Gujarati News

Gujarati News

News of Monday, 24th June 2019

નવરંગપરામાં ધરાર સંબંધ રાખવા માટે મહિલાને મારી નાખવાની મીલન પટેલની ધમકી

પતિને ધંધો અને ભાઇને મગજની તકલીફ માટે જોવડાવવા બાપુ પાસે ગયાને તેનો ભત્રીજો મીલન પાછળ પડયો

રાજકોટ તા. ર૪: શહેરના લક્ષ્મીનગર વિસ્તારમાં રહેતી મહિલા પોતાના પતિનો ધંધો અને ભાઇની મગજની તકલીફ માટે બાપુ પાસે જોવડાવવા ગયા બાદ બાપુનો ભત્રીજો પરાણે સંબંધ રાખવા માટે દબાણ કરી ધમકી આપતા ફરિયાદ થઇ છે.

મળતી વિગત મુજબ લક્ષ્મીનગર વિસ્તારમાં રહેતી મહિલાએ માલવીયાનગર પોલીસ મથકમાં નોંધાવેલી ફરિયાદમાં કોઠારિયા રોડ રાજલક્ષ્મી સોસાયટીમાં રહેતો મીલન ધીરૂભાઇ ટીલાળાનું નામ આપ્યું છે. મહિલાએ ફરિયાદમાં જણાવ્યું છે કે, પોતે પરિવાર સાથે રહે છે. દોઢ વર્ષ પહેલા પોતે મવડી ચોકડી પાસે એક બાપુ પોતાના ઘરે જોવાનું કામ કરતા હોય અને તેઓને પીરાણુ આવતા હોય, જેથી જોવાનું કામ કરતા હોઇ તેથી પોતાના પતિ રિક્ષા ચલાવતા હોય તેનો ધંધો બરાબર ચાલતો ન હતો અને પોતાના ભાઇને મગજની તકલીફ હોઇ, જેથી પોતે જોવડાવવા માટે આ બાપુ પાસે ગયા હતા અને ત્યાં બાપુનો ભત્રીજો મીલન પટેલ સાથે ઓળખાણ થઇ હતી. બાદ પોતે આ બાપુ પાસે બે-ત્રણ વખત ગયેલ હતા બાદ આ મીલન પટેલ જેનું આખું નામ મીલન ધીરૂભાઇ ટીલાળા (રહે. રાજલક્ષ્મી સોસાયટી કોઠારિયા રોડ) સાથે ઘર જેવા સંબંધ થતા આ મિલન સાથે પ્રથમ સાડી કાપડનો છૂટક ધંધો શરૂ કરેલ અને અલગ-અલગ જગ્યાએ આ સાડી છૂટકમાં મીલન સાથે વેંચવા માટે જતા હતા બાદ કોઠારિયા રોડ પર ભાડાની દુકાન રાખી સાડી ચણીયા ચોળી તથા ડ્રેસ વગેરેનો વેપાર મીલન સાથે શરૂ કર્યો હતો. થોડા સમય બાદ મિલન પટેલની પોતાના પર નજર ખરાબ હોઇ તેવું જણાતા તેની સાથે ધંધાકીય સંબંધ પૂરો કરી દીધો હતો. તેમ છતાં આ મીલન પોતાની પાસે આવી 'તું મારી સાથે સંબંધ નહિં રાખ તો હું તારા પતિ અને તારા ભાઇને જાનથી મારી નાખીશ' તેવી રૂબરૂ અને ફોન પર ધમકી આપતો હતો. આ ત્રાસથી કંટાળી પોતે મોબાઇલ નંબર બંધ કરાવી નાખ્યો હતો. બાદ મીલન પટલેલ તેના મોબાઇલમાંથી પોતાના પતિ ભાઇ તથા જેઠને ગાળો આપી ધમકી આપતો હોઇ, તેથી તેના આ ત્રાસથી કંટાળી જઇ પોતે માલવીયાનગર પોલીસ મથકમાં ફરિયાદ નોંધાવતા એએસઆઇ કે. કે. માઢેક તપાસ હાથ ધરી છે.

(3:52 pm IST)
  • જૂનાગઢ મહાનગર પાલિકાની 21મી જુલાઈએ ચૂંટણી :23મી જુલાઈએ મતગણતરી :ગાંધીનગર મનપાના વોર્ડ,ન,3ની પેટાચૂંટણી અને જિલ્લા-તાલુકા પંચાયતની ખાલી પડેલી બેઠકો માટે પણ 21મી જુલાઈએ થશે મતદાન: 6ઠ્ઠી જુલાઈથી ઉમેદવારીપત્ર રજૂ કરી શકાશે :9મીએ ઉમેદવારીપત્ર પરત ખેંચવાની અંતિમ તારીખ access_time 7:03 pm IST

  • ઐતિહાસિક મંદિરમાં તસ્કરો ત્રાટક્યા :ચંબલમાં 50 વર્ષ જૂની બે ડઝન મૂર્તિઓની ચોરી :ચંબલ ઘાટીમાં વસેલા ફુપના જૈન મંદિરમાંથી 22 મૂર્તિઓની ચોરી થતા સનસનાટી :તમામ મૂર્તિઓ ઐતિહાસિક અને અને અંદાજે 50 વર્ષ જૂની ગણાવાઈ છે :ચોરાયેલ તમામ મૂર્તિઓ કિંમતી અને અષ્ટધાતુની હતી access_time 10:54 pm IST

  • જામનગરના લાખોટા તળાવની પાળ પાસેથી જિયા નામની 4 વર્ષની બાળકીને કોઈ અજાણી સ્ત્રી ઉપાડી ગયાની પ્રાથમિક આશંકા:લાખોટા તળાવના ગેટ નંબર 4 પરથી ઉપાડી ગઈ છે જે કોઈને જાણ થાય તેને આ નંબર 9377777897 પર સંપર્ક કરવા .અથવા જામનગર સિટી એ ડિવિઝન કંટ્રોલ રુમ 0288-2550200 માં જ‍ાણ કરવા જણાવ્યું access_time 2:56 pm IST