Gujarati News

Gujarati News

News of Wednesday, 24th April 2019

અંબિકા પાર્કમાં ઉત્સાહભેર મતદાનની પરંપરા જળવાઈઃ સવારે ચા- નાસ્તા સાથે સામૂહિક મતદાન

રાજકોટ,તા.૨૪: શહેરના રૈયા રોડ સ્થિત અંબિકા પાર્ક ખાતે વર્ષોથી ઉત્સાહભેર સવારના સમયે મતદાનની પરંપરા જળવાઈ રહી છે. અંબિકા પાર્કના મતદારો દરેક ચૂંટણીમાં સવારે ચા- નાસ્તો કરી પવિત્ર ફરજ પૂર્ણ કરે છે.

ગઈકાલે લોકસભાની ચૂંટણીના મતદાનમાં પણ અંબિકા પાર્ક બુથનું ૭૪ ટકા જેટલું મતદાન થયું છે. આ બુથમાં અંબિકા પાર્ક સાથે ઈન્દ્રપ્રસ્થ, મંગલ પાર્ક તથા અન્ય વિસ્તારોનો સમાવશે થાય છે. સમગ્ર વોર્ડ નં.૮માં મતદાનમાં ચોથો નંબર પણ મેળવેલ.

મતદાનની પવિત્ર ફરજ અંબિકા પાર્કના રહેવાસીઓ નિભાવે તે માટે સોસાયટીના પ્રમુખશ્રી નરેન્દ્રસિંહ ઝાલા, ઉપપ્રમુખશ્રી રમેશભાઈ વિરમગામા, સેક્રેટરીશ્રી પ્રતાપભાઈ વોરા, સહ સેક્રેટરીશ્રી ધામેલીયાભાઈ તથા ખજાનચીશ્રી યશવંતભાઈ ભટ્ટની રાહબરી હેઠળ સુભાષભાઈ વિરમગામા, ઘેટીયાભાઈ, દિનેશભાઈ ધમસાણીયા, ડાયાભાઈ, છગન બાપા, પટેલભાઈ, ટીનાભાઈ, કિશોરભાઈ કક્કડ, જયેશભાઈ પટેલ, નિલેશભાઈ પોપટ, લલીતભાઈ મહેતા, જેન્તીભાઈ પટેલ, હરેન્દ્રભાઈ વિઠ્ઠલાણી, ભૂપતસિંહ તુવરા તથા આત્મીય યુવા ગ્રુપે જહેમત ઉઠાવી હતી.

(3:45 pm IST)
  • વડાપ્રધાન મોદી સાથે આવતીકાલે સવારે ૯ વાગ્યે અક્ષયકુમાર કરશે કઈક નોખી અનોખી મુલાકાત : અત્યારે ચુંટણીના માહોલમાં જ્યારે આખો દેશ રાજનીતિની વાતો કરી રહ્યો છે ત્યારે અક્ષયકુમાર આ મુલાકાત દરમ્યાન પ્રધાનમંત્રી મોદી સાથે સંપૂર્ણપણે બિન રાજકીય અને કઈક જુદીજ અંતરંગ વાતો કરશે : આ સમગ્ર મુલાકાતનું ટેલીકાસ્ટ ANI સમાચાર સંસ્થાના સોશ્યલ મીડિયા હેન્ડલ્સ પર પ્રદર્શિત કરવામાં આવશે access_time 10:34 pm IST

  • CJI ગોગોઈ જાતીય સતામણી કેસ : સુપ્રીમ કોર્ટના ચીફ જસ્ટિસ શ્રી રંજન ગોગોઈ પર લગાવાયેલા જાતીય સતામણીના કેસ બાબતે ઇન-હાઉસ ઇન્ક્વાયરી પેનલની રચના કરવામાં આવી : શ્રી ગોગોઈ પછી નવા ચીફ જસ્ટિસ બનનાર શ્રી બોબળેની અધ્યક્ષતામાં રચાઈ આ પેનલ : આ પેનલના બીજા બે સભ્યો તરીકે જસ્ટિસ એન.વી. રામના અને શ્રી ઇન્દિરા બેનર્જીની પણ નિમણુંક કરાઈ : CJI ગોગોઈએ આ સમગ્ર મામલનો નિર્ણય આ નવી રચાયેલ પેનલ પર મૂકી દીધો હોવાનું જાણવા મળે છે. access_time 12:26 am IST

  • મોદી વિરોધી મતોનું રાહુલ ગાંધી વિભાજન કરે છે: કેજરીવાલ: કેજરીવાલે પણ કહયું કે દિલ્હીમાં આપ-કોંગી રહયો નથીઃ રાહુલ ગાંધી ગઠબંધન ઇચ્છતા નથી access_time 4:00 pm IST