Gujarati News

Gujarati News

News of Friday, 24th May 2019

રેસકોર્ષના મેદાનમાં આજથી ત્રિદિવસીય ફૂડ ફેસ્ટીવલનો પ્રારંભ

રાજકોટ, તા. ૨૪ : અહિંના રેસકોર્ષ ગ્રાઉન્ડ ખાતે આજથી સૌપ્રથમવાર સૌરાષ્ટ્રનું સૌપ્રથમ ફૂડ ફેસ્ટીવલ 'અર્બન ફૂડ ફેસ્ટ' યોજાઈ રહ્યું છે. તા.૨૪થી ૨૬ (શુક્રથી રવિ) શહેરની સ્વાદપ્રિય જનતાને કંઈક નવું અને ટેસ્ટી ભેટ આપવાના નિર્ધાર સાથે વૈવિધ્યસભર વાનગીઓના રસથાળ લઈને અર્બન ફૂડ ફેસ્ટનું આયોજન કરવામાં આવી રહ્યું છે. જેમાં ૪૦થી વધારે અવનવી ફૂડ વેરાયટીના સ્ટોલ રાજકોટને જલ્સો કરાવી દેશે. લાઈવ ફૂડ ઉપરાંત ફૂડ પ્રોડકટ, પેકડ ફૂડ્સ, એફએમસીજી, હોટેલ, રેસ્ટોરન્ટ સહિતની કેટેગરીના સ્ટોલ તેમજ ડિલીવરી પાર્ટનર તરીકે 'સ્વીગી' ફૂડ ફેસ્ટનું આકર્ષણનું કેન્દ્ર બની રહેશે.

આ 'અર્બન ફૂડ ફેસ્ટ'માં ૨૦૦થી પણ વધારે લાઈવ ડીશીસ જેવી કે ચિલ્લા સેન્ડવીચ, બારબેકયુ, પાસ્તા, બિરીયાની, ફેન્સી ચાટ, પોટેટો ટિવસ્ટર, વેફલસ, સેન્ડવીચ, સિઝલર્સ, આઈસ્ક્રીમ સેન્ડવીચ, ફલેવર્ડ મેગી, છોલે ભટુરે, થીક શેઈકસ, ચોકોપુરી વીથ રબડી, ચાઈનીઝ આઈટમ્સ, પકવાન પીઝા, ફૂડ કેન્ડી, કોઠી આઈસ્ક્રીમ, પાણીપુરી, ગુલાબજાંબુ વિવિધ અને નવી ફાસ્ટ ફૂડ આઈટમ્સ વગેરે રજૂ કરાશે. આ ઉપરાંત રાજકોટીયનોને જલ્સો કરાવે તેવા ડેઝર્ટ અને બેવરેજીસ જેવી વાનગીઓ પણ રજૂ થશે.

આ ફૂડ ફેસ્ટીવલની સાથે સાથે લાઈફ સ્ટાઈલ પ્રોડકટના સ્ટોલ અને ૧૫થી વધારે કિડસ વર્કશોપ, લાઈવ મેજીક, હાઉઝી કોમ્પીટીશન, સેલ્ફી ઝોન તેમજ અન્ય એકિટવીટી પણ આકર્ષણનું કેન્દ્ર બની રહેશે. ખ્યાતનામ મેજીશીયન ધ્રુવને લઈને માણી શકાશે.

આ ફૂડ ફેસ્ટીવલનો સમય બપોરે ૪ વાગ્યાથી રાત્રે ૨ વાગ્યા સુધીનો રહેશે. આ એકિઝબિશનની વધુ વિગતો માટે રોનક પટેલ મો. ૭૨૨૬૦ ૯૦૯૦૯ અને સંદિપ વાડોદરીયા મો.૯૦૩૩૩ ૯૯૯૮૨નો સંપર્ક કરવા યાદીમાં જણાવાયું છે.

(11:48 am IST)
  • દિલ્હીમાં સૂપડાસાફ થતા આપના સંયોજકપદેથી અરવિંદ રાજીનામુ આપ્યાના અહેવાલ :દિલ્લીમાં પણ ભાજપે કોંગ્રેસના સૂપડા સાફ કર્યા:આમ આદમી પાર્ટીનો પણ સજ્જડ પરાજય : હારના પગલે દિલ્લીના સીએમ અરવિંદ કેજરીવાલે પાર્ટીના રાષ્ટ્રીય સંયોજક પદેથી રાજીનામુ આપ્યુ હોવાના અહેવાલ access_time 2:16 pm IST

  • રાજધાની ટ્રેનને વધુ ગતિથી દોડાવાશે : મુંબઇ અને દિલ્હી વચ્ચે દોડતી રાજધાની એક્સપ્રેસ ટ્રેનની મુસાફરીમાં હવે એક કલાક જેટલો સમય પ્રવાસીઓનો બચશ : નવેમ્બરમાં લેવાયેલા ટ્રાયલને રેલવે બોર્ડ દ્વારા લીલી ઝંડી આપી : હવે રાજધાની ટ્રેનને વધુ ગતિથી દોડાવવામાં આવશે access_time 2:08 pm IST

  • ઈન્ડિયન કાઉન્સિલ ઓફ મેડિકલ રિસર્ચ દ્વારા જૂનિયર ફેલોશિપ માટે વેકેન્સી જાહેર : જેના માટે 27મી મે સુધી અરજી કરી શકાશે. : જે વિદ્યાર્થીઓએ એમએસસી અને એમએમાં 55 ટકાથી વધારે ટકા મેળવ્યા હોય તેવાં વિદ્યાર્થીઓ જ ફેલોશિપમા માટે અરજી કરી શકશે access_time 2:10 pm IST