Gujarati News

Gujarati News

News of Wednesday, 24th April 2019

મવડી ધરમનગરના જીજ્ઞેશ જાદવ પર મોબાઇલ ચોરીનું આળ મુકી ધોકા-પાઇપથી ધોલધપાટ

પાછલી શેરીમાં રહેતાં કિશોરસિંહ, વિક્રમ સહિતે માર માર્યાનું કથન

રાજકોટ તા. ૨૪: મવડી પ્લોટ ધરમનગરમાં બાલાજી હોલ પાછળ રહેતાં અને પાણીના પ્લાન્ટમાં નોકરી કરતાં જીજ્ઞેશ મુકેશભાઇ જાદવ (ઉ.૧૯) નામના વણકર યુવાનને તેના ઘર પાછળની શેરીમાં જ રહેતાં કિશોરસિંહ ગોહિલ અને સાથેના વિક્રમસિંહ તથા અજાણ્યાએ ધોકા-પાઇપથી માર મારતાં સિવિલ હોસ્પિટલમાં દાખલ કરવામાં આવ્યો છે.

આ અંગે હોસ્પિટલ ચોકીના મહેન્દ્રભાઇ પરમાર અને દિપસિંહ ચોૈહાણે તાલુકા પોલીસમાં જાણ કરી હતી. જીજ્ઞેશના ભાઇના જણાવ્યા મુજબ જીજ્ઞેશ શેરીમાંથી સ્પીડથી વાહન હંકારતો હોઇ તે બાબતે કિશોરસિંહને વાંધો હતો. આ બાબતનું મનદુઃખ રાખી તેણે આજે જીજ્ઞેશ પર ઘરમાંથી મોબાઇલ ફોન અને રોકડ રકમ ચોરી ગયાનું આળ મુકી ઝઘડો કરતાં જીજ્ઞેશે જો પોતે ચોરી કરી હોય તો સીસીટીવી કેમેરા ચેક કરીને બતાવો તેમ કહેતાં કિશોરસિંહ સહિતનાએ ઉશ્કેરાઇ જઇ ધોકા-પાઇપથી માર માર્યો હતો.

(3:54 pm IST)
  • ક્રિકેટરમાંથી રાજકારણીઃ ગઇ કાલે ભૂતપૂર્વ ક્રિકેટર ગૌતમ ગંભીરે ઇસ્ટ દિલ્હીમાંથી બીજેપીના ઉમેદવાર તરીકે નોમિનેશન ભરતાં પહેલાં શાનદાર રોડ-શો કર્યો હતો. access_time 11:22 am IST

  • પ.બં.ના મુખ્યમંત્રી મમતા બેનર્જી ઉપર બનાવેલ ફિલ્મ ભગીનીનું ટ્રેઇલર બતાવવા સામે ચુંટણીપંચે પ્રતિબંધ લાદયા access_time 3:42 pm IST

  • કોંગ્રેસ સત્તામાં હોય છે ત્યારે આતંકવાદીઓ અને માઓવાદીઓનો આત્મવિશ્વાસ વધે છે :વડાપ્રધાન મોદીએ કોંગ્રેસ પર આકારા પ્રહાર કરતા લોહરદગામાં ચૂંટણી સભાને સંબોધતા કહ્યું કે કોંગ્રેસ પાર્ટી માત્ર એક પરિવાર માટે વિચારે છે અને તેના માટે જ સમર્પિત છે :અન્ય તેના માટે માત્ર વોટબેન્ક છે access_time 1:08 am IST