Gujarati News

Gujarati News

News of Wednesday, 24th April 2019

લાંબા સમય બાદ યશરાજ અને દિવ્યરાજે મમ્મીના હાથની રસોઇ આરોગીને 'ઓડકાર'ખાધા

. ગુજરાત કોંગ્રેસ મહિલા કોંગ્રેસ પ્રમુખ શ્રીમતી ગાયત્રીબા અશોકસિંહ વાઘેલાએ અગાઉ મ્યુનિસિપલ કોર્પોરેશનમાં વિરોધ પક્ષના નેતા તરીકે ખુબ જ સક્રિય કામગીરી કરી છે. હવે તેમને મોટી જવાબદારી મોવડી મંડળે સોંપી હોઇ તે બજાવવામાં તેઓ જરાપણ પાછળ રહ્યા નથી. ચૂંટણીની તારીખો જાહેર થતાં જ તેમણે ગૃહિણી તરીકેની ફરજ અદા કરવા સાથે કોંગ્રેસ પક્ષ માટે વધુમાં વધુ સમય ફાળવી રાજકોટના કોંગ્રેસના ઉમેદવારને વિજયી બનાવવાની કામગીરીમાં સતત સક્રિયતા દાખવી હતી. આ માટે તેઓ ઘણા દિવસોથી ઘરમાં જાતે રસોઇ બનાવી સંતાનો અને પતિદેવને જમાડી શકતા પણ નહોતાં. આજે ચૂંટણીના કામમાંથી ફ્રી થઇ જતાં તેમણે જાતે રસોઇ બનાવી હતી. ઘણા દિવસો પછી પુત્રો યશરાજ અને દિવ્યરાજે મમ્મીના હાથના ભાવતા ભોજનીયા ભરપેટ આરોગી ઓડકાર ખાધા હતાં. ગાયત્રીબા સાથે વોર્ડ નં. ૩ના ૨૨ બુથના ઇન્ચાર્જ તરીકે સફળતા પૂર્વક કામગીરી બજાવતાં-બજાવતાં અશોકસિંહ વાઘેલાએ ચૂંટણી દરમિયાન કયારેક રોડ ઉપર તો કયારેક વિસ્તારના આગેવાનોના ઘરે ઉતાવળે પેટપૂજા કરી હતી. પરંતુ આજે એક સફળ મહિલા અગ્રણી ઉપરાંત ગૃહિણી તરીકે પોતાની જવાબદારી સુપેરે પોતાની જવાબદારી નિભાવતાં ગાયત્રીબાના હાથના ભાવતા ભોજનીયા જમી હાશકારો અનુભવ્યો હતો. (ફોટોઃ અશોક બગથરીયા)

(3:41 pm IST)
  • પ.બં.ના મુખ્યમંત્રી મમતા બેનર્જી ઉપર બનાવેલ ફિલ્મ ભગીનીનું ટ્રેઇલર બતાવવા સામે ચુંટણીપંચે પ્રતિબંધ લાદયા access_time 3:42 pm IST

  • મોદી બાયોપીકમાં વિપક્ષોને ખુબ નબળા ચિતરવામાં આવ્યા: ચુંટણીપંચે ૧૯મે સુધી આ ફિલ્મ ઉપર પ્રતિબંધની માંગણી કરી :ચુંટણીપંચે સુપ્રિમકોર્ટમાં રીપોર્ટ આવ્યો છે કે છેલ્લા તબકકાના મતદાન એટલે કે ૧૯ મેં સુધી મોદી બાયોપીક ઉપર પ્રતિબંધ ઇચ્છે છે, આ ફિલ્મ એક નેતાની જીવન કથની છેઃ આ ફિલ્મમાં રાજકીય પ્રતિનિધિઓનો પ્રશસ્તિ કરવામાં આવી છે. ચુંટણી પંચના રીપોર્ટમાં જણાવાયું છે કે બાયોપીકમાં વિરોધ પક્ષોને ખુબ જ નબળા ચિતરવામાં આવ્યા છે અને તેમની સામેના વ્યકિત ઉપર વધુ ઢળતા દેખા ડાયા છે access_time 3:59 pm IST

  • આલેલે!!! : ટ્રમ્પના ફોલોઅર ઘટી ગયા!! : શ્રી નરેન્દ્રભાઈ મોદીનો ફોલોઅર સોશ્યલ મીડિયાના દરેક પ્લેટફોર્મ ઉપર રોકેટ ગતિએ વધી રહ્યા છે ત્યારે શ્રી ડોનાલ્ડ ટ્રમ્પના ટ્વીટર ઉપર ફોલોઅર ઘટી જતા ચિંતિત બનેલા ટ્રમ્પે ટ્વીટરના સીઈઓ જેક ડોરસેની મુલાકાત લઈ ચર્ચા કરી હતી access_time 3:59 pm IST