાં થયેેલ સુધારા અન્વયે આરોપીઓને ર૦ ટકા રકમ વળતર પેટે ફરીયાદીને ચુકવવા અરજી કરેલ. જે અરજી રાજકોટના એડી. ચીફ જયુડી મેજી.એ અંશતઃ મંજુર કરી રકમ રૂ. ૧,૦૦,૦૦૦ તહોમતદારોએ ફરીયાદીને વળતર પેટે ચુકવવા હુકમ ફરમાવેલ છે.

નેગોશીએબલના કાયદામાં થયેલ સુધારા મુજબ કોર્ટને વિવેકાધીન સતાનો ઉપયોગ કરવો ન્યાયાચીત માની આરોપીઓમાં ઉતમ બિલ્ડર્સના ભાગીદારોને ફરીયાદીન વચગાળાની રાહત તરીકે રકમ રૂ. ૧,૦૦,૦૦૦, ૬૦ દિવસમાં ચુકવી આપવા હુકમ ફરમાવેલ અને જો ૬૦  દિવસમાં આ રકમ ન ચુકવે તો આરોપીઓ વિરૂધ્ધ સી.આર.પી.સી. કલમ ૪ર૧ મુજબ કાર્યવાહી કરવાનો હુકમ રાજકોટ એડી. ચીફ જયુડી. મેજી. શ્રી જી.ડી.પડીયાએ ફરમાવેલ છે.

ઉપરોકત કામમાં ફરીયાદી કિશોરીબેન કમલેશભાઇ પાટડીયા વતી રાજકોટના એડવોકેટસ જય પારડી, સહદેવ દુધાગરા, કૈલાશ જાની, હિરેન ડોબરીયા, જિગ્નશભાઇ પંડયા રોકાયેલ છે.

(4:02 pm IST)
  • મુલાયમસિંહની ફરીવાર તબિયત લથડી : મેદાંતા હોસ્પિટલમાં દાખલ access_time 1:04 am IST

  • મનોજ તિવારીને ધમકી આપનાર શખ્શની ધરપકડ :આરોપીએ પ્રખ્યાત થવા ધમકી આપ્યાનું રતન :દિલ્હી ભાજપના પ્રમુખ ને ઉત્તર-પૂર્વ દિલ્હીના સાંસદ મનોજ તિવારીને જાનથી મારી નાખવાની ધમકી આપવાના આરોપસર વિશ્વજીત નામના શખ્શને ઝડપી લેવાયો access_time 12:50 am IST

  • ઇન્ડિગોની ફ્લાઈટમાં મુસાફરે પ્લેનનો દરવાજો ખોલવા કર્યો પ્રયાસ :ઇમર્જન્સી લેન્ડિંગ બાદ પોલીસને સોંપ્યો :પોલીસ અધિકારી મુજબ યાત્રી ચાલુ વિમાને દરવાજો ખોલવાનો પ્રયાસ કરતો હતો :યાત્રીને ઉતારી મુક્યા બાદ ભુવનેશ્વરની કેપિટલ હોસ્પિટલે લઇ જવાયો ; હૈદરાબાદથી ગુવાહાટી જતી ફ્લાઈટમાં બન્યો બનાવ. access_time 12:49 am IST