Gujarati News

Gujarati News

News of Wednesday, 24th April 2019

ર૮ રસના ચિચોડાને નોટીસઃ ૧૦પ કિલો લીંબુ-ચાસણીનો નાશ

મ્યુ. કોર્પોરેશનનાં આરોગ્ય વિભાગ દ્વારા ચેકીંગ ઝૂંબેશ : ઉપહાર બ્રાન્ડ ખજૂરનો નમૂનો ફેઇલઃ શુધ્ધ ઘીનો નમૂનો લેવાયો...

રાજકોટ તા. ર૪ :.. ઉનાળાની ઋતુમાં પાણીજન્ય રોગચાળો અટકાવવા મ્યુ. કોર્પોરેશનની આરોગ્ય શાખાએ ચેકીંગ ઝૂંબેશ હાથ ધરી છે જે અંતર્ગત આજે ર૮ રસનાં ચીચોડાને નોટીસો આપીને કુલ ૧૦પ કિલો  વાસી માળેલા લીંબુ અને વાસી ચાસણીનો નાશ કરાયો હતો.

આ અંગે નાયબ આરોગ્ય અધિકારી ડો. રાઠોડે જણાવ્યા મુજબ ઉનાળાની ઋતુમાં રોગચાળો અટકાવવા ખાદ્ય ચીજોનાં વેપારીને ત્યાં હાથ ધરાયેલ ચેકીંગ ઝૂંબેશ અંતર્ગત આજે ૩૭ રસનાં ચિચોડાનું ચેકીંગ કરતાં.

તે પૈકી ર૮ ચિચોડામાંથી વાસી લીંબુ અને અખાદ્ય ચાસણીનાં ૧૦પ કિલો જથ્થાનો નાશ કરાયો હતો. આજે તમામ ર૮ રસનાં ચિચોડાનાં વેપારીઓને નોટીસો અપાઇ હતી.

દરમિયાન ફુડ ઇન્સ્પેકટરોએ ગીતાનગર સોસાયટીમાં ભાવના ફુડ પ્રોડકટનાં ઉપહાર ખજૂરનો નમૂનો ફેઇલ જાહેર કરાયો હતો કેમ કે તેના પેકેટ ઉપર તારીખ દર્શાવેલ નહી હોવાથી ખાદ્ય બ્રાન્ડેડ જાહેર થયેલ.

જયારે આજે મંગળા મેઇન રોડ, ઉપરથી મેસર્સ પોપટ મહેન્દ્રભાઇ જમનાદાસને ત્યાંથી લૂઝ શુધ્ધ ઘીનો નમૂનો લઇ રાજય સરકારની લેબોરેટરીમાં મોકલી અપાયો હતો.

(3:30 pm IST)
  • કોંગ્રેસ સત્તામાં હોય છે ત્યારે આતંકવાદીઓ અને માઓવાદીઓનો આત્મવિશ્વાસ વધે છે :વડાપ્રધાન મોદીએ કોંગ્રેસ પર આકારા પ્રહાર કરતા લોહરદગામાં ચૂંટણી સભાને સંબોધતા કહ્યું કે કોંગ્રેસ પાર્ટી માત્ર એક પરિવાર માટે વિચારે છે અને તેના માટે જ સમર્પિત છે :અન્ય તેના માટે માત્ર વોટબેન્ક છે access_time 1:08 am IST

  • CJI ગોગોઈ જાતીય સતામણી કેસ : સુપ્રીમ કોર્ટના ચીફ જસ્ટિસ શ્રી રંજન ગોગોઈ પર લગાવાયેલા જાતીય સતામણીના કેસ બાબતે ઇન-હાઉસ ઇન્ક્વાયરી પેનલની રચના કરવામાં આવી : શ્રી ગોગોઈ પછી નવા ચીફ જસ્ટિસ બનનાર શ્રી બોબળેની અધ્યક્ષતામાં રચાઈ આ પેનલ : આ પેનલના બીજા બે સભ્યો તરીકે જસ્ટિસ એન.વી. રામના અને શ્રી ઇન્દિરા બેનર્જીની પણ નિમણુંક કરાઈ : CJI ગોગોઈએ આ સમગ્ર મામલનો નિર્ણય આ નવી રચાયેલ પેનલ પર મૂકી દીધો હોવાનું જાણવા મળે છે. access_time 12:26 am IST

  • વડાપ્રધાનને મારા પરિવારના નામનો ઉન્માદ થયો છેઃ પ્રિયંકા : તેઓ માત્ર મારા પરિવાર વિશે બોલે છેઃ કોંગ્રેસ મહામંત્રીના ચાબખા access_time 3:58 pm IST