Gujarati News

Gujarati News

News of Wednesday, 24th April 2019

વાછરડી બાજુની વાડીમાં રજકો ચરી જતાં પ્રકાશ કિહલા પર ચારનો પાઇપથી હુમલો

વિંછીયાના હાથસણી ગામનો બનાવઃ કોળી યુવાનને રાજકોટ ખસેડાયો

રાજકોટ તા. ૨૪: વિંછીયાના હાથસણી ગામે રહેતાં પ્રકાશ ખોડભાઇ કીહલા (ઉ.૨૮) નામના કોળી યુવાન પર તેના કોૈટુંબીક ભાઇઓ અનિલ ભોજાભાઇ કિહલા, કાળુ ભોજાભાઇ અને વિજય ભોજાભાઇ તથા ધુનાબેન ભોજાભાઇએ સાંજે સાડા સાતેક વાગ્યે હુમલો કરી પાઇપથી માર મારતાં માથા-શરીરે ઇજા થતાં સારવાર માટે રાજકોટ સિવિલ હોસ્પિટલમાં ખસેડાયો છે.

બનાવ અંગે હોસ્પિટલ ચોકીના એએસઆઇ થોભણભાઇ ટીલારા અને ધર્મેશભાઇ ડાંગરે વિંછીયા પોલીસને જાણ કરી હતી. પ્રકાશના કહેવા મુજબ તે ખેતી કરી ગુજરાન ચલાવે છે. સાંજે ફળીયામાં તેની પત્નિ વિલાસ કામ કરતી હતી ત્યારે બાજુમાં જ રહેતાં કોૈટુંબીક ભાઇએ આવી છેડછાડ કરતાં પોતે તેને ટપારવા દોડતાં હુમલો થયો હતો. જો કે પોલીસ ફરિયાદમાં એવું નોંધાયું છે કે પ્રકાશની વાછરડી બાજુની વાડીમાં રજકો ચરી જતાં તે બાબતે મનદુઃખ રાખી હુમલો કરાયો હતો.

(11:51 am IST)
  • લાખ્ખો યુવાઓને જેનું ઘેલું લાગ્યું છે તે સોશ્યલ મીડિયા એપ ટિકટોક પરનો પ્રતિબંધ ઉઠાવી લેતી મદ્રાસ હાઇકોર્ટની મદુરાઈ બેન્ચ : આ પહેલા મદ્રાસ હાઇકોર્ટની આ જ બેંચે ટિકટોક પર પ્રતિબંધ મૂક્યો હતો અને સુપ્રીમ કોર્ટ પણ તેને માન્ય રાખ્યો હતો access_time 7:45 pm IST

  • લોકસભા ચુંટણી ૨૦૧૯ : આજે સૌરાષ્ટ્ર-કચ્છમાં સૌથી ઓછુ મતદાન અમરેલીમાં અને સૌથી વધુ મતદાન રાજકોટમાં થયું છે : આખા રાજ્યમાં સૌથી ઓછુ મતદાન અમરેલીમાં અને સૌથી વધુ મતદાન વલસાડમાં થયું છે : ૨૦૧૪ની સરખામણીએ આ વખતે પણ આખા રાજ્યનાં વોટર ટર્નઆઉટની એવરેજમાં બહુ મોટો ફેર નથી પડ્યો - એટલે હવે એ જોવાનું રહ્યું કે ૪૫ લાખ નવા મતદાતાઓ કઈ દિશામાં લઈ જશે ગુજરાતની ૨૬ બેઠકોને access_time 10:44 pm IST

  • ક્રિકેટરમાંથી રાજકારણીઃ ગઇ કાલે ભૂતપૂર્વ ક્રિકેટર ગૌતમ ગંભીરે ઇસ્ટ દિલ્હીમાંથી બીજેપીના ઉમેદવાર તરીકે નોમિનેશન ભરતાં પહેલાં શાનદાર રોડ-શો કર્યો હતો. access_time 11:22 am IST